Фото: Epa Images
- Некогашниот лев бек на Барселона и холандски репрезентативец Џовани ван Бронкхорст е нов помошен тренер во Ливерпул.
- Ван Бронкхорст имаше големи успеси како главен тренер, освои шампионска титула со Феенорд во Холандија после многу години, во сезоната 2016/2017 и освои два холандски Купа. Потоа беше на кратко во Кина па имаше одличен период во Ренџерс со кој стигна до финале на Лига Европа (пораз од Севиља) и освои Куп на Шкотска. Последно го тренираше турски Бешикташ во 2024.
- Во меѓувреме во Ливерпул се враќа и шпанскиот тренер на голмани Чави Валеро кој седум години беше во Вест Хем Јунајтед.
- Валеро првпат во Ливерпул стигна во 2007-ма на повик на Рафа Бенитез а подоцна го следеше сонародникот во Интер, Челси, Наполи и Реал Мадрид. Од Ливерпул заминуваат тренерите на голманите Клаудио Тафарел (од 2021-ва во Ливерпул) и Фабијан Оте.
- Фудбалската федерација на Македонија ги информира навивачите дека продажбата на влезниците за натпреварот Македонија – Швајцарија, кој ќе се одигра на 26 септември во Скопје ќе започне на 10. септември.
- Цената на влезниците се движи од 500 до 1.800 денари, во зависност од блокот и местото на трибините. ВИП билет чини 3.000 денари.
- Влезниците за натпреварот Словенија – Македонија, кој ќе се одигра на 29. септември на стадионот „Стожице“ во Љубљана, ќе бидат пуштени во продажба на 14. септември.
- Редовниот евролигаш Монако во последните година дена се соочи со страшни административни и финансиски проблеми па клубот практично беше пред распад. Пред неколку дена го исфрлија во трета француска лига, а на нивно место во Еврокуп ќе игра КК Босна во групата Д.
- Некогаш богатиот тим од кнежевството со сопственици милијардери сега изразил желба да се приклучи на силната регионална АБА лига, но од таму им одговориле дека „доцна се јавиле“ односно дека форматот и календарот веќе се востановени и првенството ќе почне како што е договорено, без измени.
- „Монако се јави во АБА лига со желба да игра АБА1 лига. Знаете ништо што се мина тој клуб во последните година дена. Кога се јавија ние веќе имавме направено формат и календар и не е можно да се приклучат. Мојот предлог на Собранието ќе биде да минат низ АБА 2 лигата и евентуално следната година да ги приклучиме во АБА 1 лига. За тој клуб мислам се најдобро, лично ги знам луѓето од нивната управа и жал ми е низ што поминаа“, рекол првиот човек на АБА лигата, Остоја Мијаиловиќ кој е и прв човек на КК Партизан.
