И не само што не сакала, туку е лута и навредена што фотографката на една слика ја ослабнала 15 кила.

Во еден од примерите колку кампањата #MeToo може да биде проблематична, покрај тоа што е корисна, минатата недела видовме фотографка што го обвини Азиз Ансари за напад, под скроз дискутабилни услови. 

Ел Дарби е „инфлуенсер” од Велика Британија. Тоа значи дека со своето присуство на социјалните мрежи каде што брои илјадници следачи заработува за живот. The White Moose Cafe е прекрасен хотел во Даблин со саркастичен газда. И овие две страни драматично се испокараа на Фејсбук.

Илај Резкала е 30-годишниот уметник и фотограф кој неодамна објави серија фотографии со наслов „Во паралелен универзум”. Сите оние сексистички реклами од ’50-ти на кои сега им се смешкаме од оваа безбедна дистанца на еднаквост меѓу половите, Резкала ги замислува со сменети улоги.

Во една од рубриките на The Cut, читателките можат да се обратат до психијатар за проблеми од секојдневниот живот, и така направила и една што се потпишува како „Очајна да помогне”. Очајна е да им помогне на две другарки од друштвото, кои наводно за разлика од неа, не се привлечни, а толку многу сакаат да се омажат и да имаат деца. И толку ѝ е погрешен ставот, што психијатарот во улога на „Драга Савета” ја прави парче. Терапевтски.

Очигледно на доволен број луѓе им притребало за да стане вообичаена пракса - тоа е кога ќе ти текне дека старееш и дека не ти старее само вратот, лицето и рацете, туку и ушните ресички, со проблеми како флеки, опуштена кожа и брчки ти кажуваат дека дошло време да ги боцнеш. И тоа не само со менѓуша.

Ако сакате да видите мизогинија – вистинска, висцерална мизогинија што сака да засрамува жени, што ги гледа како неспособни да размислуваат сами за себе, или како сопственички на толку отровни мисли што не ни смеат да размислуваат – не одете подалеку од #MeToo.

The Hair Historian, или „историчар за коса” е акаунт на Инстаграм што ги лови женските фризури низ историјата, благодарение на нивното уметничко овековечување. И еден скрол може да покаже колку е најмал проблем минивалот од '80-ти.

Чисто да се потсетиме: Шерон Стоун е „Основен инстинкт”. Секс симбол. Со децении на сцена, уште многу пред жените да се освестат и да почнат да покажуваат Вајнстиновци со прст.

Неколку славни личности прекинуваат соработка со H&M откако компанијата извади слика од мало црнче облечено во дуксер со натпис "Coolest Monkey in the Jungle."

Сега има Friends на Нетфликс, па од тие што ја пропуштија серијата затоа што беа многу мали или не беа родени во ’90-ти, има и такви што не им се верува колку е серијата трансфобична, хомофобична и сексистичка. На останатите, не ни се верува дека и до ова им дојде.

Постојат луѓе толку незатруени од превари и балканштини (од проста причина што не се на Балкан) што успеваат да се излажат и на тие реклами од чудни брендови на Инстаграм, мислејќи дека се работи за скромен шнајдер од Бруклин. Само што, не сме ние толку отракани за бизниси на Инстаграм, па обично, ваквиве „неокаљани” ги снаоѓа – кинезштина. Балканштината им ја правиме на домашен терен.

Sweet Pea е апликација за онлајн запознавање, која од другите 300 како неа се разликува по тоа што инсистира малку повеќе да направите муабет со човекот од другата страна, наместо тоа тупото „Шо има?”

На доделувањето на Златните глобуси, жените носеа црно, а мажите носеа беџови со Time’s Up. Меѓу тие мажи и Џејмс Франко. Ова на Твитер беше прокнижено како провокација и правење на будала, затоа што пет жени веќе го имаат обвинето за сексуално малтретирање.

Веројатно до сега на Фејсбук и Инстаграм ви се појавил спонзориран пост за MasterClass – професионалци држат предавање за својата област, ама не такви што мора да ги гуглаш, туку Стив Мартин предава комедија, Ени Либовиц фотографија, Рон Хауард режија и слично. И без разлика што звучи too good to be true, сепак не е измама, напротив. Ако платиш 90 долари, добиваш неколку саати монолог од омилената славна личност, а дали ќе ти биде доволно тоа... Ќе видиме.

Ништо не кажува дека си народна жена како блуза од 380 долари, на која пишува „Сиромаштијата е сексистичка”.

Вака вика Кетрин Денев и е една од 100-те Французинки кои потпишаа едно отворено писмо против новиот пуританизам кој се наметна после бројните скандали со сексуално малтретирање. Затоа што, замислете свет каде што некој прво треба да ви извади договор пред да ве залапа?

Добрата вест е што шарените прамени остануваат во 2017-та, и има одличен избор за секоја должина. Лошата вест е што се движиме, меѓу другото и кон џигер-територија.

Тоа чувството кога веќе станува алармантно колку многу мора да ја миеш, а ти си викаш „...Ај уште денес.” А оно почнува веќе да капе како уље од кола, простете на језивата споредба.

Замислете ги тие компјутеризирани цртани со Барби што им ги пуштате на ќерките, само нема ништо розево, и насловот не е „Барби и волшебното кралство” туку „Самоуништување”.

„Тешко е да бидеш тажен кога се фокусираш на тоа што го имаш, наместо на тоа што го немаш,” изјави еднаш Опра за Вог. Можеме да дискутираме за ова, можеме и да се правиме на тошо, може е тешко применливо на оваа страна на светот, ама сепак, кога Опра збори, едно е сигурно: канти не тропаат.

Од прилика вака би се сумирал настанот – доделување на Златни глобуси, одамна најавуван како еден од поважните што се случиле и ќе се случат – највеќе затоа што неколку месеци пред него, светот дозна дека Харви Вајнстин е манијак, па отвори досега невидена (и холивудска) Пандорина кутија. Што имаше на црвениот тепих овој пат?

Веќе треба да ни биде јасно дека социјалните мрежи се многу повеќе од само место каде што ние можеме да мудруваме за политика (не ние конкретно де, нашите статуси за политика се најубави и најиздржани), него се сериозни мерачи на трендови според кои цели компании можат да го направат својот годишен план. Ова особено важи за модните брендови, затоа што, баш Пинтерест веќе има извештај околу трендовите што допрва следуваат.

Overthinking, или оптеретување со глупости е една прилично мрачна и штетна работа ако не ја ставиш под контрола.