Шеста година по ред Финска е прогласена за земја со најсреќните луѓе на светот, според глобалните извештаи изработени од независни експерти кои притоа мерат дузина параметри, од приходи до ментално и физичко здравје.
Овој константен успех државата реши да го претвори во франшиза па почна да нуди „Мастер клас за среќа“ за групи од по 10 луѓе кои ќе заминат таму и ќе бидат обучени како да ја најдат сопствената среќа и раат.
Сметаат дека тоа може да се изведе за само 4 дена за кои комплетно ги покриваат трошоците, од патување до сместување (со приватна сауна и спа). Во меѓувреме, на посетителите на курсот ќе им бидат обелодени активностите кои локалците ги прават среќни, од престој во природата до рачна изработка на предмети и приготвување храна.
Финска е убедена дека среќата не е е некоја мистична состојба туку вештина која може да биде научена.
„Можеби во тебе чучи Финец,“ гласи еден од слоганите на кампањата за мастер класот.
Аплицирањето е отворено до април.
