Бидете фер, не е само фрижидер

Главно чешање јазик деновиве е фасцинантната вест дека македонскиот полициски синдикат „предал на користење„ и „пуштил во употреба“ (за повеќе џандарски изрази види ја статијата „Македонски полицајци со потенцијал за Пулицер“), настан од кој би можело да се направи нов видео спот за песната „Мој је живот Швицарска“. Но, не е само тоа. А ѓезвињата за единицата за службени кучиња, а микробрановата во Старавина? Ама затоа од протести, полицајќи ќе им се враќаат со дупнати глави.

„Наместо да се грижи за опремата на полицијата и безбедноста на припадниците на МВР, наместо да бара покачување на платите, да ги заштити полицајците од прераспределба на места во други СВР, наместо да го трошат буџетот за одвоен живот а нема никаква зголемена ефикасност; тие делат ѓезвиња за 4 кафиња во Единицата за службени кучиња, фрижидери во Кавадарци, микробранови печки во Старавина итн.

На протести за Монструм пративте полицајци со обични капчиња, па сироти со дупнати глави се вратија од работа

Гасмаски нема набавено од 1986

Панцирите се произведени во 1991, иако плочите во нив и шлемовоте имаат рок на траење од 5 години

Затоа ќе ве резилат, затоа ќе ви се смеат... Затоа што синдикатот треба да се бори за правата на работниците, за спроведување на обврските и реформите на институциите, а не за бламирање, молчење и партизација“, пишува Игор Здравковски на ФБ.