Фергусон опериран откако доживеал мозочен удар

Светската фудбалска јавност се обедини во пораките за поддршка на еден од најголемите на сите времиња - сер Алекс Фергусон кој вчера имал мозочен удар и веднаш бил префрлен во болница и опериран.

Англиските медиуми пренесоа дека Фергусон бил во исклучително тешка состојба откако имал крварење во мозокот предизвикано од мозочен удар, пренесе The Times.

Поранешниот тренер на Манчестер Јунајтед се пожалил дека лошо се чувстува уште во петокот вечер, а веќе во сабота наутро околу 8 часот со возило на Брза помош бил префрлен од неговиот дом во болницата во Маклесфилд. Оттаму со полициска придружба бил однесен на клиниката Салфорд Ројал каде го оперирале.

Од клубот Манчестер Јунајтед соопштија дека процедурата поминала добро и дека на Фергусон му е потребен период на интензивна нега за опоравување. Притоа клубот соопшти дека најтесното семејство на Алекс побарала приватноста да им биде заштитена и дека сите во клубот му ги праќаат искрените желби за поскоро оздравување.

Последното појавување во јавноста Фергусон го имаше пред само 6 дена кога величествено го пречека Арсен Венгер кој за последен пат гостуваше со Арсенал на „Олд Трафорд“.

Искрени желби за побрзо опоравување стигнуваат од целиот свет:

Големиот Сер Алекс Фергусон го тренираше Манчестер Јунајтед цели 27 години (1986 -2013) и му донесе неверојатни 38 трофеи меѓу кои 13 шампионски титули во Премиер лигата и 2 пехари во Лига на шампиони.  Фергусон е во брак со сопругата Кети од 1966 година. Со неа има три сина: Марк, Дарен и Џејсон.

5 мај 2018 - 22:34

Штета ако сте пропуштиле

Иселенички дијалози

Морално прашање

Уметник или манијак?

Каков сајт, лик и сè друго на денот