Додека во Лил активисти во знак на протест ги прелепуваат уличните билборди со бела хартија, Гренобл на ниво на град почна да заменува стотици билборди со дрвја.

Резиденцијалното зеленило штити од предвремено умирање, заклучува една мета-анализа на Институтот за глобално здравје од Барселона којa вклучува девет долгорочни студии во седум земји за вкупно осум милиони луѓе.

Имало и погадни, помизерни и поопасни градови за живеење од нашето Скопје (Битола, Велес, Куманово...) но успеале да ги преживеат природните, политички и општествени несреќи кои ги задесиле. Инвестирале во културата. Не, Мирко Субвенција, тоа не значи одма да се наредиш на уште еден конкурс.

Стаклото е убаво, ама за прозорци. Кога цел небодер го правиш стаклен, тогаш всушност градиш оранжерија. А оранжерија е добра за патлиџани, не и за луѓе.

Околу 80 проценти од 10 милиони луѓе што го посетуваат Лувр музејот во Париз доаѓаат да ја видат Мона Лиза, и најголемиот дел од нив си заминуваат незадоволни.

По повод 150 годишнината од раѓањето, градскиот совет на Манчестер решава да постави споменик на Ганди. По повод тоа што сме 2019, можно е тоа да не се случи.

Откако возач на Порше џип ја изгуби контролата на возилото, се качи на тротоар и уби три возрасни и едно дете, политичарите и јавноста во Берлин побара забрана за возење џипови „што наликуваат на тенкови“.

Во Париз се тестира радар за бука од сообраќај, кој ќе може да идентификува кое возило е претерано бучно и да го казни. Во име на луѓето што живеат покрај „Иво Лола Рибар“ дајте да почнеме да го тестираме барем на мотори после полноќ, пред да почнете да гледате барикади на улица.

Јас се откажувам, а веројатно треба и вие, е пораката од велшки активист кој повеќе од 4 години ги организира локалците и сам учествува во расчистување пластика од тамошни брегови.

Владата на Идонезија практично дигна раце од Џакарта и реши сите свои служби и институции да ги пресели на еден помалку населен остров на Борнео. Ќе кошта многу ама барем ќе бидат на суво.

Бездомници удриле мерак на едно плоштадче во Флорида на кое се прославуваат свадби и други граѓански настани. После неколку безуспешни обиди да ги дислоцираат од просторт кој им носи приходи, локалните власти почнале од звучници да им пуштаат две детски песнички. На рипит. „Неиздржливи се,“ кука еден клошар. 

Штом нешто се полни на струја (добиена како што се добива струја) и таа струја се складира во батерии (литиумски, ни најмалку еколошки), тоа нешто не може да биде вистински безбедно за околината, без разлика колку го промовираат како такво. И тоа не е најголемиот проблем.

Крајната цена на Пекинг Даксинг аеродромот е 9 милијарди фунти, што и не е некоја багатела. Крајната цена само за третата писта на лондонски Хитроу е 14 милијарди фунти, што значи дека пак се враќаме на тоа дека она кинеското е багатела.

Нормално, прва помисла е: на тие пари, па уште им доаѓа и да штедат, што народ ќе беа. На второ место е: па до толку сè им е средено што на логото стигнаа да шпараат.

Францускиот Сенат го одобри надополнувањето на законот за реставрација на катедралата, и според него на Нотр Дам не смее да се смени ниту еден камен, штица или шајка од она што било негова „последна позната визуелна состојба“ пред пожарот.

Неколку дена по отворањето на Уметничкото биенале во Венеција, на плоштадот во главниот град се распостелува див тезгаџија што вади 9 уметнички слики за да ги продава. За некое време доаѓа полиција и го пакува човекот затоа што е без дозвола. Не се знае дали продал нешто. Од вчера се знае дека е Банкси.

Старите не сакаат да престанат да возат на стари години (70+) и тоа ти е.

Повеќе од еден век знаеме дека физичкото опкружување влијае на менталното здравје на луѓето. Како што минува време научници и доктори само трупаат нови докази за тоа какви се дијагнози и психички состојби се предизвикани со самото тоа што некој живее во град. И стандардно, колку повеќе накај центар на град, толку е полошо.

Еко освестените Американци, сакајќи да го прават тоа што е добро, по навика и регуларно го одвојуваат отпадот за да оди на рециклажа, притоа не мислејќи баш многу каде тоа завршува. Завршуваше во Кина, ама до пред некое време. Сега им го горат, по дома.

Возење во центар на град во 21-от век е како пушење цигари во 20-от век. Сега знаеме дека не е здраво, некогаш не сме знаеле, ама сега знаеме, на кратко објаснува архитектот од движењето кое за малку не ги отстрани сите поголеми булевари низ главниот град на Финска.

Како да се спасат урбани заедници од загрижувачкиот пораст на нивото на океаните и морињата? Стави го градот да плива на површина па тоа водата нека се качува колку што сака.

Богаташите на Сан Франциско се организираа и успеаа да соберат 46.000 долари од хуманитарни побуди - да не се гради засолниште за бездомници во една најпосакуваните населби во градот.

По наредба на францускиот суд булдожерите имаат рок од 18 месеци за да демолираат вила од соништата сместена на југот од Франција.

Дозволата за купување автомобил важи за сите жители на градот, богати, сиромашни, какви и да се, а се добива преку пријавување на лотарија за делење дозволи. Моментално има околу 2.000 кандидати за 1 дозвола.