Off Café › Набрзинка

Џуди Грир одговара прашања за „Jawbreaker“

20 март 2022

Тие што беа тинејџери во доцни ‘90-ти рани 2000-ти нема шанси да го имаат пропуштено: „Кршач на вилици“, во оригинал Jawbreaker, како оние огромни бонбони што се лижат сто години. Дали беше шарен психопатски трилер, или црна комедија не сме одлучиле, ама дека си доби свој култ и дека со носталгија помислуваме на него и времето со кое што дојде - да.
Џуди Грир ја играше Ферн што стана Вајлет, па се повампири (не буквално). Сега за Вулчр расклопува детали за нејзината прва голема улога, што пак ѝ отвори пат до вечно чудни анти-хероини.
„Чудно е. Сите беа како ‘Таа е вистинската‘ и ‘10 работи што ги мразам кај тебе'. А ние правевме чуден, раскалашен, претеран хорор филм. Бизарно беше да се читаат сценарија и да се оди на аудиции за филмови со средно школо после Jawbreaker, свесен дека сè друго ќе биде бледо во споредба со тој филм.“

28 март 2026

Максел извади нов Вокмен за да не дремат тажно сите касети што сме ги собирале низ децениите. Новото е што се полни на УСБ-Ц и освен 3,5 милиметарски влез за слушалки, има и блутут конекција.
Со полна батерија работи 11 саати, а за да се наполни му требаат 2. Веќе се продава и чини околу 80 долари.
Вокмен бе!

10 март 2026

Росана Аркет која се појави во Pulp Fiction, изјави дека е „гадно“ што Тарантино во сценариото користи навредлив збор за црнци.
Кај Тарантино ова не поминува: „Драга Росана, се надевам дека публицитетот што го добиваш од 132 различни медиуми што ти го пишуваат името и ти ја печатат сликата вреди за ова непочитување кон мене и филмот во кој се сеќавам дека беше пресреќна што учествуваш?“
Аркет ја играше Џоди, жената на Ленс (Ерик Столц). А, Тарантино продолжува: „Дали сега се чувствуваш вака? Можно е. Откако ти дадов работа, да ги земеш парите, па сега да го плукаш филмот од, ми се чини, многу цинични причини, покажува дека немаш ни достоинство, ни чест.“