Доналд Трамп зборуваше за прославата на 250-годишнината од американската независност која е 4-ти јули следната 2026-та. Меѓу другите настани кои ги најавуваше, американскиот претседател кажа и за борби во УФЦ.
„Имаме премногу простор таму. Замислете само вистинска борба од УФЦ пред 20-25.000 луѓе на тревникот пред Белата куќа“.
Портпаролката на Белата куќа Каролин Левит изјави дека претседателот на САД е „смртно сериозен“ во врска со оваа замисла и сака да ја реализира. Трамп е познат како голем љубител на мешаните боречки вештини (ММА), често присуствувал на настани организирани од првиот човек на УФЦ, Дејна Вајт кој му е голем пријател и политички соборец.
