Се вика Фајза Ламари. Таа во целост ги управува кариерата и животот на син ѝ. Имиџот, реклами, преговори со клубови и хуманитарниот фонд. Таа е директен преговарач со највлијателните луѓе во светот на фудбалот како Флорентино Перез и Насер Ал Хелаифи. Ја нема во медиумите па луѓето кои не ја знаат, често го криват Мбапе дека е себичен, алчен, лаком за пари.
Со висина од фасцинантни 222 сантиметри, младиот Французин Виктор Вембанјама кој како прв пик на драфтот летово беше избран од Сан Антонио Спарс влегува во редот на највисоките кошаркари на светот. Да се потсетиме кои се?
Има некои славни фаци, родени се од ‘90-те наваму, значи генерација со миленијалци-зумери и заработуваат илјадници (па и милиони) додека луѓе на нивна возраст се живи среќни ако фатат минималец. На Јутјуб тврдат дека „не е сè во парите“ а се врткаат по листи од типот „најмлад милијардер“.
Мајами Хит е сензација во НБА плејофот сезонава. Завршија на 8-мо место во регуларниот дел и едвај, благодарение на новиот систем се пласираа во плејофот после две победи во доигрувањето. А таму од нигде никаде направија дар-мар и стигнаа до големото финале за шампионска титула. Ги води капитенот и лидер Џими Батлер. Ова е сторија за него.
Ако веќе ја знаат, повеќето луѓе ја знаат пејачката Доли Партон по прочуената платинеста боја на косата/периката и по замашното, барокно деколте. Затоа малку инфо за жената, колку за потсетување дека многу работи не се знаат за некои луѓе, а и тие што се знаат, често се погрешни.
Замислете да живеете во држава која е толку религиозно крута, што во случај да извалкате неколку страници од Куранот, тоа станува работа за полицијата. Држава во која и деца можат да бидат казнети за наводно непочитување на исламот. Заборавете на Иран. Добредојдовте во Велика Британија.
Синиша Михајловиќ денеска требаше да наполни 54 години. Дознајте за почетоците во неговиот прв клуб ФК Борово каде заиграл на 10 години, основното школо, првите импровизирани стативи, голот на кој останувал да вежба слободни удари после тренинг, додека другарите оделе да се релаксираат на базен.
Ник Шифер е сопственик на американскиот НС Билдерс и е дрводелец мајстор, титула која во САД се добива по школо, не по визит карта. Шифер е во Швајцарија каде посетува едно дрводелско средно училиште. Некаде пред средина на турата низ училиштето веќе му дојде да ја скине дипломата што ја има.
Во 1977, Мик Џегер седи на интимна вечера во Бодрум. На одмор е во Турција, со претседателот на Атлантик Рекордс, Ахмет Ертегун и чека да го запознае последниот и со најголемо нетрпение очекуван гостин: накитениот турски стомачен танчер и турска верзија на Либераче - Зеки Мурен.
После првите ракометни чекори во Овче Поле, Кире Лазаров уште како тинејџер се соочил со големи предизвици во дресовите на Борец и Пелистер. Во Велес имал голема минутажа, на 15 години почувствувал меч против актуелен европски првак, ама навечер не водел спортски живот. Трансферот во Пелистер бил полн погодок и покрај тоа што на почеток греел клупа и вршел притисок дома, веднаш да му најдат друг клуб.
„Секогаш на победа“ е збирка на лекции како се доаѓа до успех, а Кире во воведниот дел ја раскажува онаа детската, целосно непозната за јавноста. Од уличните тепачки на фудбал, првите ракометни предизвици на влажните асфалти каде се кинеле патики за 20 дена, глупоштиите со другарите, па сè до денот кога бирал меѓу два спорта кои имаат заеднички елементи.
Март 1997 година. На патот до уште една шампионска титула, Булс веќе трет пат во сезоната ја победија Филаделфија Севентисиксерс. Но во печатот и на улиците во САД никој не зборувал за новиот гостински триумф на Чикаго Булс, туку насекаде се зборувало за малиот Ален Ајверсон, првиот пик на НБА драфтот претходната година.
Упорноста и напорниот труд кои ги вложил во судбоносните два месеци за да докаже дека е талентиран фудбалер во јуниорите на Саутемптон го направија Окс еден од најдобрите англиски фудбалери на денешницата. Од Арсенал прејде на „Енфилд Роуд“ а го одби Челси.
На 7 септември ќе излезе нова, до сега најдетална биографија на Дејвид Боуви. На повеќе од 500 страници, таа содржи 180 интервјуа со негови пријатели, конкуренти, љубовници и соработници, од кои повеќето никогаш порано не зборувале јавно за нивната врска со Боуви.
Секој ден имаме по некој несреќен доказ дека е можно да живееш во 2017-та, при жив интернет, а да бидеш многу, многу неинформиран и глуп. Една девојка на reddit почнува еден муабет, што непријатно укажува на тоа дека дури и да си женско – можеш апсолутно врска да немаш како функционира женското тело.
Да, и ние искрено би сакале на „Градски“ во дуел за Супер Купот да пристигне Манчестер Јунајтед, гигант кој којзнае кога би го гледале во живо. Но така не мислат и децата на Ајакс Амстердам кои го преслушаа Лион и се цврсто решени да ја освојат Лига Европа.
Нејзиниот син, Дејв Грол, од Фу Фајтерс и претходно од Нирвана, сигурно ѝ дал многу поводи за гордост, но и за секирации. Можеби како некој вид терапија, жената одлучила да ги спореди своите искуства со други жени во истата ситуација. Резултатот е книга за овие „рок мајки“.
Нека не ви е криво што како мали ве учеле дека „Тито сите нè гледа“ или дека партизаните се тепале со балистите. Тоа само значи дека сте стари. Оттогаш не издржа ни Плутон, а не па Тито или историските лекции. Седум некогашни факти што веќе не се тоа.
Колку и да ја сакаме серијата, не можеме а да не забележиме дека по 225 епизоди во неа почнува да се случува нешто чудно. Последната, 18-та епизода од десетата сезона е повеќе депресивна психо-драма отколку комедија. Ова, како и најавата за сосема нова серија посветена на детството на еден од ликовите, е можна најава за нејзиниот крај.