На првиот меч од баражот за Мундијал кој се играше на преполниот „Виндзор Парк“ во Белфаст Швајцарците славеа со 0-1 со голот од пенал на фудбалерот на Милан, Рикардо Родригез во 58’ минута.
„Се срамам поради тоа што направив грешка, а тоа ме чинеше и настап во Русија. Се надевам барем дека ќе бидам во собата каде што е ВАР. Ја признавам грешката. Судиската работа е таква и нашите грешки се како и голманските - секаде и сите ги гледаат јасно“, изјавил Хатеган кој тешко дека ќе патува на Мундијалот во Русија, дури и како контролор.
Во Северна Ирска немаат намера да му простат затоа што им ја уништи историската шанса за пласман на Светско првенство. Реваншот се одигра после неколку дена на „Сент Јакобс“ во Базел и заврши 0-0 па Швајцарија обезбеди ново учество на Светски шампионат каде ќе биде во група со Бразил, Костарика и Србија.
Иако во неговата Романија го избраа за најдобар судија од фудбалската федерација на оваа земја, Хатеган нема да биде дел од 36 судии кои ФИФА ќе ги назначи да арбитрираат на Мундијалот.
