Во 2013-та беше најден мртов 75-годишниот Исао Какеи, сопруг на 68-годишната Чисако Какеи. Полицијата утврдува дека во прашање е срцев удар, а за цело тоа време Чисако е совршено ужалена вдовица. По ова се случуваат две работи: прво, полицијата дознава дека двајцата биле во брак едвај еден месец, и второ, ова не и е прв пат на Чисако да заврши како вдовица.

Во средата, во 17 часот и 30 минути кралицата Елизабета Втора и официјално го сруши рекордот на нејзината пра-пра-баба кралицата Викторија, за монарх кој најдолго владеел со Британија.

Мазиад Алуш заедно со своите двајца браќа кон крајот на јуни трга од Турција за Европа. За ова, тројцата ги собираат сите пари што ги имаат, мајка им го продава целиот свој златен накит, а татко им ја продава семејната фарма. Тројцата заедно со уште 19 други, во рок од 15 денa стигаат од Турција до Дортмунд.

На врвот на својата моќ Пабло Ескобар заработува по 420 милиони долари неделно. И ова се пари кои пристигнуваат во готовина, како купишта банкноти.

Лаичката теорија е дека вишокот излегува како пот. Мнозинската теорија меѓу докторите е дека го претвораме во топлина и енергија. Последната студија објавена во Британскиот медицински журнал, тврди дека го издишуваме.

Потребно е  или да се има публика, пазар и медиумска сцена или пак да постојат лесно навредливи политичари кои се мислат моќни. Ок, она првото го немаме.

Во април годинава БМВ кое со полна брзина минува покрај пазар во градот Фошан, удира 2-годишно девојче и продолжува да вози преку неа. Како што бабата на девојчето се развикува "Стој! Удри дете!" возачот на БМВ-то застанува, става во рикверц и повторно минува преку девојчето. Жената што вози става во прва и по трет пат минува преку девојчето. По ова, жената без возачка, излегува од кола и веднаш му нуди пари на семејството на девојчето, само за да кажат дека нејзиниот сопруг возел.

Она што се сега се случува во Европа, кое ете и нас нè зафати па некогаш да се чувствуаме како дел од Европа, се смета за најголемата бегалска криза од Втората светска војна, која заврши со 40 милиони бегалци во Европа.

Човечки е да побараш и искористиш нечија помош, се додека ти е јасно дека ова создава преќутен договор дека и ти ќе му вратиш во иста мерка кога нему ќе му биде потребно. За луѓето од насловот, ова не важи.

Дали филантропијата, која во буквален превод значи љубов кон луѓето, може да биде нешто лошо? Може, ако е во спрега со капитализмот, кој под плаштот на таа иста љубов само ја поддржува постоечката нееднаквост, спречувајќи ја порамномерната дистрибуција на богатство и моќ.

Минатиот месец во Нов Зеланд на 52 години почина Линс Рединг, уметнички директор кој работеше за ББДО и Сачи & Сачи. По неговата смрт, повторно големо влијание привлече еден негов текст од 2012-та, под наслов "A Short Lesson In Perspective".

Од една страна комплетна идиотштина е да му ги запалиш сите залихи со храна на тркачкиот тим на БМВ затоа се увезени, а ти не дозволуваш увоз на храна од Запад. Од друга страна, не знаеме како би реагирал Западот ако тркачкиот тим на Лада со себе си понесе пола камион забранета храна.

Иако не е влезен во официјалниот германски речник, "Меркел" од годинава стана глагол во германскиот јазик, барем меѓу младите.

Телефонот - знаете оној апарат на којшто го ставате увото за да зборувате со некого - станува излишен во ера на други формaти на комуникација. Терминот изгледа треба да се ревидира, бидејќи тој веќе не го подразбира истото што и во времето кога тоа беше единствениот начин да чуеш нечиј глас, и тоа само откако ќе ја изговориш магичната формула: „Ало, Миле, ми текна".

Шпанија има стотици празни села кои живнуваат на една недела во годината или пак се сосема заборавени, ама за тоа Британија има луѓе кои не би да остават ништо заборавено.

Светски познатиот готвач од шпанско потекло Хозе Андрес се соочува со повеќемилионска тужба откако одби да готви во хотелот на Доналд Трамп после негоите навредливи коментари за Мексиканците.

Во четвртокот полицијата ги блокираше улиците на вечниот град за да мине позлатената посмртна поворка, додека во исто време хеликоптерите истураа латици од ружи врз нив. Ова беше последното изразување почит на 65-годишниот Виторио Касамоника.

Градските власти на Дејтона Бич деновиве дадоа дозвола за започнување со работа на полигон за пукање. Во рамките на полигонот ќе има и ресторан. Во рамките на ресторанот ќе се служат и алкохолни пијалаци.

Целиот муабет е во наводници, и според него Банкси веќе некое време работи на забавен парк кој за сега го крие со алиби дека е дел од сценографијата за холивудски филм. На идентично ниво на шпекулација е и дека отворањето е на 21-ви август.

По нашите автопати такви ги има колку сакате. Заседнал тој на лева лента иако со километри нема никој пред него. Ама кај и да е во овој живот некој ќе се појави па и онака ќе треба да биде таму. Ах, да сме Џорџија.

Вчера, четврток, 13-ти август, е денот кога ги истрошивме сите ресурси што Земјата може да ги произведе за годинава. Во основа ова му доаѓа како денот во месецот кога си ја потрошил платата и до следната живееш на вересија. И ова секоја година се случува сè порано од кога и да било до сега.

Ако Лари Пејџ и Сергеј Брин го сториле тоа пред да решат да го искористат тоа име за новата холдинг компанија која е чадор за Гугл и сите други сестрински фирми, тогаш знаат дека и заштитената марка и домеинот со тоа име му припаѓаат на БМВ. И дека Германците не сакаат да ги продадат.

Летувалиштето Торокс на околу 40 минути од Малага реши да му го олесни летувањето на секој кутар татко што на одмор мора да станува во 6 и 30 наутро, и воведе забрана за резервирање лежалки со оставање пешкири. Забраната ја спроведува локална полиција.

1939-та година, Еторе Бугати ревносно работи на единствениот модел на авион од неговата компанија. Авионот е подеднакво технолошко чудо како и автомобилите на Бугати, меѓутоа проектот има еден проблем кој не може да го надмине - почнува Втората светска војна.