На долг рок ЕУ прво ќе треба да собере сериозен број квалификувани работници кои доаѓаат надвор од нејзините граници, и второ да ги смири сите противници на имиграцијата. Во меѓувреме додека да се случи ова препораката од ОЕЦД е пооптимално да се искористат имигрантите кои веќе се во Унијата.
Опасноста е дека ако се продолжи вака со населението (наталитет / морталитет), најголемата индустриска моќ на Европа, Германија, заедно со Шпанија и Полска, ќе имаат намалување на населението, што ќе го забави комплетниот потенцијал за економски раст.
Ако нешто не се промени околу миграцијата, сегашните 82 милиони жители на Германија до 2050-та се очекува да паднат на 74,7 милиони, а просечната старост на населението да изнесува 50 години. По доредени статистки до 2060-та, ова може да падне на 65 милиони.
Наспроти нив, Британија се очекува да има здраво проширување, и до 2050-та да ја надмине Германија како најбројна нација во Европа со 77,2 милиони жители. Во исто време Франција би се израмнила со Германија на 74,3 милиони.
Дополнителен проблем со стареењето е што постарата популација се фокусира на "потребите, наместо на желбите."
"Демографијата е одговорна за побарувачката. Постарите луѓе имаат помалку потреба за куќи, автомобили и потрошувачка стока и мора да се снаоѓаат со помали приходи со кои располагаат откако ќе се пензионираат, со што ги забавуваат тркалата не економијата," објаснува ко-авторот на книгата "Boom, Gloom and The New Normal", Пол Хоџс.
