Прво правиш здраво живо со Ван Нистелрој, па со Ерик Тен Хаг кој на лице место ти го потпишува дресот, а ако имаш среќа ќе фрлиш и два грама муабет со некој од играчите. Позицијата е ептен ексклузивна, ко на клупа за резерви да си. Па уште и победа од 7:0 гледаш, во Лига Куп против Барнли, кој се одигра во вторникот.

Со натпреварот Манчестер Јунајтед - Фулам, петочки во 21:00 часот, стартува новата сезона во Премиер лигата. Во Уганда за Манчестер Јунајтед има посебни ритуали.

26 мај 1999, стадион Камп Ноу, гледачи 90.000, судија Пјерлуиџи Колина. 6 минута Марио Баслер 0:1, 91 минута Теди Шерингам 1:1, 93 минута Оле Гунар Солскјер 2:1. Ниту имало ниту ќе има друг ваков пресврт во Лига на шампиони. Шок за срцев удар.

11 месеци, 14.000 км и 20 земји содржи неверојатната авантура на дечкото кој се претставува како најголем навивач на Манчестер Јунајтед. Вредеше на крај. Му се исполни сонот.

Манчестер Јунајтед остана целосно без компасот кој милиметар не смееше да му мрдне на незаменливиот Сер Алекс Фергусон. Се надминаа себе си сезонава. Имаат повеќе примени голови од дадени.

Тешко се сумира трилер дербито меѓу Челси и Манчестер Јунајтед кое заврши 4:3 со пресврт во судиско. Меѓу сите случувања на мечот и оние 7 гола, од кои два паднаа во 100-та и 101-ва минута, како во сенка да остана извонредниот пас на Ентони до Гарначо, кој го направи првиот пресврт на мечот, оној во 67-ма минута за 2:3.

Тешко се раскажува синоќешниот пресврт од дербито на колото во Премиер лига, меѓу две екипи без карактер, кои котираат на 6-та и 10-та позиција, а едно време демонстрираа моќ и секогаш целеа на титулата.

Се работи за сезоната 2008/2009 и она единствено финале меѓу Меси и Роналдо, односно Барселона и Манчестер Јунајтед кое го доби Аргентинецот. Во полуфинале момците на Фергусон го елиминираа Арсенал на Венгер. Погледне како почнува клипов, со ненормално добар слободен удар на Роналдо, кој тука има 24 години.

На јако ретро налетавме по повод празникот кој се вика спортска среда тоест ЛШ. Се работи за страшниот состав на Милан од 2007-ма кога во полуфинале ќе го елиминираат Манчестер Јунајтед, а потоа и ќе ја освојат седмата европска титула. Дида го пронаоѓа Кака од кој паѓаат три жртви. Прв го загуби дуелот Флечер, потоа Хајнце, за на крај Евра да го разнесе Хајнце, а Кака смирено да ја смести во гол. Незаборавен слалом на Бразилецот.

Манчестер Јунајтед го доби Вулверхемптон на гости со 3:4 во драматичен финиш. Јунајтед имаше 0:2 и 1:3, но домаќините на два пати стигнаа до израмнување и тоа второто за 3:3 се случи во 95-та минута со голот на Педро Нето. Само 2 минути подоцна 18 годишниот Коби Мејно, кој пред само пет дена даде деби гол за првиот тим во ФА Купот, ја почувствува првата радост и во Премиер лигата.

Манчестер Јунајтед игра нова неуспешна сезона. Има 9 порази по 20 кола, на -9 од четврто место и на -15 од прво, со елиминација во ЛШ уште во групи. Мегваер и другарите од последната линија, нека го ѕирнат клипов кој во 1 минута е полн со слични или идентични голови кои ги примиле само сезонава. Дупка до дупка во одбрана.

Во Истанбул имаше од сè по нешто. Голчиште на Фернандеш, два гола од слободен удар на Зиеш после два кикса на Онана и две големи мешаници на двете страни по кои лесно можеше да биде и 4:4.

Два меча, две драми со вкупно 11 гола на првите две средби во ЛШ во терминот од 18:45. Севиља имаше 2:0 над ПСВ до 68 минута, но на крај загуби и остана без осминафинале со гол во 92-ра минута. Манчестер Јунатед водеше 0:2 и 1:3 во Истанбул и пак не успеа да победи. Онана повторно ги разочара навивачите на Јунајтед со две нови млитави реакции при слободен удар.

Овој Манчестер Јунајтед нема допирни точки со оној кој беше мерак за гледање. Едвај Копенхаген го добија и со тоа со гол на Мегваер. Браво за детево што истрча шринт по цел терен, ама на крај се изгуби.

По поразите од Кристал Палас и Галатасарај, Манчестер Јунајтед беше готов да потоне трет по ред на Олд Трафорд. Но внимавајте го добро финишов. Од 26 минута губеа 0:1 од Брентфорд. Скот Мектоминеј влезе во 87-ма и збрца два гола во судиското продолжение за победа и делириум на трибините. И тоа вториот на асистенција на Мегваер. 93-та и 97-ма. Неверојатно.

А како ли да реагира поинаку за клубот кој е бледа сенка на она што беше до пред една деценија? За прв пат по 45 години примаат по минимум три гола на три меча по ред.

Фудбалската класика меѓу Баерн Минхен и Манчестер Јунајтед во првото коло од ЛШ заврши со голеада која им припадна на Германците со 4:3. Арсенал беше најубедлив, а Италијанците се спасуваа на крај. Интер до реми, а Наполи до победа. Елиф Елмас доби шанса во 66-та минута.

Сане и Гнабри за 4 минути му ги пресекоа нозете на Манчестер Јунајтед кој има негатива на полувреме од 2:0. Момците на Ерик Тен Хаг можеа први да дојдат до гол уште на самиот почекот на дербито во Минхен, но Свен Улрајх спаси чист погодок.

Налетавме на занимлива топ листа со најголеми трошаџии во фудбалот во изминативе 10 години. Арсенал испазарил играчи во вредност од милијарда евра и пак не може да освои титула. За Тотенхем да не зборуваме.

20 годишниот Џуд Белингам и 33 годишниот Хоселу и приредија празник за очи на американската публика. Реал Мадрид славеше против Манчестер Јунајтед со 2:0, а новите имиња во таборот на кралскиот клуб се истакнаа со два фантастични погодоци. И навивачите на Јунајтед се чудеа за вториот.

Далечно почна да изгледа ерата на Ферги и веќе 10 години како се симнати од тронот, ама уште се први со 13, а нивниот градски ривал стигна до 7. Трет е Челси со 5 титули. Арсенал да би можел, би ја избришал сезонава од евиденција.

Манчестер Јунајтед се рехабилитираше од понижувањето против Ливерпул со триумф од 4:1 над Бетис во првата осминафинална пресметка од Лига Европа. Потегот на мечот на Олд Трафорд го имаше Бразилецот Антони кој постигна прекрасен погодок.

Ќе речеш Карабао Куп, помалку вреден од ФА купот како најстаро натпреварување и неспоредлив со титула во Премиер лига, но сепак погледнете ги овие среќни лица на Лисандро Мартинез, Ентони и Тен Хаг. Како деца се радуваа на трофејот. Скоро 6 години Манчестер Јунајтед немаше освоено ништо.