Ахмед Мерабе, еден од двајцата полицајци кои беа убиени додека на 7-ми јануари патролираа на улицата пред Шарли Ебдо, беше закопан во вторникот. Ова, ако им веруваш на сите докази, вклучувајќи ги изјавите од семејството, e извештајот за смртта и видеото од убиство. Сепак, според теоретичарите на заговор, ништо од ова не е точно, ниту убедливо.

Пролет 2012-та, Путин влегува во Кремљ за да го започне својот трет мандат како претседател на Русија, "неверојатно патување од невработен шпион до современ цар."

Минатиот месец генералот на американската армија и НАТО силите Џон Кембел, го завитка зелено белото знаме на ИСАФ со што симболично се стави крај на 13-годишната војна / мисија на САД во Авганистан.

За разлика од тоа што секој пат нам ни се паѓа за амбасадор, на Финците им се падна Брус Орек. Ако сме искрени и тие што доаѓаат тука веројатно многу порадо би оделе во Финска, па макар и на неплатено.

47-годишниот Стефан Шарбоне, главен уредник на Шарли Ебдо и карикатурист професионално познат како Шарб, беше еден од 12-те убиени во вчерашниот напад на неговиот весник во Париз. Тој беше и клучен во серијата кампањи на магазинот кои ја поделија француската јавност околу тоа дали станува збор за слободен говор или за непотребна провокација.

Лидерот на украинската Радикална партија сурфајќи на ВК (ВКонтакте - рускиот Фејсбук) ја открива својата идна колешка и кандидатка за парламентарните избори, 24-годишната Алена Кошелева. Девојката добива на избори и сега е член на парламентот.

Рим очекуваше околу 600.000 луѓе да ја дочекаат Нова година на улиците низ градот. Рим не очекуваше 83,5% од полицајците што требало да работат, вечерта да земат боледување.

Кон крајот на 2000-та американските разузнавачки служби објавија документ од 85 страни со предвидување за тоа како ќе изгледа светот во 2015-та. 50-50 се.

Затоа што Русија е малку тенка со храна по контра-санкциите против Западот, таа сега бара нови пазари од каде што може да увезе. Затоа што Аргентина има вишок храна, се договараат со нив. Затоа што Британија е еден од главните поддржувачи на санкциите, Русите се решаваат аргентинската храна да ја платат со Сухои, чисто заради Фокландите.

Проблем, заради сите зулуми што си ги правел сега аеродромската контрола е толку стегната што никако не можеш да пренесеш скриена бомба. Решение, правиш бомба која може да се скрие на аналниот отвор. Проблем, како сега на сите овие закоравени терористи што ги одгледуваш да им кажеш дека треба да бутнат нешто во ректумот.

На руски социјални мрежи излегува фотографија од една група прописно вооружени телохранители во цивилка и маскирно, пред кафуле во центарот на Москва. Според авторот на фотографијата во кафулето нема ниту еден функционер или олигарх.

По основа дека орангутаните заслужуваат дел од човековите права, аргентинскиот суд нареди дека еден орангутан мора да биде ослободен од зоолошката градина во Буенос Аирес.

Форд Ф-250 пикап опремен со нестандарден противавионски топ завршува на твит на една од милитантните групи што се бори во Сирија. Утредента водоводџија од Тексас се буди со телефонски повици во кои луѓе му се закануваат дека ќе го убијат. Двете работи се поврзани.

Во неизмерен гест на добрина жена застанува на автопат во лева лента за да им помогне на неколку патки безбедно да минат на другата страна. Се случуваат три работи: 1. ги спасува патките, 2. во нејзе се удира еден моторџија и неговата малолетна ќерка кои загинуваат од ударот, 3. затоа што било греота за жената, таа добива помилување од судот.

Експериментирањето над луѓе е една од клучните карактеристики на програмата на ЦИА за измачување, и ако по оваа основа се изврти целата работа ќе може од ЦИА да се бара одговорност заради прекршување на научна и медицинска етика.

Двајца пријатели на Путин, еден од детството, обајцата санкционирани од Запад заради врски со рускиот претседетел, обезбедија договори со државата вредни преку 8 милијарди долари.

По речиси 15 години измачување и еден извештај од американскиот Сенат, Западот почнува да се помирува дека веројатноста да добиеш признание е (четири пати) поголема кога испитувачот има изградено почит и однос кон затвореникот. Ќотек и понатаму не врши никаква работа.

Комитетот за разузнавање објавува извештај од 500 страни за контроверзната програма на ЦИА за притвор и испрашување на затвореници. Истрагата за извештајот трае 5 години и чини околу 40 милиони долари, заклучокот е дека програмата е неуспех, а информациите кои со неа се добиени од затворениците не се ниту уникатни, ниту пак посебно вредни.

Една од партиите-сестри на партијата на Меркел, Христијанско-социјалната унија на Баварија (Christlich-Soziale Union in Bayern), предизвика контроверзи заради барањето имигрантските семејства да се обврзани да зборуваат германски и дома.

Во јули полицијата се обиде да го приведе Ерик Гарнер. Обидувајќи се, еден од полицајците го задави Гарнер кој почина на лице место. Од целиот настан има видео. И покрај ова полицаецот што го уби 44-годишниот црнец нема да биде суден по оваа основа. Само во 2014-та до Њујоршката полиција има 87 жалби за давење.

Документи од 2012-та покажуваат дека НСА има собрано технички информации за функционирањето на 70% од мобилните мрежи во светот (701 од 985 мрежи) и има листа од 1.201 е-маил "селектор" кој се користи за пресретнување на детали за компанијата од кореспонденцијата на нејзините вработени. (Селектор е термин на НСА за уникатно идентификување на меил или телефонски број.)

Како за континент кој старее побрзо од кој било друг регион во светот, на Европа би и било далеку подобро ако почне да се помирува со имигрантите, за свое добро.

Во изминатите три децении, црн тинејџер имал 21 пати повеќе шанси да загина од полицаец отколку негов бледолики врсник. А последниве години ситуацијата е драстично влошена. 14 од 15.

Благодарејќи на Ирак и Сирија Американците моментално се борат против терористи кои се опремени со американско оружје, кое всушност требаше да биде искористено убивање на истите овие терористи.