Моментално за Европа политички е полесно да продолжи да им позајмува пари на државите загубари со многу ниски камати, бидејќи така не мора да признае никаков пораз. "Во војнички жаргон ова би било еквивалент на: aко доволно често го обновуваш прекинот на огнот, на крај ќе завршиш со мир," пишува колумнистот на Фајненшл Тајмс, Волфган Минхау.

Американците се свесни за сопствената аура на непобедливост и дека нивите главни конкуренти за глобална доминација не можат ниту да им се приближат, а не па да претставуваат некаква сериозна закана за позицијата. Човеков ги потсетува дека во слична позиција и со слична аура била и француската армија пред почетокот на Втората светска војна.

По барање на Унијата, Италија мораше да се пресмета колку проституцијата и наркотиците влијаат врз економската стабилност на земјата. Сега незгодно им е да се пофалат со резултатите.

Во блицкригот низ Рим , ултрасите на Феенорд уринираа на Шпанските скали, сериозно ја оштетија фонтаната Баркача (неодамна реновирана со донација од 200.000 евра од Булгари), кршеа излози од продавници, уништија 15 градски автобуси и поголем број автомобили и веспи.

Во понудата влегуваат селото, сосе коњи, крави и слични говеда, и автобуска станица. 18-те жители никој не ги поседува, ама остануваат да живеат во селото. Почетната цена е 700 евра на ден.

Американска новинарка со либанско потекло разговара со членови на ИД, околу нивната матична организација за ширење правда низ светот.

Летоска ИД во запрепастувачки напад во рок од 4 дена го освоија Мосул. Осум месеци подоцна ирачката армија и Американците, најавуваат дека ќе го вратат градот. За сега се знае дека контра-офанзивата ќе се случи април или мај и во неа ќе учествуваат околу 25.000 војници.

Денес (сабота) му е 91-от роденден на врховниот лидер, главниот командант во вооружените сили и претседателот на Зимбабве, Роберт Мугабе. Забавата ќе се одржи следниот викенд. Буџетот за настанот е околу 1 милион долари, а најголемиот дел е собран од народот (не по воља на народот).

Како премиер има потрошено 24.000 долари за една година на храна за носење. Овие 66 долари на ден ги потрошил и покрај тоа што во резиденцијата има личен готвач. Бројките се од извештајот на државниот ревизор. Цела држава е на нозе заради ова.

Додека траат натегањата меѓу Грција и ЕУ околу враќање на парите, кои моментално се некаде во сферата "јас имав мака што ти побарав пари, ти што мака имаше да ми ги дадеш," се разгледува и за сега најстрашната опција - напуштање на еврото.

Со страв и цврста рака Исламската држава лесно го воспостави посакуваниот дрес-код кај жените во териториите кои ги контролира. Но, бидејќи дисциплината е нешто што постојано треба да се вежба, сега се бара носење на двојно поставени бурки.

Гледам како сунитското малцинство во Ирак и сунитското мнозинство во Сирија се под опсада од Шиитите. ИСИС е единствената успешна сунитска група која им се спротивставува на Шиитите. Голем дел од арапските Сунити барем пасивно го поддржуваат ИСИС, не затоа што ја поддржуваат нивната екстремна идеологија, туку затоа што сакаат Сунитите да излезат како победници.

Моментално има валута што е во слободен пад, економија која рапидно се намалува и држава која е под меѓународни санкции, ама од негова перспектива, цело ова време Путин победува.

Народните партии и од левицата и од десницата на европските избори од минатиот мај освоија околу една четвртина од местата. Според Економист ова само го зголеми стравот од формирање про-руски блок во Стразбур.

"Растете зеленчук во оранжерии!" е еден од најновата реколта политички слогани кои ги произведе идеолошката елита на Северна Кореја. А ги има преку триста, за секоја тема од животот која на човека може да му падне на памет. Малку е проблем што во цела држава човек никаде не може да најде материјал за оранжерија.

Во описот на задолженија (или мераци) на ЦИА е да има и психолошки профили и дијагнози за светските лидери. И ова не им е ништо скорешно, водат есап уште од времето на Хитлер.

27 телохранители се суспендирани за тоа што 90-годишниот Роберт Мугабе се сопна и падна пред цел свет, што потоа заврши како масовен сеир на интернет.

За да може во буџетот да има дополнителни 7% пари за трошење на домашни проекти (социјално, училишта и сл.), Обама се обиде да ги одоброволи републиканците дозволувајќи им раст од 7% на буџетот за армијата. На републиканците не им се допаѓа првиот дел, со вториот се ОК.

Претходните брутални егзекуции успеваа да ја постигнат намерата да го шокираат и уплашат нивниот непријате. Ama со последното палење на јорданскиот пилот, ИСИС изгледа малку се прееба.

Во гневот околу убиството на јорданскиот пилот, Кралот Абдула Втори најавил дека ќе учествува во бомбардирањето на позициите на ИСИС во Ирак.

По четири месеци курдските борци (со помош на воздушни напади од САД) успеваат да го ослободат Кобане од опсадата на ИСИС. Од местото на настанот твита Квентин Самервил, репортерот на БиБиСи.

За следната година САД да функционираат како што доликува Обама побара буџет од 4.000 милијарди долари.

Непризнатата Донецка Народна Република ги повика своите сојузници од непризнатиот Тексас (САД) на самит на непризнати држави од светот.

Главниот уредник на Форин Афеарс на 20-ти јануари седнува на разговор со сирискиот претседател во Дамаск, за да зборуваат за конфликтот во земјата кој наскоро ќе влезе во својата 5-та година.