Не заминав за Нов Зеланд. Не се преселив ниту во некое зафрлено село. Моето петнаесето, јубилејно (и кој знае, можеби последно) селење се случуваше на растојание од неколку стотина метри. Па сепак, некои лекции се научени, и можеби некому ќе му послужат.

Руските книжарници, во пресрет на одбележувањето на 70-годишнината од победата над фашизмот, од своите рафтови и сајтови отстрануваат антологиски графички роман кој зборува за ужасите на холокаустот. Причина: имало кукаст крст на насловната.

Денот ни почна со тажна фото-репортажа за зеленилото во Скопје некогаш и сега, а некако кармички продолжи со овој текст на Дежуловиќ. За шесте хектари рекреативен простор среде Гетеборг, и необичниот концепт кој им овозможува на граѓаните да попиздат кога некој им го одзема заедничкиот простор и го продава на најдобриот понудувач. Тој се вика - „јавност".

Сеќавање на ќерката на Фјодор Михајлович, за тоа како изгледал неговиот погреб во 1881, кога таа имала 12 години. Тоа е интересно и како документ, но и како опис на целата атмосфера во Русија при крајот на 19. век, кога писателите биле пославни од царевите.

До сега пушењето марихуана произведена од Вили беше животна амбиција на бројни пушачи, а го имаа остварено само неколкумина среќни фанови и пријатели, како Снуп Дог. Но работите се менуваат, бидејќи пред неколку денови тој си отвори своја компанија, Willie's Reserve, која ќе произведува - Willie Weed. Засега тоа е можно само во Вашингтон и Колорадо.

Од видеово извлековме две поуки. Прво, дека актерството е вештина којашто се учи од вистински мајстори, дури и од најмали нозе. И второ - дека Шекспир треба да се рецитира и по градинки.

Расказ од 2009, само една од безбројните приказни кои се одвивале и ќе се одвиваат низ ходниците, по ќошињата и во сенките на ГТЦ. Денес е денот да му, и да си дадеме шанса.

Во едно од неговите антологиски дела, „Вавилонската библиотека", Борхес пишува за таков збир на книги кој ги содржи сите можни наслови, и е извор на бескрајна среќа. Тоа е едeн од најдобрите мисловни експерименти во филозофската фикција, но сега е и дигитална реалност.

На денот на нашиот традиционален настан, петтиот Фестивал на јадење книги, ви претставуваме две нови изданија, кои се однесуваат на готвачките вештини на двајца големи уметници.

И до сега сме пишувале за необични музички документарци, како оној за пионерот на електронската музика Вилијам Онјебор, како и за прото-панк бендот „Смрт" кој воскресна преку документарец сличен на оној за Шугармен. Сега нов филм ја документира историјата на живата музичка сцена во Камбоџа, пред Црвените кмери.

За првата радио станица на неговото детство - радио Скопје - гласовите на Никола Бадев и Нина Спирова, за македонското Л, и за судбината на еден славен скопски жител, раскажана низ личен ракурс. Синан Гуџевиќ, исто како и Зорба, слободен човек.

Кога во 1889 Ајфеловата кула се отворила за восхитената јавност, нејзиниот архитект ги собрал сите ловорики. Но она што таа јавност не го знаела било дека тој си направил мал таен стан на врвот на светското чудо.

На овогодинешниот Кански фестивал, кој ќе се одржи од 13-24 мај, премиерно ќе се прикаже анимиран долгометражен филм направен според „Малиот принц" на Егзипери. Режисер - Марк Озборн, истиот од Кунг-фу панда.

Кога се известува за тоа кој ја добил Пулицеровата награда за одредена година обично се почнува (а понекогаш и завршува) со добитниците од областа на новинарството, а останатите - белетристика, музика, драма, историја, биографија, поезија - како да се под „разно". Па кои се некои од нив оваа година?

Додека ние сетилно сме ориентирани кон слушање „бомби“, Американците деновиве ќе имаат потешка задача - да прочитаат книга, ако сакаат да ги дознаат наводните валкани зделки со кои се занимавала кандидатката за претседател на демократите. Не знаеме дали таа содржи транскрипти од монтирани и креирани телефонски разговори, ама па затоа има километарски наслов.

Музичкото образование во западниот свет често ја потенцира „музичката писменост", односно способноста да се чита музичка нотација. Но ова понекогаш не е лесна задача дури и за професионалните музичари, што го повлекува прашањето: дали е можно да постои и музичка дислексија?

Наследниците на Јозеф Гебелс го тужат издавачот Рендом Хаус заради употреба не негови записи во нова биографија посветена на овој озлогласен министер за пропаганда на Хитлер. Став на издавачот: не плаќаме авторски права на злосторници.

Нова апликација, која работи во тандем со Фејсбук Месинџер, овозможува испраќање анимирани цитати од значајните книжевни дела на вашите пријатели. Името на апликацијата е прилично софистицирано: GIF Quotes.

CIS Tower е облакодер на улицата Милер во Манчестер. Изграден е во 1962, а со своите 118 метри е највисока деловна зграда во Велика Британија вон Лондон. Токму на неа Мар ѝ ја посвети песната „Динамо" oд неговиот втор соло албум, Playland.

Драмите на Бекет нудат можност за радикални експерименти. Една од нив, за којашто пишувавме по повод заминувањето на „музата" на Бекет, на сцената ја предвидуваше само осветлената уста на главната (и единствена) актерка. Но во нова продукција, на нешто што било замислено исклучиво како радио драма, целата сала ќе биде во мрак.

Тибетански будист и некогашен англикански бискуп, обајцата борци за човекови права и добитници на Нобеловата награда за мир, ќе се обидат да дадат одговор на тоа како (и каде) се наоѓа среќата.

Овој викенд во Рокенрол халата на славните ќе бидат примени Грин деј, Лу Рид, Бил Витерс и Џоан Џет. За музичка исклучителност конечно ќе биде награден и Ринго Стар.

Големите фигури на филозофите-мажи од периодот на раната модерна филозофија досега ги засенуваа оние поретките, но сепак постоечки ликови и дела на жените филозофи од истиот период. Еден сајт се обидува да ја исправи работата.