„Завист“ звучи како маана, и „народски“, и верски - сите поголеми религии ја сметаат за грев и карактеристика на нечисто срце. Па сепак, колку и да изгледа општествено корозивна, таа била вообичаен дел од човечките општества со милениуми. Работата е што тие, многу подобро од нас, знаеле како да ги искористат нејзините конструктивни страни. 

Не дека некои од нас имаат проблем да заспијат, дури и на нога. Но она што вообичаено го ветуваат книгите е обратното - дека се толку возбудливи што нема да можете да ги оставите. Оваа е малку поинаква.

Во овој филм не се случува (речиси) ништо. На моменти e и досаден. Но сепак вреди да се погледне, и тоа заради две нешта - Џефри Раш, и приказот на тоа колку е проклето тешко да создаваш уметност.

Вообичаено за човек со широки интереси и познавања се вели дека е „жива енциклопедија“. Луѓе кои се детално упатени во некои области има и денес. Но такви кои знаат сè, повеќе од Гугл, се одамна изумрени. 

Издавачите, можеби превентивно, а можеби затоа што некогаш се изгореле, сега дуваат и на јогурт - ангажираат посебни читатели, кои се „сензитивни“ за некоректности од различен вид, и кои алармираат доколку забележат такви моменти во книга која допрва треба да се објави.

Брајовата азбука и писмо денес на голем број слабовидни и слепи лица можеби им е надминато како средство за читање, бидејќи дигиталните апликации го презедоа приматот. И иако јавната поддршка за објавување материјали на Брајова азбука се уште постои (па и кај нас), на образовните програми за негово учење како да им треба освежување за 21 век.

Многу години по синглот „Оркански висови“ од нејзиниот дебитански албум од 1978, Кејт Буш по втор пат ќе ѝ оддаде признание на Емили Бронте, со стихови напишани во нејзина чест, врежани во камен.

Oбично се вели дека во животот е најдобро да слушаш што ти вели срцето. Ретко кој од нас ова го сфаќа буквално. А би требало.

За среќа на сајтов никој не ни брои знаци и зборови, па тоа е едно гајле помалку. Но има (странски) медиуми и стручни списанија кои имаат многу строги правила околу должината на текстовите. Тоа подразбира „стегнат“ начин на изразување, што значи и исто таков начин на мислење. Дали ова е добро во смисла на ефикасност и прецизност, или напротив, го убива изразот?

Leeuwarden, Ljouwert, Liwwadden, и уште стотици варијанти низ вековите - европскиот главен град на културата за 2018 е рекордер по број на имиња кои му биле давани низ историјата.

Поинформираните за она што сè останало необјавено по смртта на славниот музичар велат дека дури и сите негови официјални снимки случајно да исчезнат, тој повторно би бил сметан за музички гениј, само врз основа на огромното количество необјавен материјал. Него сега треба некој да го среди.

Може да се залажуваме дека она што го читаме, слушаме и купуваме е резултат на свесна одлука дека тоа се вклопува во нашиот изграден, софистициран и индивидуален вкус. Но дали бираме ние, или некој бира за нас?

Не се знае дали, и колку често Боуви користел метро во Њујорк. Но неговата најблиска станица би била онаа на Бродвеј/Лафает во Сохо. Таа до 13 мај ќе биде дизајнирана во негова чест, а во тој период ќе можат да се купат и посебни Боуви билети, кои содржат музика.

Дијагноза: Bookblock
Симптоми: Тензични главоболки, хронична вознемиреност
Третман: Има само еден лек - откажи се дур не станало предоцна

2 август 1939. Млад американски етнолог, еден од „перјаниците“ на неговата генерација, пулен на славните професори Франц Боас и Рут Бенедикт, извршува самоубиство во амазонските прашуми. Прашањето до денес останува нерасчистено - зошто?

Tекстов можеби нема ништо да им значи на оние родени после 1980. Но можеби и тие би се навлекле на еден од најсаканите мјузикли на сите времиња, доколку го изгледаат денес.

Лос Тигрес дел Норте дошле во Америка пред пет децении и прв пат свиреле во затвор. За да ја одбележат оваа годишнина тие неодамна свиреа во Фолсом. Последен пат таму затворениците музика во живо слушнале исто така пред 50 години, кога им пееше Џони Кеш.

Не е метафора, туку пазарно прашање: колку вреди трудот на пишувачите на текстови, истите оние кои ги читаме секојдневно по интернет?

Во нова книга Барбара Липска опишува како го преживеала ракот кој се проширил до мозокот, и како болеста ѝ го променила и начинот на мислење, и карактерот, но и природата на менталните болести кои самата ги истражува.

Одделението за истражувања на Гугл започна проект наречен Семантички искуства - сајтови на кои преку интересни активности се демонстрира способноста на вештачката интелигенција да разбере како зборуваме (и мислиме).

Нов проект под мотото „пишувајте песни како оние кои ве имаат инспирирано“, користи букви и ноти напишани од раката на познати музичари за да создаде фонтови кои го имитираат нивниот ракопис.

Прв пат во 75-годишната историја на престижната награда, која се доделува во областа на новинарството, книжевноста и музиката, во последната категорија признанието не го доби дело од џез или од класика. Албумот Damn на Ламар, за кого ја доби наградата, како и целото негово творештво, додуша е мешавина од многу нешта.

„Нашите тела, ние самите”, прв пат објавена во 1970-тите, предизвикала револуција заради третманот на до тогаш табуизираните теми. Сега, организацијата која ја издава книгата повеќе од 50 години изјавува дека ќе престане со печатење нови примероци. Oбразложението - жените веќе не зависат од книги за да се информираат за сопственото здравје и сексуалност.

Има (бар на македонски) интересно име: Рихард фон Крафт-Ебинг. Бил психоаналитичар и сексолог кој работел на ова поле уште во 19 век. Кој му е крив што после него дошол Фројд, кој врз него фрлил голема историска сенка. А баш убаво ќе стоеше место „фројдовско“ ова или она - „ебинг-ово“.