За време на посетата на Марсеј, претседателот на Франција најави дека таму ќе се гради нова модерна воена болница која ќе биде потребна во случај на голема војна од висок интензитет.

Се работи за битката кај Мала Токмачка во која украинската 47-ма јуришна бригада и 33-та механизирана бригада се обидоа да пробијат преку минско поле што според Форбс завршило покатастрофално отколку што до сега се мислеше.

Првиот човек на руската Дума, Вјачеслав Володин, побара од службите на Думата да направат список кој се викендов, во време на бунтот на Пригожин, пробал или ја напуштил Русија.

Со 6:3, американскиот Врховен суд реши дека е противуставно Универзитетите да ја земаат во обзир расата на кандидатите при упис кај нив. Тоа таму го викаат „афирмативна акција“, кај нас е познато како „позитивна дискриминација.“ Не може така, порача Врховниот.

Генералот Герасимов формално не тргнат но веќе нема да учествува во одлуките за украинсккиот фронт. Под сомнеж и истрага се и високи команданти и пониски чинови кои не го сопреле маршот на Вагнер кон Москва. А Прижогин сфаќа дека амнестијата му следи само за бунтот, но не и за други дела од типот финансиски малверзации, кои не мора ни да се измислуваат.  

Вчера, на првиот ден од Курбан бајрам, Швеѓанец искина и запали Куран пред централната џамија во Стокхолм, во знак на некаков си нему оправдан протест. За разлика од претходните, овој протест имаше дозвола за одржување од шведската полиција.

Повеќе од 100 американски лидери, вклучително претседатели, конгресмени, гувернери и врховни судии се потомци на семејства кои поседувале црнци. Ова ги опфаќа и сите живи американски претседатели, со еден исклучок, не Обама, туку Трамп.

Еден од замениците на Герасимов на украинскиот фронт, а едно време и главен руски командант на целосната специјална операција, генерал Сергеј Суровикин е уапсен од руските власти заради соработка со Пригожин.

Речиси редовно на неколку повторени официјални „не ја брзаме Украина“ доаѓа по некој ишарет од американските медиуми дека Украина што и да прави треба да гледа да ја забрза контраофанзивата. Овој пат пораката е од Вашингтон пост.

Британија ќе потроши 63.000 фунти повеќе за да смести некој мигрант во безбедна држава домаќин како Руанда, отколку ако истиот тој човек остане на островот.

Двете најмоќни членки на Унијата се решени до крајот на годината да ги „реформираат националните права“ на земјите членки на ЕУ, што главно се однесува на правото на вето и едногласното донесување одлуки во Брисел.

Пред Пригожин да се повлече во саботата вечерта, повеќе западни функционери контактирале со украински функционери на различни позиции и нивоа за да ги предупредат да не помислат да го искористат хаосот во Русија и да почнат со напади на мети во земјата.

На вториот работен ден по обидот за вооружен преврат на цела или дел од руската влада, руските власти објавија дека се откажуваат од сите кривични обвиненија против лидерот на Вагнер, Евгениј Пригожин.

По три седмици контраофанзива украинската армија наидува на серија фрустрирачки проблеми кои целосно ги комплицираат нејзините воени планови, дури и кога е опремена со ново западно оружје. Најголемиот проблем, како што ќе објасни еден украински полковник од фронтот е „сè е минирано, секаде.“

Градските власти на Њујорк сакаат да го забранат користењето на јаглен и дрва за пица печките во пицериите низ градот, како би се помогнала борбата против глобалното затоплување.

Декласификуваниот извештај од истрагата на американската разузнавачка заедница покажува дека појавата на болеста кај тројца научници од лабораторијата во Вухан на крајот во 2019 ниту ја потврдува ниту ја негира теоријата дека ковид потекнува од лабораторија.

Ако не сте убедени во тезата дека сериозно ескалираниот конфликт меѓу руските богови на војната кој доведе до тенкови на улиците на Москва и вонредно телeвизиско обраќање на Владимир Путин е само уште една препредена операција на руските тајни служби за одвраќање на вниманието од некој важен тактички маневар, тогаш Кремљ има сериозен проблем. Украина лајкс дис.

И покрај целата болка што ја предизвикуваат санкциите против Русија, вродената мана на кои било санкции е што овозможуваат сите пари на една земја да останат во земјата наместо да се исцедат од неа.

Гостин влегува во хотел со 5 ѕвезди во главниот град на Индија и таму останува цели 603 дена. На утрото на 604 ден се пакува и си оди, без да остави ни пара за престојот до тогаш.

61-годишниот ЦЕО на Оушнгејт и еден од жртвите на турата до остатоците на Титаник, одбивал да вработува 50-годишни белци со искуство во управување со подморница затоа што такво искуство не било потребно бидејќи „секој можел да управува подморница“.

Кога на времето се заратија А1 и Сител околу нешто (пари или некоја слична благородна тема), се маваа со репортажи: новинари на А1 со денови одеа во Кратово за да покажат колку е запуштен бастионот на Ѕинго, а овие од Сител снимаа во селото на Велија, за да доловат дека овој нема со прст мрднато за родното место. Нешто слично сега прават гувернерите на Флорида и Калифорнија.

Советникот за национална безбедност на САД, Џејк Саливен во август 2021 има прием кај бразилскиот претседател Жаир Болсонаро. Од состанокот излегува загрижен од муабетите на Болсонаро околу регуларност на избори и изборни измами. Од тогаш почнува заедничка акција на американската војска, ЦИА, Стејт департментот, Пентагон и Белата куќа, за заштита на резултатите од изборите во Бразил, која трае повеќе од една година.

Планот за започнување на отворена војна меѓу американската армија и мексиканските картели, кој своевремено беше опишан како уште една сулуда идеја на претседателот Доналд Трамп, денес е поддржан од неколку водечки републикански кандидати за претседател на САД.

Градоначалникот на Киев, Виталиј Кличко, ги обвини своите противници дека водат кампања за негово дискредитирање кое треба да заврши со оставка на функцијата.