Фантастичното офанзивно трио на Наполи синоќа маестрално си ја одработи работата а головите ги посветуваа на тешко повредениот и опериран колега од нападот. Само настана мала забуна.

Заокружи јубилејни 400 настапи за Реал Мадрид и стигна до бројка од 105 во Лига на шампиони. Кристијано Роналдо многумина се обидуваат да го имитираат, еднаш се обиде и Анчелоти, ама девојчево е најјако, го ископира и со рацете и со гримасата.

По само 14 минути игра на дербито на вечерта меѓу Борусија Дортмунд и Реал Мадрид требаше да има удар од 11 метри, бидејќи Серхио Рамос на пола метро од гол линија играше со рака. Европскиот првак славеше 1:3, ама со евентуално водство на Борусија, натпреварот ќе фатеше друг тек и кој знае како ќе завршеше. Судии? ВАР? Каде е проблемот? 

За разлика од Бундеслигата каде се со еден примен гол, Милионерите ги загубија двете кола во ЛШ со идентични 3:1 и ризикуваат елиминација во групна фаза. 400 меча за Роналдо, хет-трик на Хари Кејн на Кипар, два од два за Бешикташ, дебакл на Монако, промашени пенали на Феенорд и Манчестер Сити.

26 септември ни носи видео сеќавање од најкултното време на Серија А, кога Лацио и Парма беа меѓу најјаките, се бореа за трофеи и трампаа играчи. Лацио таа сезона го освои Скудетото, а Парма една сезона претходно славеше во Купот и Супер Купот на Италија, како и во Купот на УЕФА.

Рецептот за долговечност го има човекот за кој малку кој би покажал со прст а тој е секогаш на позиција, спремен да се бори додека го држи сила. Тивок, внимателен, концентриран и голем професионалец. 21 сезона!

Палермо синоќа славеше 2:1 против Про Верчели благодарение на двата гола на нивниот капитен кој направи пресврт. Иле потоа доби црвен картон, ама без разлика на тоа утрото му е песна. Му се отвараат портите, па колегата Алјаж Струна го зема од дома и правец на утрински тренинг или можеби прво на кафе покрај море.

И покрај големиот број на реакции во медиумите и социјалните мрежи и слабата посетеност со Зенит, управата на ФК Вардар не попушта со цените за натпреварот против Реал Сосиедад во Лига Европа.

Дуелот од 1. коло во Лига на шампиони меѓу Марибор и Спартак Москва го одбележаа неколку сериозни инциденти меѓу навивачите и полицијата, а од целата бесмисленост на крајот излезе приказна со среќен крај.

Норвешка, Русија и Шпанија беа најдалечните можни дестинации кои можеа да им се паднат на фудбалерите на Вардар во дебитанската сезона од Лига Европа. А што да кажат нивните навивачи? Кај ќе се тушираат и ќе мијат заби од денес до четврток и потоа пак назад?

Преку видео кое трае не повеќе од минута и педесет секунди, УЕФА се обиде да ја долови Лигата на нациите која што на прв поглед изгледа како испит за пилот.

Веќе неколку години сосема солидно функционира пред-олимпискиот краудфандинг на кој многу талентирани спортисти и идни Олимпијци собираат средства за скапите подготовки за едни Олимписки Игри. Пари собира и поранешен Олимписки шампион.

Нова прес конференција со Јирген Клоп и нови бурлески, стандарно со преведувачката на која ѝ помогна на свој начин и со еден од новинарите кој постави непотребно и глупаво прашање.

Минатиот викенд Фенербахче го пречека Бешикташ а на мечот имаше: 12 жолти и 5 црвени картони, 3 гола (Фенер победи 2-1 со два пенала) и еден куп прекини.

Неговата Аргентина на 5. и 10. октомври ја очекуваат клучните два натпревари за пласман на Светското првенство 2018 против Перу дома и Еквадор на гости. На тие дуели Меси ќе се обиде да повтори нешто од овие потези.

Со двата гола на Дани Себалос фудбалерите на Реал Мадрид славеа 1:2 на гостувањето против Алавес, а шпанските аналитичари открија дека во акцијата на едниот гол Асинсио пред да ја направи асистенцијата бил во офсајд.

Иако на прва изгледаше дека ќе се сплетка бидејќи топката лошо му тапна, сепак за капитенот на Палермо нема загубена топка во шеснаесетник. Гол број 3 за македонскиот репрезентативец во Серија Б, за 1:1 против Про Верчели во 25 минута, а потоа и гол број 4 во 51-ва минута за пресврт и триумф од 2:1.

Денеска е релативно тешко да се најде Англичанец во Премиерлигашите кога скролате по нивниот состав за време на мечот. Премиер лигата стана своевиден географски атлас со играчи од сите страни на светот. Цели 18 години немало меч само со Англичани во составот.

Алесандро Костакурта држеше одбрана во Милан до 40 години, голманот на Лацио Марко Балота стана највозрасен играч во ЛШ со 43 години, а Јапонецот Казујоши Миура даде гол на 50 години. Ништо не се тие.

Падна на мечот Алеманија Ахен - Вуперталер (4-1) во германската лига Запад. Го даде Липолд кој на домаќинот му донесе дуплирање на водството.

Иако до вториот меч на Вардар во Лига Европа на Филип Втори има скоро уште месец дена, навивачите почнаа да испраќаат апели до управата на клубот да подразмисли за цените со Реал Сосиедад. Најслабо публика со Зенит имаше на најскапите блокови.

До сега гледавме како Легија Варшава ги слави победите во соблекувална, а сега имаме пример и како се слави против нив. Јагелонија успеа да го совлада 12 кратниот првак на Полска со гол во 87-ма минута и потоа херојот на мечот, Литванецот Федор Ивановиќ Черних беше главен во соблекувална.

Во поразот на Џирона од Барселона 0-3, домашниот фудбалер Пабло Мафео добил стриктна задача да го чува Лионел Меси на начинот „фластер“ како што викаат тренерите. Ама тој ептен буквално го сфатил тоа.