- Илон Маск стана првиот „полубилионер“ во историјата. На листата на Форбс што се ажурира во реално време неговото богатство стаса до 500,1 милијарди долари, пред да се намали на 499,1 милијарди до затворањето на берзите.
- Богатството на Маск се зголемува благодарение на скокот на акциите на Тесла, кои во текот на оваа година пораснаа за 20%. Трамп поседува 12% од Тесла. Се зголемува и вредноста на неговите компании за вештачка интелигенција xAI и за вселенски истражувања СпејсИкс.
- Маск може да стане првиот билионер во светот ако го исполни пакетот од 12 услови за што го договори со акционерите. Ќе добие награда од 1.000 милијарди долари ако ја крене вредноста на Тесла на 8.500 милијарди долари, ако продаде 1 милион роботи со вештачка интелигенција и ако продаде 12 милиони автомобили Тесла.
- Српската полиција синоќа приведе десетици лица и спречи напад врз „Пиоинирскиот камп“ на поддржувачи на Александар Вучиќ пред Народното собрание во Белград. Меѓу 37-те приведени лица е и поранешниот кошаркарски репрезентативец Владимир Штимац поради „поттикнување на насилство“.
- Десетици илјади граѓани вчера пристигнаа на платото пред Собранието за да ѝ изразат поддршка на Дијана Хрка, мајката на момче што загина при уривањето на настрешницата на железничката станица во Нови Сад пред една година. Таа почна штрајк со глад, поради тоа што властите избегнуваат одговорност за смртта на нејзиниот син и на уште 15 луѓе при трагедијата.
- Група демонстранти ги нападнале симпатизерите на Вучиќ што кампуваат пред Собранието. Фрлале камења, шишиња и пиротехника и запалиле еден шатор.
- Поранешниот претседател Борис Тадиќ ги повика граѓаните на Србија да ѝ изразат поддршка на мајката што штрајкува со глад и секоја вечер да протестираат во Белград. Оние што не можат да дојдат, ги повика да организираат протести во своите места: „Сите на улица!“. Претседателката на собранието Ана Брнабиќ го обвини Тадиќ дека повикува на насилства и граѓанска војна.
