Имаше Манчестер Јунајтед шанси и поголем посед на топка, но Атлетико Мадрид го имаше сјајниот Јан Облак кој со неколку бравурозни одбрани стави клуч на неговиот гол и беше најзаслужен што неговиот тим оди во четвртфинале. Не го совладаа ни Роналдо, ни Еланга, ни Санчо, ни Кавани, ни Бруно Фернандеш.

Аргентинскиот тренер понекогаш знае после последната судиска свирка брзински да истрча до соблекувална без да се поздрави со колегата на другата страна. Така направи и вечерва кога неговиот Атлетико Мадрид со 0-1 го урна Манчестер Јунајтед. Но додека трчаше кон тунелот, домашните навивачи бесни го гаѓаа со сè и сешто па среќа остана на нозе.

Фудбалерите на Атлетико Мадрид и Бенфика се четвртфиналисти во Лига на шампиони откако вечерва со идентични 0-1 ги совладаа Манчестер Јунајтед на „Олд Трафорд“ и Ајакс на „Јохан Кројф Арена“.

Некои од нив сте ги слушнале, а некои од не. Некои ќе ве натераат да се подзамислите, а некои да се насмеете. Во секој случај вредни се за спомен.

Фудбалскиот клуб Челси е до тоа ниво тормозен од властите во Англија што секојдневно по некој бистар политичар дава идеја како „да се камшикува“ актуелниот европски шампион. Клубот сега не може да продава ни влезници за своите натпревари, а тренерот Тухел имаше добар одговор.

Со предност од +10 пред второпласираната Севиља, Реал Мадрид ита кон шампионската титула во Ла Лига. Синоќа ја совладаа Мајорка на гости со 0:3. Бензема повторно беше во елемент со два гола, а резултатот го отвори Винисиус, кој со танц им врати на навивачите кои го навредуваа по расна основа.

Ја следите ли што прави Џенова во Серија А откако смениja тренер, а Пандев си замина? Со бод по бод не се освојува опстанок дечки.

Белоруската тенисерка, познатата Викторија Азаренка (32) изгуби со 2-0 во сетови на Индијан Велс од помладата 22-годишна Елена Рибакина, а во текот на натпреварот во еден момент популарната Вика се расплаче па судијката ја прашуваше дали ѝ треба помош.

Oд Африка ни доаѓа многу смешно видео. На мечот меѓу екипите на Асанте Котоко и Бибиани Голд Старс кој домаќинот го добил со 5-0 еден од помошницте судии толку се соживеа со една брза акција на Асанте што заборави кај му е аут линијата.

Јакото е што малиот нит жалеше што остана без фотографија, а ниту пак му се извини на нежниот тренер на Наполи. Циркузи.

Во неверојатно ефикасна вечер во НБА, Карл-Ентони Таунс го разби Сан Антонио Спарс со 60 поени, 17 скока и 3 асистенции. Неговите Тимбервулвс славеа 149-139. Во истата вечер Трае Јанг уфрли 46 поени а Стеф Кари 47 поени на неговиот 34 роденден во победата на Голден Стејт Вориорс над Вашингтон 126-112.

Во последниот натпревар од 29. коло во италијанската Серија А, Лацио со минимални 1-0 ја совлада Венеција и со 49 бода се искачи на 5 место пред Аталанта и Рома.

Преку онлајн кампањата “Meet&Greet” со навивачите на Парма, од најмлади до највозрасни, од спортскиот центар Колекио зборуваше најдобриот македонски фудбалер.

Следете го добро како посматра и резонира, уште пред да прими топка. Нема тука игра на памет, туку со мозок. Снимката е од викендов против Барнли кој Брентфорд го доби со 2:0. На крајот ја направи и првата асистенција по кам бекот во Премиер лигата на 26 февруари. Херој е Кристијан. Втор живот живее.

Фудбалот во Романија е бурлески во секој ранг и бисерите не може да им се добројат. Најновиот е на клубот Политехника кои се обидоа да испратат порака, ама нешто не им успеа, освен ако не ја читате во обратен редослед.

Балканската музика е редовно на репертоарот на ѕвездата на Далас. Не за џабе по татко е по потекло од Србија, а по мајка од Словенија. На последниот прес го уловија со песната „Добро јутро никоме“ од Дара Бубамара.

Мачна сезона имаат фудбалерите на Леванте кои се бетонирани на дното во Ла Лига со само 3 победи по 28 кола. Викендов одиграа дома 1:1 против Еспањол, а очајно им се потребни победи. Енис Барди намести гол, ама до несмасен колега кој не смееше да си дозволи да промаши ваква шанса.

Познат е Тајланд по боречки вештини, ама не сме знаеле дека таа традиција знаат да ја негуваат и на фудбал. 24 конци за тој во син дрес, отказ од клубот за тој во црвен. Опасна левица му даде.

Мексико уште не може да се смири од групното лудачко навивачко насилие и ете ти ново во Мароко, овој пат со двојно повеќе повредени полицајци од ултраси.

Грег Попович е тренер на Сан Антонио Спарс од 1996 година и во тој период до ден-денес го водеше тимот до пет шампионски титули и неверојатен рекорд од 1.336 победи во регуларниот дел од сезоната во НБА.

Македонскиот репрезентативец се истакна со нов прекрасен гест, односно со два овој викенд во кој Динамо Загреб имаше тешка и многу важна пресметка во борбата за титулата. Тоа се тие потези со кои се освојува публиката.

Тифозите на Милан од далечната 2011-та чекаат скудето. Повеќе од една деценија црвено-црните не му се израдувале на највредниот трофеј во италијанскиот фудбал, но сезонава после 29 одиграни кола во Серија А како да се најсериозни кандидати за шампионска титула. Во саботата Милан со 1-0 го совлада Емполи со гол на бекот од кој намалку се очекуваше гол, Пјер Калулу кој начека една одбиена топка по слободен удар на Жиру.

Кошаркарите на Оклахома Сити Тандер и Мемфис Гризлис во арената „Пејком Центар“ во Оклахома излегоа на паркет со исти бели дресови. Кога во еден момент сите присутни сфатија дека ја утнале работата со дресовите, гостите (како што налагаат правилата) мораше да одат во соблекувална и да ја облечат резервната варијанта за гостински натпревари.