Кој вели дека во трета лига е тапа да одиш на стадион? Не зборуваме за Големо Коњари или Бабуна, туку за Сокол Саратов од Русија и нивните навивачи - цареви. Алал да им е. Не им треба ниту водка за загревање, имаат прекрасна мелодија.

Иако неверојатниот Џејмс Харден ги издоминира со 44 поени и му донесе на Хјустон водство од 1-0 во плејофот, мечот против Минесота ќе остане во сенка на една чудна ситуација.

Римското дерби е натпреварот за кој градот живее цела година, а синоќешните 0:0 се доказ дека и двете екипи се плашеа од пораз. Имаат идентичен број на бодови и се во пеколна битка за место во топ 4. Последните секунди истекуваа, а Сергеј Милинковиќ Савиќ се обиде како на кошарка. Срце им застана на Лацијалите.

Високиот центарфор е еден од ретките играчи на Островот кого го сакаат сите без разлика на навивачките определби.

Додека Порто и Бенфика се бркаат со 2 бода предност, во Турција четири екипи очи ќе си извадат за титула, а во Шпанија и Италија работите се скоро јасни, во Премиер лига и Лига 1 веќе се славеше.

Иако во сите делови од светот важи за чудотворец на голот, во својата родна земја Џанлуиџи Буфон има гревови кои му ги паметат претежно ривалските навивачи но и педантните новинари.

Аркадиуш Милик ги имаше трите гостински бодови во раце на гостувањето на Сан Сиро, ама кога на голот на Милан стои 19 годишниот Донарума сè е подруго. Како ли му ја фати од толку блиску, па ова може да е крај за надежите на Наполи за титула, бидејќи Јуве им избега на +6.

РК Вардар ја одбрани титулата во СЕХА лигата и ја продолжи доминацијата во регионалното натпреварување. Ова е трофеј број 4 во седум годишното постоење на регионалната ракометна лига. Да се надеваме дека ќе го чуеме ова песнишне повторно во Келн додека Столе го крева пехарот.

На меч од 27. коло во руската трета лига меѓу Машук-КМВ и Ангушт една мечка му ја додаде топката на судијата пред стартот.

Во директна борба за место кое води во квалификациите од Лига на шампиони следната сезона, а носени од одличните настапи во Европа оваа сезона, Лацио и Рома играа пред полн „Олимпико“. На почетокот на дербито двете навивачки трибини зад головите имаа одлични кореографии.

По двата гола на своето деби за Лос Анџелес Галакси, Златан Ибрахимовиќ го постигна и првиот гол како стартер на гостувањето против Чикаго Фајер.

Црвена звезда го победи Партизан со 2-1 со голови уште во првиот дел, а дербито вообичаено помина со низа инциденти. Навивачите на Партизан од разни причини се поделени на дури три фракции па една од нив беше сместена во тн. „кафез“ меѓу јужната и западната трибина каде во второто полувреме имаше нереди и краток прекин на мечот.

Навивачите на сиријскиот клуб Тишрин спремија два транспаренти посветени на првиот човек на САД кој реши да ја нападне Сирија. Едниот е: „Доста убивате луѓе во име на мирот“, а другиот ќе го разберете.

По стотици и стотици занимливи зезалици на нашиот сајт, конечно нешто ново и најлудо на свет. Во романската втора лига играчот кој стана стрелец истовремено влезе во улога и на навивач кој го прослави голот на играчот. Епа како? Епа така.

Ние ги имаме Артим Шаќири и Наташа Андонова, а Лудогорец го има Клаудио Кешеру кој на само 7 минути до крајот на гостувањето против Левски Софија упати страшна топка со левица директ во гол. Какво нафрлање, има да ја свиткам на втора.

ЖРК Вардар го одигра последниот меч во овој топ состав пред своја публика и од четвртфинале се сели на Ф4 во Будимпешта по петти пат во низа. Ракометарките кои функционираа како семејство имаа емотивно збогум со навивачите во Јане Сандански кои уживаа во нивните настапи. Убаво беше додека траеше.

На последниот меч во актуелниот состав од кој многу ракометарки ќе го напуштат клубот, Вардар убедливо го победи Мидтјиланд со 32-25 (17-12) и фатија залет за борбите за европски трон.

Во време кога Афро-американците не смееле да одат на јавни места, им било забранувано да посетуваат кина, театри, ресторани, еден млад човек решил преку талентот за тенис да се избори со расната нетрпеливост.

Додека на нашиот од Радишани, судијата Мајкл Оливер и егзекуторот Кристијано Роналдо му донесоа фина пара, двајца Италијанци не можеле на себе да дојдат во таа пеколна драма на Бернабеу. Неверојатни тикети.

Бекот на македонската репрезентација лани направи голем трансфер од Ријека во Спортинг, кој важи за еден од трите најславни португалски екипи со 47 трофеи. Тоа му ги отвори вратите да заигра и на европска сцена каде стигна до топ 8 и да ги чува славните напаѓачи од кои до “вчера“ трчал за автограм или фотка.

Во Рим еднаш се овистинала народната „на комшијата да му цркне кравата“, толку својствена за Балканот. И тоа поради бојкот од загрижени навивачи.

Фудбалерите на Рома ќе имаат шанса да му се одмаздат на Ливерпул за поразот во финалето на „Олимпико“ во 1984, а Реал и Баерн ќе се судрат во епскиот класик.

Deerupt моделот има неверојатно лесна конструкција со еластично горниште, со внатрешност кој обезбедува целосна стабилност на стапалото и ја дава неопходната поддршка.

Ждрепката во Нион сакаше во полуфиналето од Лига Европа да гледаме финале пред финалето.