Во интервју за Еј-би-си, американскиот претседател се согласи дека рускиот претседател е убиец, и дополни дека веќе му има кажано на Путин дека „ќе плати“ за мешањето во американските избори.

Човек што читал стари комунистички весници не може да не се згрози или бар да не се преврти од смеење со каква тоа сериозност и бесрамност се фалеа некогашните најголеми синови на народите или Партијата која е исто со народот. Кој можеше да помисли дека тој стил денес ќе се чита во американскиот печат? 

Најголемото олеснување што денес се чувствува е што може отворено да се зборува за потеклото на ковид-19 (дали е од лабораторија или од животно...) без притоа да звучиш како да го поддржуваш и цитираш Трамп. Кога СЗО тргна со истрагата во Вухан целта беше непогрешливо да се утврди потеклото. Целта, за сега, не е постигната.

Разговорот на Опра со војводата и војвотката од Сасекс денес е главна тема во светските медиуми. Интервјуто се анализира од сите можни аспекти, а славни станаа дури и столиците од ратан на кои седеа гостите. Но ова сепак е далеку од оние ТВ интервјуа кои менуваат траекторија на настани или обезбедуваат цитати кои со години подоцна влегуваат во популарната култура. Такви, иако се ретки, сепак имало.

Нормално дека нема, ама муабетот доаѓа од луѓе кои ги има во доволен број и кои се доволно неразумни за да можеш што било да им објасниш, па макар тоа било и дека нема шанси Доналд Трамп на 4 март да инаугуриран за претседател на САД.

Новиот американски претседател прави голем број од работите што ги правеше и неговиот претходник, а сепак не ја доби етикетата дека е „буквално Хитлер“.

Амрикански конгресмени од редот на Демократите кои беа најгласни во барањата Трамп да не презема никакви операции без дозвола од претставничкиот дом, останаа со прстот во уста откако Бајден реши да бомбардира во Сирија без да го стори истото.

Човекот кој не е разбран речиси од никој поради контроверзните ставови за животот. Важи за еден од најдобрите играчи на денешницата, ама во управата на НБА официјалните лица со чудење гледаат на некои негови потези и дури сметале дека имал „ментални проблеми“.

Заклучокот на документот што го објави Бајден е дека саудискиот престолонаследник, Мухамед бин Салман, со сигурност одобрил, а најверојатно и го наредил, убиството на Џамал Кашоги.

Ова видео е и ќе остане во историјата како клучен запис кој на идните генерации најсовршено ќе им го долови поразот на Трамп на изборите 2020 и како основите на теоријата на интерсекционалност им ги отворија очите на гласачите на Трамп од срцето на работничка Америка, да согледаат дека постојано се лажени од некогашниот претседател.

На тековната конференција на американските кознервативци (CPAC), покрај звучните тешкаши како Доналд Трамп, Тед Круз и Мајк Помпео, на располагање се и специјални гости од странство, како на пример политичкото крило на еден јапонски религиозен култ кои веруваат дека нивниот лидер е реинкарнација на вонземјанин од Венера кој го има создадено животот на Земјата пред осум милиони години.

Се вика Рајтли (Rightly), замислена е како простор за американските десничари и вам може ви е неверојатно, ама на вработените на катарската Ал Џезира им е и неверојатно и нејасно и непријатно.

Мала, неизбрана група на директори на моќни гиганти, со секири влегуваат во просторот на слободниот говор и мисла а чирлидерки се прогресивни политичари. Што може да тргне наопаку?

Кога и по доаѓањето на Бајден останаа заглавени со проблемот со санкции од времето на Трамп, Хуавеи почнаа да бараат чаре на друго место, пример кај свињи.

Само од Трамп зависи дали пак ќе се кандидира во 2024, бидејќи ако реши Републиканската партија нема да има ниту против, ниту како да го запре, порачува Мит Ромни.

Вработените во неговиот хотел во Вашингтон имале „упатство за работа“ во која прецизно биле опишани седум чекори низ кои треба да мине омилената пијачка на Трамп за да дојде до неговата уста. 

Иако застапник на ставот дека големите технолошки компании треба да преземаат мерки за елиминирање на „дезинформациите“ на нивните платформи, Бил Гејтс верува дека протерувањето на Трамп од Твитер не е соодветно, и дека треба да се зборува за тоа.

На 11 февруари 2011 по 18 денови протести, генералот Хосни Мубарак, египетскиот диктатор кој владееше три децении, беше присилен да ја предаде власта. Илјадниците луѓе што се собраа на плоштадот Тахрир, кој беше центарот на египетската Арапска пролет, беа пресреќни. Сепак, десет години подоцна, режимот изгледа посилен од кога и да е.

Бижутериски активизам, вооружено незнаење, лов на вештерки, напувано морализирање. Зачната во некогашниот „прогон на Црвените“ кога во име на антикомунизмот беа „откажани“ илјадници луѓе, „кансел културата“ служи за да ги одврати луѓето од согледување на вистинските системски проблеми. Наместо тоа, да се занимаваат со банални политички некоректности.

Додека вие ги следите политичките, културните и спортските вести од светот, ние овде ажурно се трудиме да го следиме глобалниот просечен коефициент на интелигенција што секој ден со сигурни чекори се движи во надолна линија, како што се појавува по уште една нова глуперда што се лепи себеси со супер-лепак самоиницијативно.

Во рафалното укинување на одлуките на претходниот претседател, Бајден беше крајно внимателен која од извршните наредби на Трамп што спречува влегување на мигранти во САД или дозволува нивно депортирање во Мексико ќе му заврши под пенкалото.

Злонамерниците ќе се обидат да ги заобиколат образованието, интелигенцијата, амбициозноста и искуството на брачниот пар Иванка и Џаред кога ќе ги дискутираат 640-те милиони што ги заработиле за време на претседателскиот мандат на Трамп, и нема да згрешат.

Кога Доналд Трамп еднострано го откажа договорот со Иран и на таа земја ѝ зачука нови санкции, неговите политички противници тоа бучно и едногласно го оценија како опасен, погрешен и безумен потег на лудиот американски претседател. Нормалниот Бајден сега вели дека нема да ги дигне санкциите.

Карипската комунистичка земја најавува дека ја отвора економијата за приватни бизниси и дека ќе останат само малку сектори кои ќе бидат резервирани исклучиво за државата.