Во Канада (на барање на САД) е уапсена финансиската директорка на компанијата, во САД против компанијата се покренати кривични обвиненија, низ западниот свет 5Г технологијата на Хуавеи се корне од мобилната инфраструктура.
Марк Галеоти е автор и експерт на тема руска политика и криминал, чија главна порака од сета таа експертиза е дека Западот комплетно погрешно го има протолкувано Путин како и комплетна Русија.
Европа е сама. Сама е стратешки и воено, како што тоа уште еднаш се покажа со одлуката на Трамп да ги повлече американските сили од Сирија, оставајќи голема празнина на Блискиот Исток. Сама е и економски, против двата блока - САД и Кина - кои, секој на свој начин, систематски ги таргетира индустриските капацитети на Европа и презема дигитална колонизација на Стариот континент.
Откако расправијата со Конгресот ја ескалираше до блокирање на работата на администрацијата, сега Трамп проблемот со собирање пари за изградба на сопствениот ѕид го претвори во уште поголема драма во најава.
Уште пред почетокот 2018 беше сериозно важна за американската војска главно заради обемниот буџет што Трамп одлучи да го издвои за вооружените сили на земјата и сè придружно.
И не само од НБА, туку од сите најголеми спортски првенства во САД, шампионите регуларно почнале да ја посетуваат Белата куќа во ’80-те кога на власт најчесто биле претседатели од Републиканската партија: прво Реган, а потоа и Џорџ Буш.
Во најсрамните вести од минатата недела, кои едвај и да добија внимание од медиумите, Доктори без граници ја прекина својата операција за спасување мигранти на Медитеранот заради притисокот од европските нации, а посебно Италија.
Избегнатата авионска несреќа на Ангела Меркел е одлична метафора за насоката во која се движи нејзината идеја за европска армија. Меркел беше присилена да фати лет на Иберија од Мадрид за да стигне на Г-20 самитот во Буенос Аирес.
Како што се движеше караванот од Латинска Америка кон САД така еволуираа и заговорите што Трамп ги ширеше околу него. Зовриената само-создадена паника на крај кулминираше со распоредување на 6.000 американски војници (повеќе отколку што моментално имаат во Ирак) на границата со Мексико.
ОПЕК ја загуби и онаа контрола врз пазарот на нафта што ја имаше. Постапките (или твитовите) на тројца мажи - претседателите Доналд Трамп и Владимир Путин, и принцот престолонаследник Мухамед бин Салман - ќе го утврдат курсот на цената на нафтата во 2019 и понатаму. Но сите сакаат различни работи од него.
Не само што однесувањето на британските елити ја признава важноста на САД, туку тие и коленичат пред нејзе. Длабоко во себе, тие изгледа изразуваат пост-империјална британска зажеленост дел од големината на САД да се отслика и на нив. Би можело да се каже дека, барем ментално, Британија веќе е вазал, ама не на ЕУ, туку на САД, пишува Мартин Кетл во текстот за Гардијан.
Во речиси исто време кога комплетна американска јавност (и вакви и такви) беше залепена пред каков екран и да им е достапен и го гледаше сослушувањето на кандидатот на Трамп за Врховен судија, Брет Кавано, во американскиот претставнички дома беа изгласани даночни олеснувања за најбогатите Американци во износ од 3100 милијарди долари.
За прв пат по долги години друга држава на Израел му кажува: Престани. Барем во Сирија, повеќе нема да може. Фала ти, мајка Русија, пишува Гидеон Леви во израелскиот весник Хааретз.
Затоа што кога други држави финансираат проекти во странство тоа се смета за „економска војна“ а кога истото го прави САД, ММФ, Светска банка тоа се „структурни реформи и проекти“, Американците одлучија да основаат агенција која ќе им помага на земји во развој да се ослободат од финансискиот долг кон Кина. Во исто време Кина поседува над 6.000 милијарди од американскиот долг.
Шпанскиот министер за надворешни работи објави дека американскиот претседател му предложил тактика за спречување на напливот мигранти од Африка, при што зборот „тактика“ е многу либерално употребен во овој контекст.
Во 2015 година светската јавност ѝ аплаудираше и ја споредуваше со Мајка Тереза кога реши да ги отвори вратите за бегалците од Сирија и други несреќни земји од Блискиот исток. Денес насловните во Германија се полнат со слики од екстремни десничари кои "ловат" странци по улиците и се поздравуваат со нацистички керефеки. Тоа е контрастот кој сведочи за тектонските пореметувања од бегалската криза која во Европа донесе три милиони бегалци
Целата операција се сведува на две точки. Прво ги купуваш најскапите оружја во историјата, второ, не користиш речиси ништо од нив бидејќи најголемиот дел од новото оружје што си го купил не работи.
Како што сам себе се покани во Европа како месија на крајната десница, така поранешниот советник на Трамп и сам се спакува да се враќа назад во САД откако не успеа да се разбере со никого од своите колеги од крајната десница од оваа страна на Атлантикот.
Не дека Трамп би признал руски суверенитет врз Крим, ама сака опциите да му се отворени и да не му ги ограничуваат со Устав дадените права на признавање што ќе му текне.
И во врвот на Студената војна, германските домови се греат благодарејќи на горивото испорачано преку 4.000 километри долгиот советски нафтовод Пријателство. Иако Пријателство ќе продолжи со работа, апдејтот на руско-германската соработка во форма на Северен тек 2, е сериозен извор на проблеми и притисоци врз Меркел.
29-годишната Мариа Бутина која пред неколку недели беше уапсена во САД под обвинение дека е руски шпион кој се обидува да се инфилтрира во републиканските кругови, сама на пијано се има издадено дека е руски шпион, и тоа не еднаш туку неколку пати. Со други зборови Русите во САД распоредуваат шпион кој не држи алкохол и кој не молчи за својата задача.
„Трескавичното бладање на либералите на тема Трамп-Русија достигна статус на пародија“ е насловот на колумната на Метју Валтер во магазинот Вик, инспирирана од обемната главна сторија на новиот број на Њујорк магазин, чиј краен заклучок е дека актуелниот американски претседател од 1987 е агент на руската влада.
Кинеските власти баш и не можат директно да возвратат на заканите на Трамп дека ќе воведе тарифи на дополнителни 200 милијарди долари производи увезени од Кина, од проста причина што Кина годишно од САД увезува производи во вредност од максимум 130 милијарди долари.
Наведувајќи со што сè ЕУ моментално се справува, и нејзината неспособност да постигне „голем договор“ кој ќе ги опфати клучните проблеми, професорот од Принстон по Историја и меѓународни работи, Харолд Џејмс, објаснува дека главниот проблем е сложеноста на ЕУ која речиси не е опремена да функционира во времиња на хаос како денешниве.