Додека неговиот репрезентативен колега Никола Јокиќ ја чека МВП наградата за најдобар играч во НБА, Василије Мициќ вечерва го доби ова признание за најдобар кошаркар во Евролигата. Со неговиот Ефес Пилсен ја освои првата титула во Евролигата, постигна 25 поени во финале против Барселона и запеа песна со актерот Дарко Периќ (ликот Хелсинки од серијата Ла Каза де Папел).

Кошаркарите на Ефес Пилсен по првпат во историјата го освоија највредниот трофеј во европската кошарка откако вечерва со 86:81 ја совладаа Барса. МВП на сезоната и на Фајнл Фор е Василије Мициќ кој растури и во финалето.

Германецот Томас Тухел седна на клупата на Челси пред четири месеци. Од пропаднатиот скапоцен тим кој дремеше на 10. место во Премиер лига, направи екипиште и ја освои Лигата на шампиони, само 10 месеци откако играше финале со ПСЖ во Лисабон.

Искусниот шпански арбитар беспрекорно си ја изврши задачата во финалето на Лига на шампиони меѓу Манчестер Сити и Челси. Во еден момент џентлменски му подаде рака на Рудигер па културно му покажа жолт картон за грубиот прекршок над Де Брујне.

Пред 14.100 гледачи (официјално од УЕФА) на велелепниот „Драгао“ во Порто, Челси со маестрална тактика поставена од Томас Тухел, заслужено по втор пат во историјата ја освои титулата во Лига на шампиони. Првпат после 2012-та година и десантот во Минхен на Дрогба.

Лука Дончиќ одигра нов блескав меч во НБА плејофот каде формата му е во уште понагорна форма од она што го прикажуваше во регуларниот дел. Репрезентативецот на Словенија на мечот кој неговиот Далас го изгуби од ЛА Клиперс 118:108, постигна 44 поени со 9 скока и 9 асистенции. Имаше 7 тројки од 13 обиди.

Очекувано или не, новиот дрес на Македонија во бордо боја ја разгневи јавноста до таа мера што се отвори петиција за враќање на довчерашните дресови кои му се мили и на капитенот Пандев и која веќе ја потпишале скоро 12.000 луѓе.

Јавноста никако не може да се помири со новата гарнитура дресови меѓу кои во прв план е првата варијанта со бордо боја. Индиректна порака прати и капитенот на репрезентацијата.

Фудбалската федерација на Македонија попладнево ги промовираше дресовите кои нашите најдобри фудбалери ќе ги облечат на претстојниот континентален шампионат.

Синоќа во НБА се одиграа три меча од плејофот. Победи славеа Милвоки Бакс кој е на чекор да го „измете“ Мајами Хит, Лејкерс и Денвер Нагетс.

Во ситуација кога љубителите на фудбалот од земјава се обидуваат да направат нацрт план како би требало да изгледа нивната екскурзија во Букурешт каде ќе игра македонската репрезентација, Владата назначи координативно тело кое би ги „олеснило“ тие обиди.

Како пургерски Македонец му предал шибенско пиво на поранешниот претседател на кошаркарскиот сојуз на Југославија...

Емотивен видео расказ на Види Вака кој ги опфаќа почетоците на селекторот Ангеловски па сè до врвот кој го искачи заедно со фудбалерите. Фина приказна за Мрме и момците.

Македонскиот претседател Стево Пендаровски при посетата на Рим и Ватикан, на папата Франциск кој е голем љубител на фудбалот и осведочен навивач на аргентински Сан Лоренцо, му го подари дресот со кој Македонија ќе игра на Европско првенство за 15-ина дена.

Во сезоната 2020/2021 која штотуку заврши, Интер ги имаше најдобрите резултати во последните 11 години. Првпат после 2010-та го освоија скудетото и навивачите беа пресреќни.

Манчестер Јунајтед и Виљареал одиграа сјаен меч кој го круниса пенал серија со дури 22 изведени пенали откако после 120 минути фудбал резултатот беше 1:1.

Во финале кое ќе се памети уште долги години, Виљареал празнува голема победа над Манчестер Јунајтед и највреден освоен трофеј во 98-годишната историја на клубот!

Фудбалерите на Виљареал го освоија вредниот трофеј на Лига Европа, откако вечерва на пенали го совладаа Манчестер Јунајтед. Пенал серијата траеше бескрајно, се изведоа дури 22 пенали. Унаи Емери по четврти пат го крева овој пехар и влезе во вечноста.

Во нашиот регион јавноста со неверица ја прифати веста дека од првата македонска лига испаѓа фудбалскиот клуб Вардар, доскорешен учесник во елитната Лига Европа кој сега ќе мора да игра по македонските села за да си ја врати честа. Нешто слично го задеси и Вердер Бремен кој беше шампион на Германија.

Се случувало топката да отиде кај комшија кој пред неколку дена ви свикал дека следен пат со нож ќе ја распара ако му стигне во негов посед пошто му сметала галама. Ама позезнато е ова низ што проаѓаат овие дечки на видеово. Оди па биди храбар да те видам ко ќе се залета Рекс од таму лут ко стрела.

Кошаркарите на Крка ја освоија шампионската титула во Словенија откако во финалето го совладаа главниот ривал Шентјур со 72:66. Најинтересен момент од ова финале е чудниот шут на кошаркарот на Шентјур, Жига Хабат кој се најде во многу европски спортски медиуми.

Кошаркарите на Лос Анџелес Лејкерс со 109-102 го совладаа Феникс Санс на гости во вториот меч од плејоф серијата и израмнија на 1-1. 36-годишниот Леброн имаше 23 поени, 4 скока, 9 асистенции и 2 украдени топки. Во последната минута постигна злато вредна тројка за 100-94 со која Лејкерс се одлепија и дефинитивно пред крајот.

И покрај тоа што цела сезона играа по принципот топло-ладно, кошаркарите на Далас Маверикс направија голем подвиг и после 2 меча во плејофот против ЛА Клиперс веќе имаат 2-0 и тоа среде Лос Анџелес.

„Ние не сме Атлетико ако не страдаме“ е една од познатите фрази меѓу навивачите на „јорганџиите“ од Мадрид. И така беше сезонава која што на крај ја крунисаа со 11-та титула, можеби најдрага за навивачите затоа што многу се намачија до неа.