Бренд претседателката на компанијата Левис даде отказ и се откажа од понудениот пакет отпремнина од еден милион долари, само за да биде слободна да каже што мисли за затворањето на училиштата во време на ковид.

Данската влада стана прва во светот која реши дека е потребно да се бори и против хистеричното сеење страв во врска со ковид што создава несигурност и паника а поради што многумина се убедени дека болеста е поопасна отколку што навистина е.

Службите на Макрон нејќеле ДНК од францускиот претседател да падне во руски раце. Службите на Путин нејќе на рускиот претседател да му се приближува човек кој одбива да биде тестиран за ковид. Резултатот го гледате на фотографијата.  

Пензионираниот Папа Бенедикт 16-ти побара прошка за сите „тажни грешки“ кои ги сторил во средување на случаите за содомија и сексуална злоупотреба на деца од страна на свештеници. Ама дека ништо лично не направил лошо, туку така, 94 годишниот Рацингер бара дифолтна прочка.

Алабама подготвува нов закон по кој оние пијани возачи кои прегазиле родител на малолетно дете, освен стандардната казна за делото, да мора да плаќаат и алиментација за детето кое останало без родител или старател по нивна вина.

Роган се произнесе за последната хајка против него и рече дека се работи за нарачано политичко убиство ама му е драго што имал прилика да се извини за работите за кои жали. Се произнесоа и Трамп и Де Сантис а некои уцвикаа, како на пример Двејн Џонсон.

Прес секретарката на Белата куќа ја поздрави одлуката на Спотифај да става дисклејмери и соодветни инфо линкови на подкаст епизоди поврзани со ковид, но порача дека постои уште простор дополнително да се интервенира во таа насока.

Подкастот на Џо Роган на Спотифај минатава недела беше под звучни критики дека содржел „опасни дезинформации“ за ковид. „Многу работи кои пред некое време ги сметавме за дезинформации, денес се факти. Пред 8 месеци да кажевте дека и вакциниран можете да се закачите и да ширите ковид, ќе бевте отстранети од социјалните медиуми“, поентира Роган.

Првата година на Бајден на власт заврши како и што почна, со САД со сериозни кризи на повеќе фронтови. Пролетта 2021, проблемите на САД беа руски сили на границата со Украина, и кинески во близина на Тајван. На почетокот од 2022, Русија има уште повеќе сили на границата, Кина продолжува да маневрира околу Тајван, а во игра се врати и Иран.

Глупоќата на политичката коректност оди во гротескни димензии. Орвеловата „1984“ на еден факултет ја даваат со предупредување дека содржи експлицитен материјал кои некои млади можат да го доживеат како навредлив и офанзивен. Како некој да ти викне „пази да не те фати струја!“, а ти му одговараш „глуп еден, не се вика пази, туку внимавај!“

Јазикот веќе подолго време е главен фронт на кој се одвива навидум прогресивната културолошка војна за креирање пофер свет. Кој ти го контролира јазикот, тој ти ги контролира и мислите, а на јазичките полицајци никогаш не им е доста. 

Не е тешко да се подбиваш со оние кои во пандемијата гледаат некаков план или заговор. Тешко е кога ќе дознаеш дека таа пандемија не била баш маќеа за сите и дека таа е глобален проблем за милијарди луѓе, но и бинго за шака одвратно богати персони. 

Богатите родители треба своите деца да им ги дадат на сиромашните, а сиромашните да им ги дадат своите деца на богатите. Истата трампа треба да се направи и меѓу луѓето што имаат дом и бездомниците, и само на тој начин „Калифорнија некогаш ќе постигне вистинска правичност“.

По исцрпувачките локдауни, Австралија деновиве доживува огромно зголемување на бројот на новозаразени луѓе. За Австралијците, Новак Ѓоковиќ е најмалиот проблем, но го доживеаја како провокативен прст во око и сета огорченост што дозволија да бидат затворени две години, сега ја истураат на тенисерот.

Во новото, лажно левичарење (види: За да не помислат на класи, с'скај ги со раси) се истураат пари од кои боли глава. Дури и политичките опции на кои им одговара активизмот насочен кон нивните конкуренти, загрижени се од моќта на овој пребогат НВО левијатан.

Луфтханза дига климатски аларм известувајќи дека регулаторите на ЕУ бараат од компанијата оваа зима да изведе 18.000 летови без патници, ако сака да ги задржи слотовоти на европските аеродроми. А Блажо од Прдејци на вести слуша дека тој е крив зошто се грее на дрва.

Новинар на Дојче веле пишува дека австралиските политичари предолго ја користат непопустливоста на граничната политика за да ги придобијат гласачите кои - иако е тоа нација на мигранти - се станати горди на затвореноста на земјата. Самиот тој не може да си ја посети фамилијата во Австралија веќе две години.

Новак Ѓоковиќ беше еден од 26 луѓе кои побарале медицинско изземање од правилата за влез во Австралија и сите тие случаи биле решавани анонимно. Експерт за имиграција вели дека властите сега ќе се соочат со најмалку три незгодни прашања од адвокатите на тенисерот, откако му беше оспорена визата и оневозможено уште еднаш да загосподари на Австралија Опен. 

Бидејќи на прогресивните бадијалџии ознаката латино им се чинеше премногу машка (женски е латина), смислија демек родово неутрален термин латинкс (latinx). Терминот се фати во нивни кругови, но не и кај самите латино луѓе кои сега прашуваат: Кој ви даде право да ни кажувате како да се викаме?

Пред седум години Кина објави војна на загадувањето на воздухот и сериозно почна со релокација на  индустрија, намалување емисии од транспорт, кратење јаглен... Лани во Пекинг ги исполниле зададените стандарди.

Сте украле автомобил или нешто друго? Сте дале мито? Ако, нека ви е со среќа, сè додека сте сигурни дека тоа го имате пријавено во годишната даночна пријава во нивниот УЈП.

Млади, глупи и аздисани Французи обожаваат да палат рандом автомобили за новогодишните празници. Во добри години знаеле да запалат и преку 1.300 коли во една ноќ. Годинава не успеале да буфнат ни 900.

Иако од нивниот лидер, фамозно мистериозниот Q нема абер повеќе од една година, движењето кое тој го покрена не само што не го снема туку е можно да стане уште повлијателно, и тоа долги години кои се пред нас. 

Занимливи работи се работи се случуваат во полето на транспортот и личниот превоз. Британска министерка порачува дека е време да се напушти стариот концепт на поседување своја кола а во САД има предлози да се плаќа данок на секој извозен километар.  Време е да се мисли за коњ.