Лекцијата ја дава ко-основачот на Пиксар и претседател на Дизни, Ед Катмул, а тврдоглавиот човек во неговиот живот е - Стив Џобс.

Како што знаат сите авторитетни a паметни шефови (корпоративни или партиски, сеедно), еден од нивните најголеми проблеми се оние околу нив кои климаат со глава на секоја нивна забелешка. Проблемот во својата околина го открил и извршниот на ЛинкдИн и оттогаш на сите "евет ефендии" во фирмата "им црта" што сакал да каже.

Може да ги оставиш да талкаат по улици и да средуваш бељи по нив. А можеш да им дадеш кров над глава и да пробаш да ги спастриш. Второво е три пати поевтино!

Од потенцијалните 75% данок што требаше да ги плати во родна Франција, Депардје годината ја заврши со само 6% данок во посвоена Русија.

По неколку месечни натегања дали човекот е мртов или само медитира, сега таа дилема ќе мора да ја реши судот.

Денеска секој збор му вреди злато и секоја нијанса во изговорот може да предизвика тектонски пореметувања во светот на технологијата. Назад во 1986-та година звучеше како да ќе заврши на некој Камени мост, викајќи "ајмо жилете, камен за пете".

Никогаш претходно не било толку лесно да се преправаш колку многу знаеш, без притоа да имаш какви и да е познавања. "Нашиот културолошки канон е одреден од што и да е што ќе добие најмногу кликови."

Во еден момент, основачот на Вконтакте (руската верзија на ФБ) Павел Дуров одлучува да му се спротивстави на Кремљ. Во следниот момент, тој бега од Русија и е човек без држава. Неколку моменти подоцна, Дуров и неговите 260 милиони долари се приклучуваат на растечката руска колонија на островската нација Сент Китс.

Домашните си го знаат редот, ама речиси секој што доаѓа од странство е облечен спротивно на сите правила за тоа како човек треба да изгледа на улица во Катар. Затоа во земјата стартуваше кампања за дрес-код за странци.

Муштериите на Левис треба своите фармерки да ги стават во замрзнувач, наместо да ги перат, порача вчера првиот човек на Левис. Идеја која колку што е добронамерна, толку е и погрешна.

Не дека во Минесота преовладало пробактериското лоби, туку целата забрана е заради една од клучните состојки на овој вид на сапун. Забраната почнува да важи од 1-ви јануари 2017-та.

За секој коцкар задолжителни се две работи: прво, мора да има добитна теорија за тоа како се прават пари на коцка, и второ, мора да е банкрот.

Холанѓаните и Швеѓаните работат на собирање коалиција низ ЕУ, која треба да ги поддржи во тргањето на рокот на траење, затоа што заради датумот се фрлаат огромни количества храна.

Адетот е дека младоженецот треба одвои две до три месечни плати за да купи веренички прстен, сума која се базира исклучиво на она што најголемиот производител на дијаманти во светот го порачува во своите реклами.

Прво, носење кацига на точак само ги одбива луѓето од користењето велосипед. Второ, возењето велосипед не е посебно опасна форма на транспорт во смисла на повреди на глава. Трето, иако кацигите помагаат во случај на несреќа, тие во исто време ги зголемуваат шансите да се најдеш во несреќа.

Италијанските власти затворија фабрика за моцарела, а 13 лица се уапсени затоа што: А. откриено е дека фабриката служела како параван за пакување дрога, Б. затоа што во неа се фатени како работат малолетни деца, В. затоа што направиле пратка лоша моцарела. Избери едно.

"Качи се на планина не за да закачиш знаме туку за да го победиш предизвикот. Уживај во воздухот и запомни го погледот. Качи се таму за да го видиш светот а не за тој да те види тебе", порачува еден паметен даскал кој 26 години им предава на средношколци.

Во изминатите 100 години луѓето во просек се пораснати за 10 сантиметри, и тоа најголемиот дел од извишувањето се случува на почетокот од 20-от век. Главна промена во овој период - значително подобрување на условите во кои растат децата.

Основите и однесувањето според кое може да се процени дали човек е расист се прилично јасни, не е јасно како толку малку луѓе се расисти кога и онака сме предодредени за тоа.

Ричард Бренсон, Џеј Лено и Елен ДеЏенерес се меѓу познатите лица кои се придружија на протестите околу легендарниот хотел во Беверли Хилс откако неговиот сопственик реши да воведе шеријатски правила во хотелот.

Логиката е: Американците сакаат мексиканска храна (начо, тако, бурито, тортиља), сакаат мексикански пијалоци (текила, мезкал, пиво), сакаат мексикански работници, сакаат мексикански готвачи и куќна послуга, сакаат мексиканска дрога. На сето ова на Бордејн не му е јасно зошто тогаш не го сакаат Мексико.

Како машки што уште сте на училиште (основно и средно) задачата на вашите родители е до изнемоштеност да ви кажуваат дека на вашата сестра / братучетка / сосетка сите и се 5-ки на училиште. Ваша задача е храбро да ги издржите овие напади и да им кажете дека ситуацијата од секогаш е таква.

Историјата се повторува, напиша Маркс, прв пат како трагедија, втор пат како фарса. Свеж доказ за оваа тажна вистина е следнава: Марксистичката интернет архива ги брише сите текстови на својот сајт кои се преземени од 50-томните собрани дела на Маркс на британскиот издавач Lawrence&Wishart.

Моментално физичката подготвеност на човештвото е толку драматично падната што дури и на најсилните меѓу нас, античките луѓе би им изгледале како чудовишта. И за сето ова е виновно земјоделството.