Супер Куп на УЕФА

Спектакл во Талин, Атлетико убедливо му врати на Реал

Фудбалерите на Атлетико Мадрид убедливо со 4:2 го совладаа градскиот ривал после продолженијата и по трет пат го освоија Супер Купот на Европа.

Мечот во Талин донесе одлични акции, супер голови и многу прекршоци.

Само што започна дуелот, во 49’ секунда Диего Коста им избега на Серхио Рамос и Рафаел Варан и со силен шут од агол „ја искина“ мрежата од голот на Кејлор Навас:

Тоа беше воедно и најбрзиот гол во историјата на Супер Куп натпреварите на УЕФА.

На актуелниот европски шампион кој прими гол на препад тоа многу не му засмета, па веќе во следните неколку напади створи сериозни шанси кои најавија тотална офанзива. Таквиот пристап им донесе израмнување во 27’ минута кога Герет Бејл центрираше од десна страна а таму Бензема со глава го фати во расчекор Јан Облак и израмни на 1-1:

До крајот од првиот дел Реал беше далеку подобар ривал, но избраниците на Хулен Лопетеги не реалзираа ниту една од неколкуте прилики.

Вториот дел започна со чести фаули и прекини на играта, а во 63’ минута „кралевите“ успеаа да направар пресврт. Хуанфран играше со рака во својот казнет простор и судијата досуди пенал.

Сигурен реализатор беше Серхио Рамос за 2-1 а капитенот на Реал не пропушти да ги закачне навивачите на Атлетико:

Следуваше мирен период, се играше на средината од теренот и кога се очекуваше Реал мирно да го приведе мечот до крај, Хуанфран искористи една мешаница, го пронајде Кореа кој од гол-аут линијата врати на петерец каде Диего Коста ја закова топката во гол за 2-2:

Основните 90 минути завршија 2-2 па се отиде во продолженија каде бандата на Диего Симеоне покажа голема надмоќ и физичка доминација. Атлетико Мадрид издоминира во дополнителните 30 минути и со прекрасните голови на Саул Нигез и Коке го декласираа Реал Мадрид за првиот пехар во европскиот фудбал сезонава:

15 август 2018 - 23:58

Штета ако сте пропуштиле

Последна шанса

Можело и поинаку

Знаеш дека си пораснал со Панини кога...

Конечен пораз на македонското основно образование