- Повеќе од 40 години по премиерата на „Историја на светот, прв дел“, најавено е дека вториот дел ќе биде продуциран од Хулу, во вид на мини-серија од осум епизоди. Шоуто ќе го следи истиот формат како и филмот, пародизирајќи периоди од светската историја.
- Неколку потсетници и помалку познати факти за првиот, генијален дел. Во почетната сцена во која ја сведочиме муграта на нашиот вид се слуша баритон кој вели: „И мајмунот се издигна и стана човек“. Тој му припаѓа на Орсон Велс, а неговиот глас се слуша и на почетокот на останатите четири главни делови. Било договорено Брукс да му плаќа 5000 долари дневно, па му ги исплатил сите 25.000 одеднаш. Велс беспрекорно снимил сè за само неколку часа но одбил да ги врати дневниците. Кога бил запрашан на што ќе ги потроши рекол - кубански цигари и кавијар.
- Главниот пештерски човек (тој во сцената со измислувањето на музиката) го играл поранешниот шеф на Мел Брукс, легендарниот Сид Сизар, кого Брукс го сметал за свој ментор. Антологиската сцена пак со Мојсие и плочките со 15...10 смртни гревови е снимена речиси случајно. Откако бил завршен предисторискиот дел, Брукс се загледал во сценографијата која требало да асоцира на камено доба и се сетил дека наместо да го скокне Светото писмо и веднаш да почне со Рим може да ја искористи позадината за библиските заповеди.
- Дали е чудно да се каже антропологинка, етнологинка или гинекологинка? Одговорите на овие и многу други прашања ќе бидат во фокусот на дискусијата „Од каде сега феминативи?“, што ќе се одржи на 4 јуни (четврток) во Лабораториум со почеток во 19 часот.
- Иницијативата „Зборци“ организира отворена дискусија посветена на феминативите и нивната улога во современиот македонски јазик. Настанот ќе отвори разговор за тоа колку сме подготвени да ги менуваме јазичните навики и како зборовите влијаат врз начинот на кој ја разбираме и обликуваме реалноста.
- На настанот ќе се обратат проф. д-р Симон Саздов од Филолошкиот факултет „Блаже Конески“, етнологинката и антропологинка Јана Коцевска и македонистката и лекторка Татјана Б. Ефтимоска. Организаторите најавуваат отворен разговор во кој публиката ќе има можност активно да се вклучи и да придонесе кон дебатата за јазикот, родот и општествените промени.
- Филмот „Фјорд“ од романскиот режисер Кристијан Мунџиу ја освои Златната палма вечерва на 79-от Меѓународен филмски фестивал во Кан, објавија француските медиуми. Мунџиу ја доби својата прва Златна палма во 2007 година за филмот „4 месеци, 3 недели и 2 дена“.
- Гран при наградата ја освои продукцијата „Минотаур“ од рускиот режисер во егзил Андреј Звјагинцев, додека наградата на жирито ја доби филмот; „Сонуваната авантура“ во режија на Валеско Гризебах.
- Наградата за најдобар режисер им припадна на Хавиер Калво и Хавиер Амбрози за филмот „Црната топка“ (La Bola Negra), како и на Павел Павликовски за филмот „Татковина“.
- Претседател на жирито оваа година беше јужнокорејскиот режисер Парк Чан Вук, а во жирито беа американската актерка Деми Мур (Мур) и кинеската режисерка Клое Жао.
