- Откако за 18 милиони евра го доведоа најголемиот хрватски талент последниве пар години, Мартин Батурина (18) од Динамо Загреб и се очекува тој да блеска сезонава во Серија А, Комо се надмина себеси и плати 22,5 милиони евра за левото крило и крилен напаѓач на Бетис Хесус Родригез кој има само 19 години.
- Претходно италијанскиот клуб кој ги има најбогатите газди во цела Италија, браќата Хартоно од Индонезија кои се едни од најбогатите милијардери на светот, ги доведе уште и левиот бек од Барселона Алекс Ваље за 6 милиони евра, десниот бек од РБ Лајпциг Ван дер Бреимпт за 5 милиони евра и стоперот Фелипе Џек од Палмеирас за 2 милиони евра.
- Се очекува Комо да доведе уште засилувања, а се споменува и Алваро Мората.
- Откако ја одигра првата историска сезона без ниту еден освоен трофеј, а како капак на сè сензационално испадна во четвртфинале од доигрувањето за титула во шпанската кошаркарска лига, Реал Мадрид реши да менува.
- „Кралскиот клуб“ решил да се раздели со досегашниот тренер Серџо Скариоло кој има рекордни успеси како селектор на Шпанија. И покрај тоа што првиот човек на Реал Мадрид Флорентино Перез му дал поддршка, сепак управата на „кралевите“ го отпуштила и го ангажирала досегашниот тренер на Валенсија Педро Мартинез.
- Мартинез беше прогласен за најдобар тренер за изминатава сезона во Евролига. Со Валенсија го освои шампионскиот пехар откако убедливо во Финалето ја разби Барселона дури 3 пати (3 пати сезонава им даваа над 100+ коша) и стигна до Фајнал Фор на Евролига.
- Валенсија играше сјајна кошарка а сега Реал Мадрид за 1 милион евра го откупува договорот на Педро Мартинез кој ќе склопува нова екипа и ќе ослободни повеќе играчи од досегашниот состав.
- Македонскиот репрезентативец Нено Димитријевиќ по настапите за Армани Милано и за Баерн Минхен со кого изгуби во драматичната финална серија за титула во Германија од Алба Берлин, стана нов играч на Арис Солун.
- Димитријевиќ следната сезона ќе соработува со селекторот на Грција и со некогашниот тренер на Монако Василис Спанулис. Целта на богатите сопственици на Арис е солунскиот клуб да го освои трофејот во Еврокупот и преку него да стигне во Евролига.
- Еврокупот следната сезона ќе има 32 екипи поделени во 4 групи а ждрепката за групите е на 8-ми јули. По четири од секоја група ќе се избори за пласман во осминафинале. Целата нокаут фаза ќе се игра до две победи.
- Ненад Димитријевиќ со Арис потпишал 4-годишен договор и во Солун доаѓа да биде еден од главните адути во амбициозниот проект. „Арис со задоволство објавува за потписот на Ненад Димитријевиќ во следните две години. Играчот пристигна од руски Зенит со кого имаше важечки договор“, стои во соопштение на Арис.
- Димитријевиќ минатата сезона ја започна во Милано, но играше во Баерн Минхен на позајмица од руски Зенит. За германскиот гигант одигра 16 натпревари во Евролига со одличен просек од 11 поени, 2,3 скока и 4,1 асистенција со 54% прецизни шутеви за три поени.
- Димитријевиќ е роден во Скопје, висок е 190 сантиметри и игра плејмејкер. Покрај Зенит, Баерн и Милано, во кариерата играше уште и за Хувентуд, Валенсија и УНИКС.
