По атентатот ЦИА е желна да ја прифати верзијата што доаѓа од ФБИ, Тајната служба и останатите делови од владата - односно дека заблуден и само-прогласен марксист го убил претседателот на САД со пушка од 21 долар нарачана по пошта, и дека не постојат никакви докази за завера (домашна или странска). ЦИА и потврдува за истрагата дека нема никакви докази за завера.

Во новата епизода од Волт 7 серијалот од протечени документи на ЦИА, Викиликс објавува за Дамбо програмата, чија намена е вклучување и гасење на камери и микрофони на кој било Виндоус компјутер, и корумпирање веќе снимени видеа.

Во 1953, американската Централна разузнавачка агенција и британските тајни служби организираат пуч за соборување на демократски избраниот премиер на Иран, Мухамед Мосадик. Гревот на иранскиот премиер? Не сака да дозволи западните нафтени компании да ја експлоатираат иранската нафта.

Американските разузнавачки агенции влијаеле врз повеќе од 1.800 филмови и телевизиски серии, покажува анализа на двајца новинари на илјадници документи од американската војска и разузнавање добиени преку законот за слобода на информации.

Двајцата мажи што ги препорачаа техниките за испрашување (тортура) на затвореници на ЦИА се дел од тужбата од поранешни затвореници на ЦИА. Њујорк тајмс ги има видеата од нивното излагање за тоа како тие самите ги опишуваат своите мерки, прикажани паралелно со сведоштвата на затворениците и како тие ги доживеале овие мерки на сопствена кожа.

Линксис, Длинк и Белкин се дел од производителите чии рутери за домашно користење рутински биле пробивани од ЦИА и претворани во точки за прислушување на американската шпионска агенција, која благодарејќи на својот софтвер можела да го следи и манипулира целиот сообраќај што доаѓа и излегува од твојот рутер.

Тоа што во документите објавени од Викиликс беше наведено дека ЦИА може да те прислушкува преку твојот Самсунг телевизор не значи дека ЦИА ти упаднала преку интернет, или ти провалила дома за да те прислушува. Не, ти го начекала телевизорот во пошта и таму го хакнала.

Викликс објави масивна доверлива документација која претставува досега најголемото истекување информации поврзано со Американската Централна Агенција ЦИА. Што да ви кажеме, растурачина.

Заклучокот на истрагата на ЦИА е дека Русија интервенирала во изборите во 2016 за да му помогне на Доналд Трамп да стигне во Белата куќа, објавува Вашингтон пост.

Зошто една разузнавачка агенција би имала потреба од колекција на уметнички слики? За нејзините вработени да научат нешто за минатото на институцијата во којашто работат.

Реакцијата на Сноуден се однесува на вчерашната вест дека ЦИА по грешка го уништила единствениот примерок од деталниот извештајот на Сенатот од 6.700 страни за "напредните" техники за испрашување.

Апсењето на Нелсон Мандела во 1962-ра, по кое тој минува 27 години во затвор, успева само заради дојавата што агент на ЦИА им ја дава на јужно-африканските власти.

Текстот во Њујорк Тајмс од пред некој ден за упадот на Делта Форс во Сирија и убиството на еден од лидерите на ИД, раскажува приказна која уште пред неколку години беше номинирана за Оскар за најдобар филм.

Моментално ЦИА и Пентагон независно спроведуваат исти тренинг мисии на умерената опозиција во и околу Сирија. Ако по некоја случајност "овие два столба на националната безбедност се судрат околу Ирак и Сирија, би било грешка да се претпостави дека ЦИА ќе биде поразената страна... ЦИА ги добива овие битки од почетокот на војните пред 14 години."

Пред 13 години американските разузнавачки служби изработуваат таен документ од 93-страници кој се користи за оправдување на инвазијата на Ирак на која и недостасуваа "специфични информации" за "многу клучни аспекти" на програмата на Садам за оружје за масовно уништување. ЦИА го декласификуваше документот.

По четири часовно приватно интервју со соборениот и пребегнат украински претседател Виктор Јанукович, на американскиот режисер му станало јасно дека кризата во Украина има отпечатоци на ЦИА и УСАИД.

Експериментирањето над луѓе е една од клучните карактеристики на програмата на ЦИА за измачување, и ако по оваа основа се изврти целата работа ќе може од ЦИА да се бара одговорност заради прекршување на научна и медицинска етика.

Понатамошниот текст содржи масовни спојлери за 4-та сезона од серијата. Автори се Чак Коган и Џон МекГафин, кои заедно имаат 60 години оперативно искуство во ЦИА. Коган е поранешен раководител на оперативната дивизија на ЦИА за Средниот Исток и Јужна Азија, додека МекГафин е поранешен заменик директор за операции на ЦИА, и поранешен раководител на оперативната дивизија Централна Евроазија, а исто така е и консултант за 4-та сезона. Пак, многу спојлери.

Жешка тема деновиве беше извештајот на Комитетот за разузнавање при Сенатот на САД во врска со контроверзната програма на ЦИА за притвор и испрашување на затвореници. Истрагата траела 5 години, а документот содржи над 500 страници. Сега тој ќе биде објавен и во форма на книга.

Комитетот за разузнавање објавува извештај од 500 страни за контроверзната програма на ЦИА за притвор и испрашување на затвореници. Истрагата за извештајот трае 5 години и чини околу 40 милиони долари, заклучокот е дека програмата е неуспех, а информациите кои со неа се добиени од затворениците не се ниту уникатни, ниту пак посебно вредни.

1964-та, изборна година во САД. На маргините на главната претседателска трка меѓу Линдон Џонсон (актуелен ВД претседател по убиството на Кенеди) и републиканскиот противкандидат Бери Голдвотер, Американците добиваат шанса да замислат алтернативен пат по кој би тргнала нивната земја. Кандидат: Дизи Гилеспи. Главно ветување: Шеф на ЦИА ќе биде Мајлс Дејвис.   

Тоа што работиш со шпиони кои со своите одлуки ја формираат судбината на светот и милиони луѓе, не мора да значи дека таа одлука нема да биде донесена во нервоза затоа што готвачот во менза на криво го погледнал и не бил учтив дента.

Како и секоја организација која се утепува од пишување, така и ЦИА има детален водич за тоа како треба да изгледаат официјалните извештаи, и кои зборови и како може да се користат. Деновиве на интернет се појави осмото издание на упатството.

Помеѓу 130 новооткриени документи на ЦИА се наоѓаат и меморандуми кои зборуваат за вмешаноста на оваа агенција во печатењето и диструбицијата на славниот руски роман, кој бил забранет во СССР.