- Шеј Гилџес-Александер и Оклахома потпишаа продолжување на договорот за 4 години до 2031-ва за 285 милиони долари, што е рекорд во НБА и рушење на рекордот на Јокиќ кој во 2022-ра со Денвер потпиша 5 годишниот договор за 276 милиони.
- Канаѓанецот не влезе во лигата со очекувања за суперѕвезда. Беше 11-ти избор на драфтот во 2018 и беше продаден од Лос Анџелес Клиперс во Оклахома по неговата дебитантска година. Оттогаш неговата кариера се движи во нагорна линија.
- Тој не само што ја предводеше Оклахома до шампионската титула и до најдобриот резултат во лигата, туку ги освои и големите индивидуални награди, за МВП во регуларниот дел од сезоната и во финалната серија, како и титулата за најдобар стрелец.
- Вечерва од 21 часот ќе се одиграат сите 18 натпревари од последното коло на Лига на шампиони. Во вторникот вечерта немаше фудбал, сите натпревари се закажани за вечерва. Дури 32 екипи од вкучно 36 имаат шанса за пласман во следна рунда.
- Арсенал и Баерн Минхен се сигурни патници директно во осминафинале, а за разигрување шанси имаат голем број екипи. Од 6-то до 13-то место има група клубови со по 13 бода и сите ќе бркаат директен пласман во 1/8 финале и ќе се потрудат да избегнат доигрување.
- На крајот тимовите пласирани од 9-то до 24-то место ќе играат во доигрување за пласман во осминафинале. 9-от и 10-от ќе играат против екипите кои се на 23-то и 24-то место, 11-от и 12-от ќе играат против 21 и 22 на табела и така натаму.
- Дербито на вечерта се игра во Париз каде ПСЖ ќе го пречека Њукасл во директен дуел за место кое води право во 1/8 финале.
- Ракометарите на ЕП се соочуваат со турбо распоред, кој предвидува два натпревари за помалку од еден ден. Причината е усогласување на крајот на двете групи во Малме и Хернинг, пред полуфиналиња во петок и финалниот дел во недела.
- Се погласни се реакции дека ваквиот систем е опасен по здравјето на играчите. Поранешниот играч на Металург и Вардар, Лука Циндриќ реагираше после победата над Словенија.
- Се ме боли. Играме за помалку од 24 часа. Оној што го смислил овој распоред, сигурно никогаш не се занимавал со спорт. Се жртвуваме цели подготовки, а потоа по шестиот или седмиот меч играме меч од кој ни зависи полуфиналето. И после тоа нов натпревар за помалку од 24 часа. Тешко е и премногу интензивно. Не можеш да се регенирираш ни за два дена, а камоли за еден. Ова не е здраво за никого.
