Дарио Ивановски е победник на полумаратонот на 21 км во машка конкуренција со време од (1:09:10), а Милјана Ристиќ во женска (1:29:15). Ама го видовте ли вие царов како се облекол? Тој е победник во стајлинг.

Една од фракциите на навивачите на Партизан за време на мечот на нивниот клуб против Напредак на својата трибина викнале оркестар којшто од 4’ минута го засвиреле посмртниот марш. Дали како шега поради името на групата Гробари, дали од некоја друга причина не е познато.

Светската фудбалска јавност се обедини во пораките за поддршка на еден од најголемите на сите времиња - сер Алекс Фергусон кој вчера имал мозочен удар и веднаш бил префрлен во болница и опериран.

Европската фудбалска јавност и медиумите врескаа по УЕФА и судиите за многу контроверзни одлуки во ЛШ неделава, сезонава, а и претходно. И во Австралија си имаат слични маки. Таму па користат ВАР, ама џабе. Оваа ситуација е од финале во Куп натпревар. Судиите не досудиле офсајд, а не ја промениле одлуката ниту откако ја прегледaле ситуација на видео технологијата.

Пиротехниката на стадион му дава посебна драж на секој меч, ама ова во Алжир е нешто повеќе од лудо и спектакуларно. Се работи за 55.000 навивачи кои не слават никаква титула, туку пласман во втора лига. 

Не е само Ибра атракција во Америка, знае да направи по некоја парада и Дидие Дрогба. Не второлигашкиот меч Феникс - Лос Анџелес Галакси 2 пред да изведе корнер се изгреба вода од едно дете, а потоа направи асистенција за 3:3. По 7 минути даде гол од пенал за целосен пресврт и победа на Феникс. Што има во водата? Праша коментаторот. На крај му ја дотроши.

Некои фудбалски случки се до толку јаки и неверојатни што да ти ги раскажува некој со доказ, пак нема да може да му се верува. Ова го има само во Јужна Америка. Да живее фудбалот и навивачите без кои не се може.

Тераат инает со ВАР, а сезонава судиите пепел направија од судењето и не ги признаваат за пенали ракометните зафати на играчите на Реал, Рома и Марсеј три дена по ред во полуфинале. Сега па и на својот сајт се посрамотија пред цел свет. 

Нешто и од играчките денови на Диего Симеоне, ама и од син му. Што би се рекло народски, родени се за беља. Прашајте го Наполи зошто, ама и Јувентус и Интер.

Во Египет имало неколку клонови на Мо но никој не личи на него како двојникот со кој се сретнал неодамна. И сега кога навивачите на Ливерпул ќе пејат: „Еден е Салах, алеа еден е Салах“, не знаеме баш дали е така.

Поминаа десет години откако Бразилецот Кафу ја заврши кариерата а неговиот насмеан лик додека џвака мастика во некој од легендарните дресови го паметиме к’о вчера да беше.

По 8 години во низа, во Швајцарија конечно тим кој не се вика Базел ја освои титулата. Се случи минатиот викенд, ама уште се зборува за тоа епско лудило кое беше споделено во дури 103 земји во светот.

На мечот од Копа Либертадорес меѓу Алијанца Лима од Перу и Палмеираш, домашниот тим ја немаше потребната поддршка на стадионот „Алехандро Виљануева“ во Лима. Од разни причини навивачите не дошле на дуелот па управата решила да импровизира. На крај изгубија 1-3 од Бразилците.

Ви се допаѓало тоа или не тоа што игра дефанзивен фудбал, овој човек е мајстор да победи, а да не прими гол. Тоа му е стил откако е укотвен во клубот од 2011-та. Што му донесе таа игра: слава и 5 трофеи. Болни ќе легнат навивачите кога ќе треба да си оди.

Високиот и борбен централен бек баш нема среќа со стопалата и Ахиловата тетива која што неколку пати во кариерата го принудуваше долго да паузира. Сега ќе го пропушти најважниот фудбалски настан во неговата кариера.

Пазете ја ситуацијава. Навивач на Арсенал си поминува најнормално и наеднаш јаде пендрак во глава, како да е најнормално. ВО ГЛАВА. Одвратна сцена пред стадионот на Атлетико Мадрид.

Инспираторот на Атлетико Мадрид се вика Чоло Симеоне, човекот кој им донесе 5 различни трофеи: Ла Лига, Копа дел Реј, Супер Куп на Шпанија, Лига Европа и Супер Куп на Европа, само ЛШ му фали. Синоќа седеше на трибини поради црвен, а на крајот знаедно со навивачите го славеше пласманот во финалето на ЛЕ. Ова се тие сцени за почит. Му пееја: Tú con nosotros, Nosotros contigo. Hasta la muerte.

Сезонава судиите во двете најголеми европски натпреварувања направија еден куп кардинални грешки. Вечерва Салцбург надомести големи 2-0 против Олимпик Марсеј, макотрпно се избори за продолженија а таму судиите на Французите им дадоа непостоечки корнер после кој Марсеј постигна злато вреден гол за финале.

Фудбалерите на Атлетико Мадрид и Олимпик Марсеј ќе се борат за вредниот трофеј од Лига Европа откако вечерва обезбедија пласман во големото финале во Лион. „Јорганџиите“ по трет пат во осум години ќе играат во финале на ЛЕ.

Српскиот тренер кој ја направи Словенија европски шампион, стана првиот главен тренер на една НБА којшто е роден и израснат надвор од САД.

По елиминацијата на Рома од ЛШ, италијанските медиуми удрија силно по контроверзното судење и УЕФА која се инаети за ВАР. Кориере дело спорт отиде со насловна „The Scempiooons“, а scemo во превод значи глупав. 

Меѓу подобрите фудбалери на Ливерпул во полуфиналето против Рома синоќа беше младиот непознат Ендрју Робертсон од Шкотска кој имал необичен фудбалски пат.

На финалето од ЛШ во 1985-та се случи една од најголемите трагедии во историјата на спортот. Јувентус за првпат стана европски првак но резултатот остана во сенка на големата трагедија.