Македонците денес живеат во минимум две крајно различни истории. Што од тоа ќе остане во сеќавањата, како колективната меморија ќе го фотошопира истото и како ли за две три децении тоа ќе им изгледа на оние кои се сега мали.

Слично како со фасцинантниот случај со штипјанецот Џими и партијата ТМОРО, и за една финска радикална паертија во изборна трка влегува човекот кој сите го знаат како „црниот Хитлер“. Меѓу другите Финци - како што некогаш викаа нашиве коментатори во бокс мечеви - ќе го препознаете по сините гаќички.

Викликс објави масивна доверлива документација која претставува досега најголемото истекување информации поврзано со Американската Централна Агенција ЦИА. Што да ви кажеме, растурачина.

На меѓународниот аеродром во Лос Анџелес под сомнение за шпионажа била задржана 37-годишната Викторија Бонја, Русинка инаку позната по својата кариера како Плејбој модел, ТВ водителка и по својот Инстаграм.

Настрана неподносливоста на домашната ситуација во која македонските телевизии имаат шпилови свои „експерти“ и истите ги ротираат од вечер во вечер, проблемот на јавниот однос кон оваа фела е нешто подлабок и зборува за некои посуштински промени кај луѓето. Оние кои имаат најчесто бучно и непоколебливо мислење за некоја тема пошто за тоа „пишуваше и на Фејсбук“.

Официјалниот извештај од 2014 за тортурата врз воените затвореници за време на мандатот на Буш од над 500 страни е претворен во стрип. Во крајно вознемирувачки стрип.

Тазе студија на оваа тема сугерира дека поголем ефект имат мирните отколку насилните протести. Вториве ќе добијат поголем медиумски публицитет (бидејќи така функционираат медиумите), но истовремено ќе ја поткопаат својата главна цел: да придобијат што повеќе приврзеници.

На денот на падот на Берлинскиот ѕид во светот имаше вкупно 12 ѕидови кои одвојуваат две држави. Денес, речиси три децении покасно, ги има седумдесет.

Нација која го изгубила чувството за ризици и промени и е улулкана во самозадоволност ќе ја изгуби трката со времето и светот.  Со други зборови, кој не рискира - мастурбира.

Калифорнискиот врховен суд донесе одлука дека државните службеници не можаат да сметаат на недопирливост на своите приватни телефонски и меил комуникации ако станува збор за државни работи. Фино тоа звучи, само што има една незгодна квака. 

Доаѓањето на нов претседател на САД, значи и промена за чие објаснување ќе треба да се решат три мистерии, затоа што постојат три верзии на Трамп, пишува професорот од Универзитетот Колумбија, Џефри Сакс.

Во едно нормално општество, ако некого го обвинат за криминал или убиство, тој или ќе го негира тоа или ќе го признае делото. Во Русија има и трет начин: да бидеш горд на тој чин ама да негираш дека си го сторил. А таа логика на ангро ја имате и овде, кога се сеири и се правдаат срањата на своите; па после ќе се сврти тркалото; па ќе се дојде до она залудно прашање од секоја војна: Кој прв почна, а, а?

Периодов европските разузнавачки агенции од Франција, Германија и Холандија, па до Чешка, кај стигнат алармираат за опасноста од Русија, која сега е олицетворена во пропаганда и дезинформации. Во исто време наспроти овие светски сили е Финска, која некако успеа да изгради имунитет на руската пропаганда, и покрај тоа што е на „првата линија на фронтот“.

Трамп го најави својот прв предлог буџет за 2018, во кој парите предвидени за Пентагон се зголемија за 54 милијарди долари. Ова одма наиде на поплаки, од луѓето од Пентагон кои се жалат дека парите не им стигаат. Пред овие дополнителни 54 милијарди во 2018, за 2017 е предвидено да добијат дополнителни 30 милијарди.

Старата изрека дека „времето лечи сè“ изгледа не важи за изборот на Трамп. Колку пати да го изговориме тоа фамозно „американскиот претседател Доналд Трамп“, тоа повторно ни звучи некако надреално. И барајќи ги причините за таквата реалност, луѓето на сешто ќе помислат, па и на порното. Но, почекајте, прераната ејакулација е проблем и во политичкото мислење.

Се вика Островот на фазанот, се наоѓа сред реката Бидасоа, има нула жители, и во зависност од делот од годината кога се интересирате за него или и припаѓа на Франција или и припаѓа на Шпанија.

Стандардната ротација на градови домаќини веројатно е дека ќе издржи уште еден-два круга, во кои ќе се јават градови што се подготвени да изградат цела инфраструктура за едно користење, меѓутоа долгорочно МОК најверојатно ќе биде принуден на составување список на полу-постојани домаќини на Олимпијадите.

Велика Британија планира да воведе затвор за она што досега се казнуваше само со парична казна - реметење авиони со оние џепни ласерчиња. Минатата година на рекорден број луѓе ова им станало омилена занимација.  

Од последниот ноември до сега од служба и живот се одјавија шестмина високи руски дипломати, плус соработник на екс заменик премиер. Сите освен еден починаа во странска земја а освен кога се работи за пукање, најчесто е „инфаркт“ или „кусо боледување“.

Откако ќе се формираат, впечатоците се неверојатно отпорни (на менување), се тврди во заклучоците од една студија од 1975. Во друга, пет години подоцна, се заклучува дека "дури и откако доказите за нивните верувања се комплетно отфрлени, луѓето пак не успеваат да направат соодветни ревизии на овие верувања". Од тогаш истото го имаат потврдено уште илјадници експерименти и студии (што е малку самопророчки), она што ги буни сите е "Како сме станале вакви?"

Шведска ќе им врати околу 4 милијарди евра на своите граѓани кои влегле во буџетот откако овие решиле да платат повеќе данок од што им било побарано.

Минатата година Исланд имал 5 пати повеќе туристи отколку што вкупно има население, заради што локалците се потешко успеваат да се справат со навалата.

Списокот обвиненија против Путин почнуваат од задушување на секаква здрава опозиција на домашен терен и напори за растурање на ЕУ, до монтирање и помагање на конзервативно десната те влада те опозиција низ Европа и вселување на Доналд Трамп во Белата куќа.

Исландскиот претседател си допушти да се нашали на сметка на помодарството околу храната па рече најави би забранил да се става ананас на пица. Го стегнаа и ене го, се објаснува.