Огранокот на американскиот ПЕН центар (Меѓународното писателско здружение) од Њу Ингланд доделува „награди за книжевна исклучителност" на музичари кои се истовремено автори на стиховите на нивните песни. Овогодишни добитници се Том Вејтс и Џон Прајн.

Цимане, население кое живее во Боливија, го става под знак прашалник досегашното сфаќање за тоа зошто (и дали воопшто) луѓето повеќе сакаат хармонични созвучја, а не дисонантност.

„Уметноста на договорот", објавена во 1987, која помина 51 недела на бестселер листата на Њујорк Тајмс, направи Американците во Трамп да гледаат шармер со неверојатно чувство за бизнис. Ко-авторот, а всушност вистински автор на книгата, Тони Шварц, сега вели дека со неа ставил „кармин на свиња".

Вчера во Кливленд заврши Републиканската национална конвенција на која повеќето од присутните изјавуваа дека сакаат „Америка повторно да биде голема". Ама еден библиотекар имаше поинаква агенда.

Оригиналната нарација на видео играта ги има сите карактеристични на класична иницијациска бајка. Новата верзија е многу поедноставена, и главно се состои во ловење и заробување, без некој посебен подтекст. Но за многумина и ова е доволно чудесно.

Наводно вистинската приказна за сопственик на хотел, кој водел детални белешки за она што го гледал низ отворите на собите, предизвика скандал во САД. Но дури и да не е документарна, таа е вознемирувачка. Затоа што го буди воајерот во секој од нас.

Селимовиќ го нарекува тоа да се биде човек „подвиг“ - јунаштво е да живееш знаејќи дека животот е апсурден. И да оставиш трага позади себе, на добро, а не на зло.

Само што сте станале а веќе се чувствувате изнемоштено? Сите околу вас делуваат ко папсани, без елан, ментално и физички стресени? Не го обвинувајте „современото темпо на живот". Уморот е со нас откако постоиме како вид.

Во викенд изданието на Дневник, во колумна насловена „Документарец што тера на размислување", Влатко Ѓорчев препорачува филм за образованието во САД, кој „се гледа во еден здив", и кој го поставува образованието „како еден од клучните фактори за развој на општеството". Истиот го опишува како актуелен и релевантен за секоја држава, што значи и за нашата. Доволно елементи за филмот внимателно да се погледне.

Во последниве 400 години, од времето на научната револуција, како да помисливме дека можеме да го разбереме светот, откривајќи ги еден по еден сите негови закони. Но можеби тој не само што е почуден отколку што претпоставуваме, туку е почуден од она што воопшто можеме да претпоставиме.

Човекот најпознат по изреката „Не се согласувам со она што го кажуваш, но до смрт ќе го бранам твоето право да го кажеш", за која да бил на Фејсбук веројатно два пати ќе размислел, си дозволувал ваква филозофска великодушност затоа што во еден период во животот на лесен начин - на лото - стекнал големо богатство. Сепак и за ова требало не толку среќа, колку интелигенција.

NearSt е нова платформа преку која лондончани можат да нарачуваат наслови од локалните книжарници и да ги добијат на домашна адреса. Предноста во однос на другите начини кои стојат на располагање - се помагаат локалните независни книжарници, и работата се завршува за еден час.

Кога разбравме дека на лингвистички собир бил презентиран труд кој анализира наслови од нашиов сајт ни дојде ептен мило - после години мозгање околу скриената моќ на нашите текстови од страна на аматери, конечно својот суд донела и науката. А тој гласи: Офф.нет се уникатни и креативни. 

Не сме баш сигурни околу споредбата со GoT, но во книгата на Хусеин дефинитивно има некакви племиња и некакви политички интриги. За останатото, ќе мора да се прочита.

Не дека славниот сликар немал психички проблеми, но тие не само што не биле извор на креација, туку му ја оневозможувале работата на подолги периоди. Нова изложба во неговиот музеј во Амстердам се обидува да прикаже една пореална слика наспроти онаа романтичната, според која за уметноста е к'смет да си луд.

На 1 декември 1930 англискиот самоук композитор со индиско потекло Каикосру Сорабџи настапил на сцената на Стивенсон хол во Глазгов, за да изведе едно од неговите дела. Четири и пол часа подоцна, се онесвестил по големото финале.

Во 2013 пренесовме вест дека научниците од Кембриџ успеале да ги сместат сите 154 сонети на Шекспир во човечка ДНК, за да го демонстрираат огромниот потенцијал на генетско складирање. Сега истото, само со „Војна и мир" го направиле од Мајкрософт.

Германски филм што треба да го погледне секое дете, за да разбере што значи кога неговите баба или дедо веќе не можат да се сетат кои се самите, и кои се оние околу нив. И секој син или ќерка, кои кога нивните родители ќе станат сенилни ја сфаќаат вредноста на спомените.

Добрата вест е што е откриена формула за пишување успешни романи. Лошата вест е што со нивна комбинација сепак не може да се напише цела книга.

Почнало како тинејџерска забава во високите кругови во Франција, во кои кружеле „лексикони“ со навидум банални прашања. Денес е чест од некого да се побара да одговара на истите oние на кои некогаш одговарал 14-годишниот Марсел Пруст.

Во јули 1915 еден вооружен човек влегол во резиденцијата на најмоќниот њујоршки банкар Џ. П. Морган, синот на финансискиот гигант со истото име, и пукал во него. Медиумите го опишале како луд, но неговата порака всушност држела вода.

На 4.07, на 76 годишна возраст почина Абас Кјаростами, славниот ирански режисер, фотограф и поет, автор на над четириесет филмови. Најпознатиот од нив е токму овој, награден со Златна палма во Кан.