Вести › Набрзинка

Израел запре нова флотила за Газа, ја приведе Грета Тунберг

2 октомври 2025

Израелски сили запреа нова флотила за поддршка на Газа, се качија на бродовите и уапсија неколкумина активисти, вклучувајќи ја и Грета Тунберг. Префрлени се во пристаниште во Израел.
Вкупно 13 брода од Глобалната флотила Сумуд (ГСФ) биле пресретнати од 20 воени бродови во меѓународни води, стотина милји пред брегот. Израелските сили ги предупредиле дека се приближуваат во „активна борбена зона“. Набрзо потоа се качиле на бродовите.
Активистите тврдат дека нелегално биле запрени во меѓународни води. Израелските бродови удриле во нив и прскале млазови од водени топови. Биле блокирани уредите за комуникација. ГСФ објави дека уште 30 бродови од флотилата пловат кон Газа и веќе се 46 наутички милји од брегот.
Турција го осуди пресретнувањето како „терористички акт“. Колумбискиот претседател Густаво Петро го оцени како „меѓународен криминал“ и нареди да бидат протерани сите преостанати израелски дипломати од Богота.
Израел тврди дека главната цел на „селфи јахтите“ не е да испорачаат помош, туку да привлечат внимание. Ги запираат за да не му дозволат на Хамас да ги грабне храната и лековите.

Greta Thunberg’s Flotilla landed on the eve of Yom Kippur.

Nothing says “Human Rights” like partying on a Hamas funded boat for a month and then forcing fasting Israelis to break their indigenous holy day to deal with you. pic.twitter.com/1JQswx4AGD
— Jayne Zirkle (@JayneZirkle) October 2, 2025

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор