„Најслаткото мајмунче во џунглата” ги боцна луѓето затоа што баш тоа, „мајмун”, долго се провлекуваше како навреда на расна и етничка основа. Не помогна ни случајноста што во истата кампања, бело машко дете носеше дуксер со натпис „експерт за преживување”.
И почнаа луѓето да се расфрлаат со „деградирачки”, „неодговорно” и „расистички”.
Компанијата поразено се извини и ја отстрани сликата, но досега веројатно треба да ни биде јасно дека луѓето се пијавици и дека нема да се откачат така лесно.
Двајца музичари, G-Eazy и The Weeknd објавија дека веќе нема да работат со H&M, длабоко навредени, иако соработката им е во полн ек.
Она што е најинтересно во целиов случај, е дека мајката на најслаткото мајмунче (џабе уште сто пати да го кажете, пак нема да биде навредливо и точка), воопшто не е потресена околу целата работа.
„Тоа е син ми. Бев на сите фото сесии и оваа не беше исклучок. Ова е само едно парче од стотиците во кои син ми позираше… Доста викате „волк, волк!” ова е непотребно. Баталете.”
И, мислите дека светот си рече „А, добро, штом МАЈКАТА НА ДЕТЕТО ВИКА ДЕКА Е ВО РЕД”?
Се разбира дека не. Светот бесен, H&M со извинување, и се така во оваа масовна хистерија со поднаслов - Немој да ме браниш, жити сè!
А како доказ дека на луѓето не им е дојдено до еден пофин свет, него само бараат причина да го извадат од себе тоа гадното, еве како се протестираше против H&M:
So this is H&M at Menlyn... a group of people are vandalizing and just throwing clothes around. #ANC106 pic.twitter.com/1S4edBabyS
— Mukololo ® (@DineoDeeMash2) January 13, 2018
