Каква ќе биде Барселона сезонава со староседелците Меси, Суарез, Дембеле, Кутињо и новите Гризман и Де Јонг ќе видиме уште од петок кога ја стартуваат сезоната со гостување во Билбао. Инаку играа уште една пријателска со Наполи на која повторно Елмас одигра едно полувреме. Ги растурија 4:0.

Има заразени и заразени луѓе со фудбал, а на овие вториве не им е доволно само да го гледаат. Тие собираат сликички и полнат тефтери, па фиоките денеска им се едно убаво потсетување на детството кога немавме интернет или уште беше на почеток.

Често знаеше Алегри минатата сезона кога ќе прави измена да го стави во игра Даглас Коста. Кога на клупа држиш таква класа на играч, тогаш што е со првотимците. Уствари дечково кај е за на клупа. Погледнете ја оваа техника и брзина. Ќе ти го земе паметот.

Колку и да копаме низ историјата џабе. Нема и не ќе се роди полош и поаматерски од овој на Марио Балотели пред осум години кога играше за Сити. Публика му свири, Џеко му се чуди, а Манчини во истиот момент го направи вистинскиот потег. Го извади од игра без око да му трепне, а овој па уште му се буни, демек што направил лошо.

Сваровски Тирол и Сент Полтен го заокружија третото коло од австриската прва лига со резултатот 1:1. Гостите израмнија преку Михаел Амбихл кој уште на старт постави високи стандарди во прогласувањето на гол на сезоната.

Македонскиот голгетер Илија Несторовски одлично ја темпира формата пред стартот на Серија А која почнува на 24 август. Удинезе го совлада нисколигашот Сан Луиџи со 9:2, а Иле погоди во 30-та и 34-та минута.

Само пет дена откако пишавме дека се најмодерен македонски клуб во однос на тоа како се работи на интернет, само уште еднаш ни ја потврдија перцепција за нив. Друг клуб не ни излегува со вакви податоци за сопствената промоција.

Плукаше по судии, па го казнија, па се повреди, па излезе видео од хотелска соба како се тепа со старлета (она го мава) која инаку го обвини дека ја силувал, па каснеше во Париз на подготовки за да се види дека се зеза по плажи. Човеков е тешка гњаважа, а зборот „професионалност“ кај него повеќе не постои. Сега го поврзуваат со заминување не само во Барса, туку и во Реал.

Видеово е старо од 2010-та, ама епско за азискиот фудбал и младинските мундијали. Ја имаме Куми Јокохама од Јапонија на која се обидува да и ја земе пола селекција на Северна Кореја. Се работи за светско првенство за фудбалерки до 17 години. Ги изора како нива.

Го носеше нивниот дрес во сезоната 2008/2009. Тие што седат на клупа се од негова, ама тоа ништо не менува кога по баскетот ќе тргне човекот со 150 кила и 216 висина. Сакаат и утре да седат на истата клупа, живи и здрави.

Откако паузираше цела година од тренирање, Жозе Мурињо нема тренерски ангажман ниту оваа сезона, но затоа почна да работи како стручен коментатор за Скај Спортс. Деби за анализа му беше Манчестер Јунајтед - Челси, по што Гери Линекер се отвори со јак штос.

Иако Атлетико не важеше за клуб кој фука по толку многу пари за еден играч, сепак Жоао Феликс им е исклучок вреден 120 милиони евра од редовите на Бенфика. Детево, родено 99-та, има страшен голгетерски инстинкт. На Јуве му даде два комада за 9 минути. И двата јаки голови на прва.

Не се сеќаваме да сме виделе голман да ја рогне и потоа да легне на земја со грч на лицето. Но да не јадеме гурабии, Клоп веќе даде изјава дека Алисон Бекер го изнеле со количка и дека не изгледал добро. Дали е истегнување или нешто друго, ќе кажат лекарите.

Европската куќа на фудбалот го сподели на Твитер голот кој е прогласен за број 1 на сезоната 2018/2019 во ЛШ. Се работи за слободниот удар против Ливерпул во полуфинале кој не го фаќаа тројца голмани.

Само Пипо Инѕаги знаеше да биде ваква пргава, снаодлива и необична 9-ка во шеснаесетник. Сам на себе успеа да си направи асистенција и тоа во дуел со Кан од два метра. Легенда :). 

Додека цела медиумска машинерија труби за Нејмар, Икарди и други ѕвезди кои се очекува летово да сменат средина, Давид Луиз изненадно го крена дресот на Арсенал и ги налути навивачите на Челси.

Торино го попари Шахтјор Солигорск 5:0 во квалификациите за ЛЕ, а еден од Белорусиве се струполи на земја од мака, кога виде каков кикс направи пред гол.

Тие што играле или играат серва во маало, сигурно го искусиле ова. Топката оди апла во аут, а ти ја фаќаш инстинктивно или намерно за да не трчаш по нејзе, па потоа расправии чиј е поенот. Во професионален спорт ова не сме го виделе до сега.

На 30 јануари, 2000-та, годината во која го освоија Скудетото, на мечот Лацио – Бари на трибината под негова контрола се појави транспарент со поддршка на Аркан. Држеше бизниси со обележја на Лацио, а беше апсен за трговија со дрога под обвинение дека е шеф на криминална група.

Ник Кирјос е на нов турнир, овој пат во Канада, али штета што испадна во прво коло пошто така автоматски се намалува мастравот со негови глупости. Загуби 6:3 и 6:4 од Британецот Кајл Едмунд, а пак нервите ги загуби поради тоа што сакал нов чист пешкир, без логото на турнирот. Очекувано, следуваше кавга со судијата на кој му бараше да нарача.

Пред 22 години, човекот кој важи за еден од најбрзите и најславни бекови, го изведе најневозможниот слободен удар со чудна траекторија. Да видиме што може он сега додека е во пензија, кога на гол му стои Виктор Баија.

По четирите комада против Левски Софија на гости, Иван Тричковски ја продолжува голгетерската форма и во третото коло од ЛЕ. Овој пат стрелаше дома против Гент во 88-ма минута и со тоа го спаси својот тим од пораз.

Невообичаениот дриблинг на денот ни доаѓа од Исланд, каде внимавајте добро што направи играчов по име Стивен Ленон. Ја прими со грб и со тоа му ја протна низ нозе на противникот, а потоа ја дувна во агол. Па има ли појако?

Се зборува за трансфер од околу 75 милиони евра и годишна плата од 9 милиони евра. Ромелу Лукаку е нов напаѓач во редовите на Интер предводен од Антонио Конте. Навивачите пресреќни, место во кревет, во ниедно време заминаа на аеродром и побудалеа кога го видоа.