Начинот на кој што САД реагираа на нападите од 11-ти септември и посебно однесувањето на Рамсфелд и Чејни, сериозно и наштети на администрацијата на Буш помладиот, пишува во новата биографија за Буш постариот.

Британскиот суд нареди семејството на Кралот Фахд да и ги исплати на Џанан Харб парите за молчење што Фахд и ги ветил, за да не ја шири веста за нивната врска, што само по себе ја уништува поентата на досегашниот договор.

Како олицетворение на перцепцијата за европскиот социјализам, Шведска и Германија (посебно првата) постојано се наведуваат за светли примери на богати држави со високи даноци. Кога овие две фискално би се премериле со сојузните држави кои го сочинуваат САД, ништо не би било ни приближно така светло.

Уништениот реактор на Чернобил е опколен со 30 километарска зона во која е забранет влезот. Зоната успешно функционира веќе 30 години и во неа нема припарено ниту еден човек со исклучок на мониторираните посети. По овие 30 години, забранетата област е преполна со живот.

Еден од најинтересните ликови што во последно време се појавил во европската политика, моментално од позиција на поранешен грчки министер за финансии, своите јавни говори ги наплаќа до 60.000 долари од настап.

Од 1-ви јануари 1892-ра до затворањето во 1954-та, преку островот Елис во САД имаат влезено над 12 милиони бегалци од цел свет. По некои математики, 40% од денешните Американци водат потекло од имигрантите влезени во САД преку островот.

Самата појава воопшто не треба да се толкува како напад на нарцизам, туку како нов вид на револуција која е закана за елитите и нивната контрола на општеството, гласи продлабоченото оправдание на францускиот професор Андре Гунтер околу селфито.

Фуад Гамуди е првиот човек на мисијата на Доктори без граници во Тунис и Либија. Работа му е да ја учи крајбрежната стража и останатите како да помагаат во спасување луѓе и справување со лешови. Во изминатава деценија околу 20.000 бегалци се имаат удавено во Медитеранот, најголем дел од нивните лешови се појавуваат на брегот на овие две земји.

23-годишникот пред сè има намера да заштеди 90% од платата што ја добива, на овој план одлично му се надоврзува и одбивноста да плаќа апсурдно високи кирии за сместување во Сан Франциско.

Во мај 2012-та автомобил бомба во близина на Дамаск го буди од спиење 24-годишниот Гаит, инаку студент по право. Тој се прибира колку може, оди до прозор, ја трга завесата и преку улица гледа како гори еден седан, а околу него се расфрлани делови од тело. Жртвата е еден негов сосед, инаку Алавит, кој е мета на атентат. По ова, работите стануваат уште полоши.

Израелски ресторан воведе 50% попуст на сè, со еден голем предуслов - важи само за Евреи и Арапи кои заедно јадат на маса. Следно за помирување - луѓе и вегетаријанци.

Логиката е лесна - колку калории си внел, наспроти колку калории си потрошил. Математиката е тешка, бидејќи премногу лесно се преценува колку имаш потрошено во една сесија, и се потценува колку калории има во тоа што си го јадел.

САД како број еден земја во светот има 320 милиони жители, најбогата и технички најнапредна економија, и моментално (сакале или не) е центарот на светот. И покрај ова, претседателските кандидати на Демократите, кога сакаат да опишат колку добро ќе владеат, ветуваат дека Америка ќе ја направат како Данска.

Низ цела досегашна еволуција нашите тела успеале да се навикнат на студените и мрачни зимски услови, сега одеднаш (од еволуциска временска перцепција) им создаваме услови на "вечно лето" во кои телото ни приближно не знае како да се снајде.

Човекот што денес се бори со решавање на проблемот со маларија, сиромаштија, наоѓање на чиста енергија за иднината и преземање на слични суперхеројски подвизи, во едно опсежно интервју за Атлантик меѓу другото зборува и за неговото прво вработување. Почнал на 16 години.

Група археолози веруваат дека ги откриле урнатините од библискиот град Содома на локација во Јордан. За потврда на откритието тие допрва очекуваат на местото да најдат гратис од Привилиџ.

Нобеловите се како Оскарите - за двете награди постојат непишани правила кој и зошто би можел да ги добие. Често обидот тие да се дефинираат се на граница на магиски пророштва, но човечки е да се трудиш.

Претставници на Тојота мораа да седнат на разговор со неколку американски владини агенции и да се објаснат зошто толку многу џихадисти и екстремисти од Сирија, Ирак и Либија возат толку многу Тојота пикапи.

На една страна на подиумот тројца брилијантни студенти од еден од најпрестижните универзитети во светот. На другата, тројца осуденици за тешки кривични дела од казнено-поправен дом во источен Њујорк. Наспроти сите очекувања, во дебатирање победуваат вторите.

Еден од најголемите скриени таленти на малите деца е да те доведат до границите на твоето знаење во не повеќе од 5 прашања.

8 од последните 14 масовни убијци во САД имаат кривично минато и документирани психички проблеми. И покрај ова тие немаат проблем да го набават оружјето со кое ги извршуваат масакрите. Во исто време, Џон Оливер, имаше нешто сосема друго да праша на темава.

Кога се во прашање жените, кујната како институција често асоцира на опресија - испотена домаќинка која со едната рака ја меша манџата, а со другата го думка детето, чекајќи го изнервираниот сопруг да упадне во кујната и да викне „Жено, дај да јадам!". Ама она за што поретко се зборува е дека токму кујната и готвењето може да биде поттик и извор на женската моќ.

Минатата недела главна споредна вест беше компанијата Туринг Фармасутиклас, која ги купи правата за лекот Дараприм и му ја крена цената од 13,5 долари на 750 долари за апче. Веста ќе го истераше својот краток животен век и ќе беше заборавена, доколку ЦЕО-то на компанијата не одлучи да отвори уста.

Европјани се шокираа од ужасот на очајните луѓе оставени на немилост на немирните морски води. Ќе речете, знаеме, не е тоа некоја нова вест. Точно дека не е нова, ама можеби не знаете колку е стара.