Обидувајќи се да се претставиме како совршени (и онлајн и во реалниот живот) ние всушност работиме против себе, против слатките мали недостатоци кои прават некој да ви стане неподносливо драг. Парадоксално, но истата лоша услуга си ја правиме и кога ги негираме нашите базични нагони - вели Жижек, чија идеја за совршена романтична вечер ќе ве изненади.

Редовните читатели ја знаат нашата неуморност во следењето на оваа награда, која од 1993 се доделува на најлош опис на коитус во проза. Описите имаат нешто заедничко - не се убави, ама затоа пак се многу упорни во својата намера.

Откачен филм на холандскиот режисер Алекс ван Вармердам, кој е нешто помеѓу комедија, трилер и, на моменти, хорор. Истовремено, тој е и остра критика на нашата неспособност да препознаеме насилство, дури и кога ни се одвива пред очи. 

Kнигата „Преку врвот и назад" и албумот „Одамна загубениот куфер" излегоа истовремено, и се надополнуваат како книжевно-музичка приказна. Тие зборуваат за корените на славниот пејач, кој на 75 години звучи како да има уште многу за возење.

Едниот музичар, другиот математичар со докторат од економија и поранешен министер. Двајцата со радикални идеи во нивните области, пријатели кои од време на време одат заедно на концерти. Нивен неодамнешен двочасовен разговор за сè и сешто - од кучиња-скитници, природата на верата, нападите во Париз и, најважното, нивниот активистички оптимизам.

Aко следната година нашите книжарници се инспирираат од оваа иницијатива, нека не се мачат со батлер и вино, сосема е доволна и по една жолта, цивилизирано сервирана во бокалче. Мезето се подразбира.

Овој месец се одбележуваат сто - земски - години од Ајнштајновата општа теорија на релативност. Таа, како и делото на Ајнштајн воопшто, извршила огромно влијание не само врз научната мисла, туку и врз уметноста.

Веројатно се сеќавате на списокот на 10 особини на балканскиот менталитет. Но дали има нешто специфично за балканските жени? Светлана Слапшак зборува за нивниот статус, кој историски и актуелно е мешавина на понизност и бунтовност.

По неговата смрт во 2011 излезе само една збирка есеи под симболичен наслов „Смртност", за која детално пишувавме тука. Пред неколку дена излезе и втората, којашто е веројатно последна асална, пред да почне да „се гребе дното од казанот" - стандардна процедура за заработка од починати славни автори

Од 19 век па до денес во кубанските погони за производство на пури и кубански цигари многу важна улога имаат тн. „лектори" или читачи. Тие не само што информираат и забавуваат, туку од ваквата своја улога црпат и големо политичко влијание.

Во тазе интервју за Ролинг Стоун продуцентот Тони Висконти вели дека целта на Боуви била „да се избегне рокенрол", а еден член на бендот тврди дека стиховите на првиот, истоимен сингл, се однесуваат на Исламската држава.

Непосредната вест е следна: на четвртиот годишен избор на Г-дин Грд во Зимбабве се случиле нереди, бидејќи миленикот на публиката загубил од некој којшто бил - премногу убав.

Минатата година, со книга на Маргарет Атвуд, започна проект во кој познати автори треба да напишат сто книги кои ќе им бидат објавени дури по сто години. Сега сличен потез прават и двајца филмаџии. „100 години" на Малкович и Родригез ќе биде ставен во временски програмиран сеф, која - здрави-живи - ќе биде отворен на 18 ноември 2115.

Една од најславните филозофски фигури на денешницата, од оние за кои се вели дека „нема потреба посебно да се претставуваат", Џудит Батлер беше пречекана со овации од младата белградска публика. Од нивниот ентузијазам можеме нешто да научиме, и за отпорот, и за желбата да се слуша филозофско предавање со мерак, ко да е концерт на Цеца.

Колку интересна може да биде изложба за макар и славен научник, во историски музеј, за некој што нема појма од природни науки? Епа многу.

Оксфордските речници, издание на Оксфорд jуниверзити прес, го објавија нивниот збор на годината. Тоа е:

На денот на нападот во Париз се обидовме да видиме дали има некаква врска помеѓу името на бендот кој свиреше таа вечер во Батаклан, и мотивите на напаѓачите. Таква врска изгледа нема, но има една друга - дека тероризмот е во спротивност на идеалите на музиката и на уметноста воопшто.

126 музичари, танчари и актери уествуваат во „Куцкамен", подвижна опера која се случуваше во Лос Анѓелес до вчера, 22 ноември. Проектот се опишува како најамбициозен музички настан од Вагнеровата поставка на „Прстенот на Нибелунзите" во 1876, која траела непрекинато четири дена.

Пред некое време едно (наше) осумгодишно дете нè остави без зборови кога на стандардното теткинско прашање „Што сакаш да станеш кога ќе пораснеш?" брзопотезно изјави - јутјубер! Нему, за разлика од нам, му е сосема јасно дека се работи за респектабилна, атрактивна и над сè профитна професија. Плус сега вклучува пишување книги.

Чинија со дупки, за оние кои се на диета. Комбинација на лопата со фотеља, за мрзливи градинари. „Фејсбук" или книга со огледалца во кои се гледате себеси - ова е мал дел од пронајдоците во Нонсеум, или музејот на пропаднатите и тотално бескорисни идеи. Демек сите други се спротивно на ова.

Ви се случило во уво да ви влезе збор од песна од кој никако не можете да се отарасите, дури и кога знаете дека нема шанси тој да гласи така? Не се секирајте, и на други им се случува, а феноменот си има и име.

„Јас и ти" ги содржи првите снимени сесии за Колумбија рекордс на прерано заминатиот музичар. Како и со сите други изданија на тн. „загубен" материјал и ова остава доза на скепса - дали ваквото постхумно издавање ни кажува нешто ново? Дали неговата репутација може да биде загрозена од второкласен материјал? Кога е во прашање Бакли ништо од ова не ни е важно.

Неговите перформанси предизвикуваат физичка болка дури и ако само слушаш за нив. По најновата акција - палење на огромната порта на зградата на руската Федерална служба за безбедност во центарот на Москва - Павленски се соочува со тригодишна затворска казна. Но ова е благ симболички чин на отпор во однос на она што го има правено претходно.

Утре (понеделник, 16.11) во 21 часот во кино Фросина ќе видите една можна приказна за македонскиот хипхоп - ако сте дел од таа сцена ќе ги препознаете луѓето, музиката и стиховите. Ако не сте, ќе научите нешто за една урбана субкултура, чија иднина во градов ни изгледа сигурна. Плус, влезот е бесплатен.