Гробиштата Побрежје датираат од 1879, и со својата богата 130-годишна историја се дел од историското и архитектонско наследство на Марибор. Но, ништо не е впишано во камен, па ни изгледот на гробиштата.
Oваа есен ќе се навршат триесет години од Осмата седница на ЦК на Сојузот на комунистите на Србија, која претставуваше конечно разделување помеѓу Слободан Милошевиќ и Иван Стамболиќ. Набрзо ќе се навршат и 27 години од изборите на кои победи ХДЗ на Туѓман. Вака или така, три децении. Премногу и за историјата, а камоли за еден човечки живот.
Синопсис: поранешна порно, па риалити ѕвезда, сега „старлета“ оди во Сараево да го промовира својот нов спот и песна. Додека седи на кафе 9 пати е пукано кон неа.
Бугарската Централна изборна комисија нареди отстранување на предизборниот клип на ДОСТ (партија на Турците во Бугарија), по основа дека видеото, кое инаку е на бугарски јазик, имало титл на турски јазик.
Кандидатот на СПН, Љубиша Бели Прелетачевиќ, за само 3 часа откако почна да собира потписи за кандидатура за претседател на Србија, успеа да наниже поддршка од вкупно 46.000 граѓани. Како тоа кои се СПН? Сарму Пробо Ниси. Сериозно.
Заврши неколку месечниот спор поради кој Бугарите не можеа да слушаат современа и модерна музика на своето национално радио. Сега можат, но, во меѓувреме се навлекоа на народно.
Не сме беспомошни и кога се чини дека сме. И има народ на кој му дошло до култура и поезија, и кога се мисли дека веќе го нема, порачува Матија Беќковиќ во разговорот за Блиц, откако на претставниците на манастирот Милентија им предаде прилог за негова обнова.
Србија и Хрватска тргнаа во набавка на ново оружје и размислуваат околу повторно воведување на воениот рок, додека Косово се погласно бара сопствена армија. На вака зовриената ситуација посебен "Балкан 1991" шмек и даваат медиумите.
Некогашен министер за образование во српската влада и универзитетски професор деновиве бил најден премрзнат на клупа во парк. Приказната е тажна а богами и поучна, само што секогаш постои можност некој да извлече поинаква поука. Па да почне да краде уште повеќе за да се обезбеди на време. Едит: Оваа приказна на српски Курир, други српски сајтови (Блиц, Информер) ја прогласија за тотална измислица. Бетер се од нашиве.
Романија, регионалниот златен стандард за прогон на поранешни функционери и премиери за корупција, од пред речиси 20 дена има нова влада, предводена од истата партија како и премиерот што пред некоја година кој стана пример за тоа дека и претседателите на Влада можат да одговараат пред суд.
Омиленото балканско хоби - претурање по историјата, само што доби интервентна доза стероиди во форма на 12 милиони страници документи на ЦИА од кои е тргната ознаката државна тајна, а таму: Тито, СФРЈ, Србија, Хрватска, Словенија.
Шефот на грчката дипломатија ја упропасти меѓународната конфенренција за Кипар успевајќи уште првиот ден да се испокара со сите, вклучувајќи го и првиот човек на ООН. Гутереш не сакал со Коѕијас ни во иста просторија да биде.
Комунистичката партија го смени од функцијата претседател и целосно го исфрли од партија Јошка Броз. Неговиот дедо своевремено на "бомбашкиот процес" изјави "Не го признавам овој суд, јас го признавам само судот на својата партија!" Овој па ни тоа не признава.
Приказна за една босанска пензионерка која секој ден, точно во исто време излегува од дома и го чисти градот од ѓубрето кое го фрлат нејзините сограѓани.
Веќе една година Хрватска овозможува да се прогласи личен банкрот, доколку човек нема начин да ги врати долговите а тие му достигнуваат 4.000 евра. Хрватски лекар кој се решил на ваков чекор топло препорачува. Леле овде кога ќе тргне карта.
Во прашање е бизнис-ориентација, а не филозофија на потрошувачко општество, гласеше мотото под кое загрепската маркетинг-агенција Озеха од 1945-та на југословенските претпријатија им го продаваше капитализмот спакуван како социјализам.
Работничката класа (во Хрватска) отиде во рајот и целосно исчезна од свеста на стотици илјади луѓе, кои погрешно мислат дека и припаѓаат на средната класа. Работништво не е само оној мал број вработени во индустријата, туку и големиот број невработени, неплатени или привремени работници во услужниот сектор, порачуваат два антрополози од Универзитетот во Загреб.
Прашањето не е поставено како филозофска дилема, туку чисто професионално. Одговараат тројцата најпознати адвокати во Србија, кои досега создале прилично обемно портфолио на темата бранење луѓе обвинети за убиство.
Парламентот го изгласа амандманот според кој обилните резерви на чиста вода на земјата се "јавно добро управувано од државата" а не "пазарен производ". Со амандманот пристапот до вода станува основно човеково право, и таа повеќе не може да биде комерцијализирана (пакувана и продавана).
Тоа што бегалците веќе не се "трендинг" не значи дека нешто е средено, туку само дека повеќе не пешачат по европските автопатишта па на никого не му прават незгодно. Во меѓувреме европските политики за бегалците, ретко кога успеваат, а ситуацијата во грчките кампови е толку лоша што Сиријците немаат друга опција освен да се вратат од кај што дошле.
Политички магазин од Србија, притоа и еден од најчитаните, објавува ексклузивно интервју со Трамп, во кое републиканскиот кандидат се подава да исправи барем една од светските неправди нанесени на српскиот народ, и им се извинува за НАТО бомбардирањето од пред речиси две децении (да, толку пројде).
Тост од 6 евра, бубачка во пица, пијан келнер, жив помфрит, туристка што паднала од велосипед па полицијата и ја донела казната во болница, се само дел од инцидентите што Вечерњи ги наведува од годинешната туристичка сезона во Хрватска.
Насловот звучи како кромид или како некоја ретро сатира, но не е; навистина постоело време кога на просторите на поранешна Југославија се собирале донации за поддршка на обесправената и угнетена работничка класа во Шведска.
