Прво, самите социјални мрежи се така склопени што овозможуваат вирално ширење лажни вести. Второ, луѓето што работат на ширење лажни вести одлично си ја знаат работата (несебично помогнати од самите социјални мрежи).

ФОМО (страв од пропуштање / fear of missing out) е кратенката што без да трепнеме им ја налепивме на тинејџерите и приближно младите, затоа што се неспособни да остават тоа смартфонот и да престанат да проверуваат што прават другите по Инстаграм и Фејсбук. Сега ФОМО тропна на врата и кај овие разумниве и способни генерации.

Додека Твитер шупците ги идентификуваш чисто по интуиција, решавањето на Твитер ботовите стана посистематско иако за сега не и 100% прецизно.

После повеќедецинско следење на темпото со кое брзиот фиксен интернет стигнува до граѓаните, федералната комисија за телекомуникации заклучи дека тоа можеби е непотребна цел. Доста им е мобилен. 

Правилото за безбеден пасворд е многу едноставно, во комбинацијата треба да имаш мали и големи букви, знаци и бројки, и да го менуваш на 90 дена. Просто, подеднакво просто како и тоа дека никогаш нема да го запаметиш пасвордот. Човекот што го напна цел свет да составува вакви пасворди, сега се предомисли.

Само во јуни видеата со рецепти и храна на Базфид под брендот Тејсти се прегледани 1,1 милијарда пати, а во одредени месеци публиката знае да префрли и над 3 милијарди прегледувања.

Гугл собира 77% од парите за реклами во резултатите од пребарување. Гугл и Фејсбук контролираат 56% од пазарот на реклами на мобилни уреди. На Амазон отпаѓа 70% од целата продажба на е-книги и 30% од е-трговијата во САД. Низ Фејсбук минуваат 75% од сите инстант пораки, кога ќе се собере сообраќајот на ФБ месинџерот, Вотсап и Инстаграм пораките.

Американска новинарска се направи предмет на масовен подсмев откако разгласи дека го тужи Трамп затоа што на неговиот личен (повторуваме: личен) Твитер, против неа го употребил едно од најкорисните копчиња таму - да блокираш некого и да го скинеш од својот радар (па нека си смрди во свој двор). Причината ѝ е глупа, објаснувањето неподносливо. Конечно и ние потполно да го разбереме златокосиот.

Во една од најдобрите показни вежби дека на некого би му ја препишале и душата ако тоа го напише со доволно ситни букви во услови за користење, компанија за бесплатно јавно ви-фи има црно на бело од 20.000 луѓе дека се согласни да чистат ВЦ шолји за тоа што бесплатно се закачиле на интернет.

Откако се закачи со премногу неопријатели одеднаш и на терен почна да губи сериозни парчиња територија, ИСИС е принуден на алтернативни верзии на својот лудачки калифат.  На пример, да го прави виртуелен.

Техничките информации се: Маргрете Вестагер, поранешна данска министерка за економија и внатрешни работи, а актуелна ЕУ комесарка за конкуренција.

Од октомври годинава Фејсбук, Твитер, Гугл и други социјални медиуми можат да бидат казнети од Германија со глоба и до 50 милиони евра доколку на нив некој објави нешто навредливо, расистичко или слично.

Европската комисија одлучи дека Гугл треба да плати 2,42 милијарди евра за тоа што ја злоупотребил својата моќ за промовирање на сопствениот сервис за шопинг во првите резултати од пребарувањето.

Во англискиот клик-бејт универзум праксата се повеќе е бегање од еден збор (на пр. "шокантно") и користење на описни фрази (на пр. "ќе се шокирате кога ќе чуете").

Успешноста на методот со кој се нападнати околу 200 корисници на Гмаил, меѓу кои и новинари, активисти, луѓе поврзани со украинската армија и сл, во најголем дел зависи од корисникот што е нападнат, без чиј клик ниту еден напад не може да биде успешен. Секако и самите напади се совршено осмислени.

Приказната е од пред 5 години, а срцепарателното сценарио вклучува генерички портабл хард-диск од 250 гига и 1400 биткоини.

Британците имаат две недели до новите општи избори, а уште не можат да се сфатат и да се помират што им се случи последен пат кога излегоа да гласаат, пред само една година.

Ако пред 7 години, на 22 мај, заради какви било причини си купил биткоин во вредност од 100 долари, денес истите тие биткоини ќе ти вредеа - 73 милиони долари.

Базирајќи се на алатки создадени од американските тајни служби кои годинава протекоа во јавноста, Вонакрај во рок од неколку часа ги блокираше компјутерите на британското јавно здравство на над 30 локации, а потоа и на шпанска Телефоника, на руски мобилен оператор, и на француски Рено. Анализата на нападот покажува дека тој е несофистициран и аматерски изведен, плус, и дека не е нешто посебно доходовен.

Џабе ти се сите апликации и екстензии, ако ти го сркаат целиот РАМ.

Некаде пред почетокот на летните одмори, сајтот ќе го префрлиме на https протокол. Затоа што е така подобро за сите и затоа што натаму оди светот. Читателите не треба ништо да менуваат, маркетинг агенциите - да. Затоа даваме фора.

Во потег толкуван како "хакерски еквивалент на бомба, ако не и на повеќе бомби", хакерската група Шадоу брокерс во петокот го објави пакетот програми што американското разузнавање го користи за хакирање компјутери и со кои лесно може да се влезе во милиони Виндоус машини.

Делено по континенти во 2016 во Европа се хостирале 60% од онлајн фотографиите и видеата со педофилија, што е 19% повеќе отколку претходната година. А во рамките на Европа на прво место е Холандија.

Праксата на новинарката на Атлантик, Адриен Лафранс, кога ќе налета на злонамерен твит или коментар е да напише одговор, да направи принтскрин, сликата да ја зачува во посебен фолдер а одговорот да го избрише без воопшто да го испрати. Па, што се однесува до тролот или Твитер јајцето, таа воопшто ја нема ни прочитано пораката.