Еден од најголемите германски медиуми ги информирал своите вработени дека „заради можностите што ги отвора вештачката интелигенција“ ќе биде скратен бројот на вработени во редакцијата.

Беа доволни само 115 милиони прегледи на првата епизода од шоуто на Карлсон на Твитер и тотално бришење патос со рејтинзите на која било програма на Фокс њуз, за на телевизиската мрежа да и се отворат чакрите за тужење и судски рочишта по основа дека Такер го прекршил договорот со нив.

Сензационализмот и жестоко поларизирачкиот приод кон темата на пандемијата и ковидот дополнително ја имаат урнисано довербата на гледачите во CNN. Ако пред година и нешто, ним силно им верувале и онака не импозантни 20 проценти, сега такви ги има само 13 проценти од публиката. Го отпуштија иритантниот Дон Лемон, пак го сменија својот ЦЕО, ама нешто не оди.

Пред завршувањето на вториот мандат и предавањето на власта на Кенеди, Ајзенхауер држи говор во кој предупредува дека веќе во тој момент САД се оставени на милост на сила која ни тој не може да ја порази - за прв пат во историјата САД добиваат перманентна индустрија за производство на оружје.

Како што една транс жена од Тексас почна по социјални мрежи да промовира платено партнерство со Смирноф, така компанијата зад познатата вотка инстантно негираше каков било договор или соработка со активистката.

Две недели откако изненадно беше избркан од Фокс њуз, Такер Карлсон објави дека се враќа во програма и тоа исклучиво на Твитер. Во исто време, Маск објави дека немаат направено никаков ексклузивен договор со Карлсон и дека тој може да ја користи платформата како сите останати.

Компанијата која беше прв онлајн медиум што успеа вистински да ги застраши востановените медиумски гиганти и во својот пик вредеше 5,7 милијарди долари, годинава се мачи да најде купувач и нов газда, заради што почна да се подготвува за отворање банкрот.

После 320 години, престанува да излегува најстариот печатен дневен веник во Австрија и светот, Виенер Цајтунг, кој се одржуваше со пари од државни и јавни огласи. „Не ѝ е работа на владата да финансира дневен весник,“ порача Курц. Оди кажи им на нашиве кои, додуша, никогаш не штеделе на глупи и коруптивни цели.

Поранешниот водител на Фокс го прекина неколкудневниот молк по раскинувањето со мрежата на која ѝ беше златна кокошка. „Америка заличи на еднопартиска држава“, вели Карлсон но порачува дека иако многу битки се изгубени, сè додека некаде може да се слушне вистината, надеж сè уште постои.

Мат Таиби верувал дека со вреден тим умни хонорарци на кои ќе им се дадат различни области од „Твитер фајловите“, ќе биде лесно да се регистрираат сите мејнстрим вести кои (во светло на она што се дозна од фајловите) ќе треба денес да се повлечат или да се поправат. Успеале дури откако значајно си ги намалиле амбициите.

Новинскиот портал кој се изроди од сајтот за тестови и мемиња со мачки затвора по речиси десет години постоење и добиен Пулицер, објави првиот човек на Базфид.

Во подкаст од неполн час, авторот на Дилберт, Скот Адамс, имаше еден сегмент од неколку минути во кој обработува скорешна анкета на Расмусен која покажала дека 47% од испитаниците црнци не се согласувале со изјавата „ОК е да си белец.“ Кратко по ова Дилберт е откажан од сите весници, договорот за книга на Адамс е откажан, како и планираните гостувања и говори.

Популарниот водител навлече бурни реакции од вечно дежурните разбудени кои везден бранат некого и се фаќаат за збор. Во случајов гревот на Роган е што рече дека не гледа ништо страшно во забелешката дека Евреите сакаат пари, слично како што Италијанците сакаат пица.  

Базфид решија да користат вештачка интелигенција за создавање медиумски содржини откако ГПТ добро се покажал кога му дале задача да напише нешто „во нивен стил“. Кога дел од македонските портали би побарале од ботот да напише нешто „во нивен стил“, овој веројатно би ги потпрашал „Да направам копи/пејст од некое друго место?“

На најбогатиот човек на светот, Џеф Безос, му се смачи да се мафта со тој еден медиум што го има, Вашингтон пост, и реши да го продава. Парите му требаат за поинтересни работи кај што нема да треба да си ја лупа главата со новинари, ќе купува НФЛ клуб.

Во новата транша скандалозни документи како функционирал Твитер (Маск рече: За жал, сите теории на заговор се покажаа како точни), се обелоденува како била оркестрирана дебатата за ковидот и пандемијата. Со дискредирање на сите кои отстапуваат од наративот. Притоа за сложени прашања како миокардитисот, решавале аутсорсинг подизведувачи од Филипини.

Еден од неодамнешните крстозбори на Тајмс имаше почетна графика која неодоливо потсетува на најпознатиот нацистички симбол. За да биде симболиката поголема, крстозборот е објавен не првиот ден од големиот еврејски празник Ханука.

Ако со повремени дози вистина јавноста некогаш се имунизираше да не ги дознае границите на слободното новинарство, денеска стратегијата е карантин. За теми кои се неподобни веќе нема место во корпоративните медиуми. Како нападот на гасоводот стана интелектуална „зона на забранети летови“?

Како што беше најавено, пуштена е втората епизода за тоа што сè правело во Твитер за време на хегемонијата на разбудените. Илон Маск тоа го игра преку новинари со сериозен интегритет: првата сторија ја обелодени Мат Таиби, овојпат приказната е во рацете на Бери Вајс.  

„Ова ќе биде сјајно!“, твитна новиот сопственик на Твитер и почна да одбројува минути, но овојпат не за лансирање на нова ракета на СпејсИкс. Набрзо, преку Мат Таиби стана јасно за што се работи. За интерна документација и преписки меѓу највисоките кругови во Твитер за тоа како се гушеше „незгодната“ сторија за лаптопот на синот на Џо Бајден.

Смртта на кралицата Елизабета Втора, кога Би-Би-Си се откажа од стандардната програма за сметка на бескрајно, ким-ил-сунговско покривање на настанот, потсети дека овој сервис честопати повеќе е глас на државата отколку глас на народот. А врските се и малку подлабоки од тоа.

Американската новинска мрежа деновиве објави дека ја потврдува автентичноста на податоците од лаптопот на Хантер Бајден, 769 дена откако Њујорк пост ја објави веста.

Интернетот е доминантниот еко-систем во кој луѓето добиваат информации. Изобилие и од публика и од содржини, но многу нешта во тој систем се подрасипани или неповратно отидени бестрага. Не случајно она што некогаш се викаше „новинарство“, сега се нарекува „производство на содржини“. Ко да е трикотажа.

Од 2016 до 2021 изгледаше како секој збор и минута од секое излагање на тогашниот американски претседател да е детално претресувано и проверувано, како и што треба. Од моментот кога Бајден дојде на власт се повеќе изгледа како проверувачите на факти да се на колективен одмор.