Како Златан го направил првиот трансфер во кариерата

На денот кога можеби го направи последниот трансфер, одиме 19 години во минатото со една куса анегдота која ја раскажува самиот Златан. Ова е голема потврда колку значел уште тогаш, ама и колку клубот што го купил бил принципиелен. Сите морале да го видат.

Првиот клуб во кариерата на Златан Ибрахимовиќ е Малме каде во 1999-та го прекомандувале од младинска во сениорска конкуренција, а првиот трансфер му се случил во 2001-ва кога имал 19 години.

Во игра бил и Арсенал, ама Златан сепак продолжи во Ајакс каде почна да импресионира и со кој ја освои тројната круна.

Трансферот како отскочна даска во кариерата му се случил откако со Малме бил на подготовки во Шпанија. На почеток дошол некој да го гледа, а тој појма немал дека е скаут на Ајакс.

Вака оди приказната:

Одиме со клубот на подготовки во Шпанија и таму имаше еден кој постојано ме набљудуваше. На почеток не знаев дека е дојдеn од Ајакс за да ме следи токму мене.

-Првиот ден беше тој.

-Вториот се појави друг скаут на Ајакс.

-Третиот ден дојде асистент тренерот.

-Четвртиот ден дојде главниот тренер на Ајакс.

-Петтиот ден дојде директорот на Ајакс.

-Шестиот ден веќе немаше што да гледаат.

Ми велат: „Треба да дојдеш кај нас“.

После неколку часа падна договор и веста излезе и во Шведска. Се сеќавам дека на телевизија ме виде и мајка ми. На прилогот покажале моја слика, но бидејќи мајка ми не разбираше добро шведски се загрижила да не зборат дека ми се случило нешто лошо.

Се слушаме на телефон и со загрижен глас ми вели: Што се случи, добар ли си? Јас и велам: Добар еве потпишав за Ајакс, ќе одам да играм во Холандија. Потоа на босански ме опцу и ми рече дека лажам. Потоа ми спушти слушалка.

Откако мајка му се изнервирала и му спуштила слушалка, нејзиниот син на 19 години потпишал за Ајакс за сума од 8,7 милиони евра. Останатото е историја.

3 јануари 2020 - 14:56