Агенцијата за фундаментални права на Европската унија анкетираше лица од првата и втората генерација црни имигранти во 13 земји од блокот. Околу една третина од испитаниците се чувствувале расно дискриминирани во изминатите 12 месеци - што е пораст од 10 процентни поени од претходната анкета пред шест години.
Во Австрија и Германија бројките се двојно поголеми; две третини, односно 64% од испитаниците биле мета на расна дискриминација (или така барем мислат). Претходниот удел во Германија беше 33%, што значи дека годинава двојно повеќе црнци доживеале расизам во таа земја во споредба со претходната анкета.
„Шокантно е што не само што не гледаме подобрување туку се случува влошување и сè повеќе луѓе од африканско потекло се соочуваат со дискриминација само заради бојата на кожата“ вели директорот на Агенцијата.
После Германија и Австрија следи Финска, а најмалку проблеми на оваа основа имаат луѓето во Португалија, Шпанија и Полска.
Малкумина го пријавувале расното вознемирување. Најверојатни жртви се млади жени, лица со високо образование и оние во религиозна облека (другите знаат да се бранат).
Црнците во ЕУ имаат многу поголема веројатност да паднат во сиромаштија; 33% рекле дека се борат да врзат крај со крај, а 14% не можат да ги загреат своите домови. За општата популација, учеството е 18% односно 7%.
