Од 14 септември 2009-та. 6.610 статии. 322 филмски осврти - „гледанки“. 200 книжевни осврти - „читанки“. 

Пандемијата актуелизираше активности кои ни помогнаа да ја преживееме годината што изминува - пиење сами или во кругот на најблиските. Книгава нуди бонус, пиење коктели кои асоцираат на книги.

Постојат четири типа човечки коронавирус и постојат четворица над-човечки Стоунси кои и во пандемија функционираат како и секогаш: Џегер ја носи песната, Рони ги одработува гитарите, Кит си го прчи и буричка колку за зачин a Чарли одработува смена како да работи на патарина. И тие и вирусите се имаат појавено исто време на планетава. И никој ништо не им може.

Оние кои барем еднаш биле на нашиот традиционален фестивал во „Пепер“, секоја година во април, знаат колку забавно и креативно си поминуваме. За жал јубилејното, десетто издание, мораме да го одбележиме само онлајн. Но темата ни е соодветна.

На 22 април во МКЦ се одржа трето издание на изложбата „Поместени граници“, оваа година со наслов „Молк за...“. Помеѓу изложените дела од неколку автори, едно ни остави посебен впечаток, затоа што ги поврзува (на начин на кој тоа делумно го правиме со „Јадење книги“) храната и идеологијата.

Даглас Рејн почина на 90 годишна возраст, и иако зад себе остава и многу позначајни улоги , сепак најзапамтен ќе биде по саркастичниот глас на Хал 9000 од антологискиот филм на Кјубрик - гласот кој од тогаш го симболизира нашиот страв од вештачката интелигенција.

Да беше споменикот Стоунхенџ сладолед, тој ќе беше вкусна ванила со овес, бадеми и спирали мед. Еден мал производител на сладоледи од Балтимор прави вакви комбинации, инспирирани од луѓе и места во минатото.

Нашиот овогодишен Фестивал на јадење книги е посветен на такви книжевни дела чии главни ликови се животни. Кучињата, на пример, во голем број од нив се симбол на лојалност и упорност. Па дури и кога се повредени или трајно хендикепирани, како овие во нова книга портрети на малку поинакви но крајно симпатични кученца. 

Бројните признанија од областа на книжевноста во светот веќе стануваат индустрија сами по себе. Но за нивниот квантитет има добра причина. И ние се приклучуваме, воведувајќи една лута.

По седми пат јадевме книги во Пепер, овој пат на тема книги и нивни филмски верзии. Галеријата го кажува останатото. Фала на сите!

Во знакот на Шекспир, оваа година се собравме пред „Пепер“ за да се дружиме и низ храна и пијачки да ги раскажеме неговите дела. Најдобрите добија награди, а на крај заминавме со шампити, и со надеж дека следната пролет ќе се видиме уште помлади и уште повесели. 

„Фестивалот на јадење книги“ стана традиција - по петти пат се собравме во Пепер да го славиме спојот на храната и читањето. Овој пат публиката одлучи за победниците со гласање: погледнете ги креативните идеи на учесниците.

На денот на нашиот традиционален настан, петтиот Фестивал на јадење книги, ви претставуваме две нови изданија, кои се однесуваат на готвачките вештини на двајца големи уметници.

Вест на тукушто започнатата година во книжевните кругови е дека е пронајден необјавен ракопис на Харпер Ли, продолжение на нејзината славна книга од 1960, за којашто таа ја доби Пулицеровата награда.

При последното „Јадење книги" Трендо ни се закани дека догодина ќе ни направи контра-фестивал, „Читање храна", на кој луѓе ќе јадат и ќе споделуваат во кои приказни ги носи таа. Излегува дека тоа, колку и да звучи потешко изводливо, сепак се прави, а овој тренд си има и свое име - story food, или храна-приказна.

Најава за четвртото издание на вашата омилена книжевно-гастрономска манифестација, која ќе се одржи на 11. април (петок) од 16 часот на старото место - Пепер на Ленинова. Со време ви најавуваме да си размислите што ќе донесете. Ние ќе купиме пијачки, ќе наредиме тоа масите, ќе смислиме награди и ќе ве чекаме.