Вести › Набрзинка

Сем Алтман го победи Илон Маск на суд

19 мај 2026

Суд во Калифорнија ја отфрли тужбата од Илон Маск против Сем Алтман, во која го обвини дека ја споил непрофитната организација OpenAI во голем комерцијален бизнис.
Поротата не навлегуваше во содржината на тужбата и сведочењата во еднонеделниот судски процес, туку по само два часа се повика на технички детаљ – случајот застарел затоа што Маск чекал предолго да ја покрене тужбата.
Победата на Маск можеше да ја потресе индустријата и евентуално да го отстрани Алтман од челото на OpenAI. Директорот на Тесла, еден од коосновачите на OpenAI, побара отштета од 134 милијарди долари отштета и отстранување на Алтман и потпретседателот Грег Брокман од функциите.
Алтман сега може да се посвети на завршните подготовки за лансирање на OpenAI на берзата, со очекувана гигантска почетна понуда од над 1.000 милијарди долари.
OpenAI се бори со конкурентот Anthropic кој ќе биде прв што ќе излезе на берзата, веројатно до крајот на оваа година, за да привлече повеќе пари од потенцијалните инвеститори. Компанијата што ќе заостане ќе мора да се задоволи со она што преостанало на пазарот.
„Адвокатите на Маск ги искористија сведочењата од поранешните колеги на Алтман за да го прикажат како недоверлив лидер, за да му го уништат кредибилитетот. Освен овие откритија, тужбата се покажа како одвлекување на вниманието“, оцени аналитичарот Ден Ивс.

извор

Македонија се фали колку пари двоела за НАТО

2 јули 2026

„Нашата Армија денес е препознаена како сигурен, кредибилен и ценет сојузник во Алијансата“, изјави началникот на Генералштабот на Армијата, генерал-мајор Сашко Лафчиски.
Дека Македонија издвојува веќе 4% од БДП во одбранбените вложувања, потврди и министерот за одбрана Владо Мисајловски.
„Вчера слушнавме од главните луѓе на НАТО дека сме над 4% во тотал, тоа навистина е голема вест за нас но и за државата бидејќи инвестираме во сите капацитети“, рекол Мисајловски.
Во понеделник на пристаништето во Солун ќе стигнеле сите возила Страјкери кои Македонија ги нарача како дел од договорите за оружје вредни 339 милиони евра.

извор

Алтман ѝ понуди на владата на САД 5% од акциите на OpenAI

2 јули 2026

OpenAI ѝ предложи на администрацијата на Трамп да и подари 5% од своите акции. Веќе се водат преговори за префрлање на средствата во суверен фонд, од кој би се исплаќале дивиденди на владините институции и на граѓаните.
Директорот Сем Алтман тоа го спакува како „споделување на придобивките од ВИ со јавноста“, но повеќе се смета како обид да се ослободи од притисоците од регулативните тела и да се добие наклонетост од администрацијата на Доналд Трамп. Претседателот неодамна јавно го критикуваше директорот на Интел, но омекна откако компанијата ѝ предаде на владата 10% од своите акции.
Спроти очекуваното настапување на берзите, вредноста на OpenAI е проценета на 852 милијарди долари. Тоа значи дека Алтман ѝ отстапува на владата акции од близу 42,6 милијарди долари.
Моделот за владино учество, за кој веќе се преговара, би требало да биде проширен и со другите лаборатории што развиваат вештачка интелигенција, но тоа нема да им биде наметнато на сила.
Антропик мораше да целосно да ги повлече своите најнапредни модели Mythos и Fable откако администрацијата на Трамп ги оцени како потенцијален безбедносен ризик и наложи дека не смее да им се дозволи пристап на странски државјани до моделите. Привремено беше блокиран и нов модел на OpenAI.

извор