Веш машина на иднината

Глен Рајд шест години има работено за Стив Џобс. Сега е сам и планира за машините за перење да го направи она што Тесла го направи за автомобилите.

Бил во стартапот на Џобс NeXt, а потоа и во Епл каде работел на развивање на првите верзии на Ајфон и Ајмуви.

Неговиот сегашен стартап се вика Marathon Laundry и со него планира да ја распрсне магијата на силициумската долина на еден многу човечки проблем - валканите алишта.

Најавува дека неговата  машина за перење и сушење алишта ќе биде ценовно компетитивна со постоечките модели но, ќе биде паметна.

Тоа пред се значи поврзана на интернет. Слично како што Тесла секојдневно собира огромен број податоци од автомобилите на улица за да го усоврши авто-пилотот, така и веш машината на Рајд ќе учи од корисничките искуства за да може да понуди оптимална програма, без сите оние џиџи-миџи програмирања и милион копчиња.

А во основа, на секоја машина ѝ се битни само два параметри: температурата на водата и времето.

Го замислувам Стив Џоб како стои пред денешна машина и нејзиниот комплициран интефејс за на крај да заврши комплетно збунет и да праша: Добро, не знае ова која е идеалната температура?, вели Рајд. 

Неговата Маратонка би требало да собере доволно податоци за да сфати кој е идеалниот програм за перење во 90 посто од случаите, исто како што и дизајнерите на Епл го направија телефонот разбирлив за големото мнозинство корисници.

Портпаролот на компанијата вели дека е прашање на ден кога машината ќе може сама да ги детектира дамките и нивното потекло и да понуди најдобар третман за нив.

Признаваат дека се работи за вештачка интелигенција, но не сакаат да ја викаат така, чисто од ПР причини:

Денес луѓето не сакаат ништо што е вештачко, објаснуваат од Маратон.

*************************************

Додаток од читател:

Super e storijata i super sto chovekot se reshil da ni go napravi zivotot polesen, ama pred nekoj den prochitav nesto fenomenalno. Imeno, naslovot veli vaka ' The $100 gadget that could replace your washing machine'. Ovaa start up kompanija ochekuva da gi dostavi site 8000+ gadgeti bo prvata cetvrtina od 2016 godina. Izguglaj 'Dolfi' za da vidis za sto stanuva zbor. Nakratko, gadget ne pogolem od sapun so pomos na ultrasonichni zvuchni branovi ja otstranuva nechistotijata od alishtata.
Pozdrav,
Ivan

5 јануари 2016 - 11:12