Дончиќ синоќа стана вториот најмлад играч во историјата на НБА кој забележал трипл-дабл со најмалку 40 поени. Само Леброн Џејмс имал таков учинок. Словенецот во триумфот на Далас над Спарс 117:110 постигна 42 поени (14/27 од игра, 5/13 за три поени) со 12 асистенции и 11 скока.

Екипите на Еуро Табак, Ван Хоол и А1 со победи го отворија 8. коло во Бизнис лигата на Македонија.

Иако Флорентино направи „Галактикос“ со Роналдо (Бразилецот), Зидан, Робињо, Бекам, Раул, Барселона дојде на Бернабеу во уште пострашен состав: Деко, Чави, Меси, Ето, Роналдињо. Кој од кој појезив за чување на теренот. Роналдињо тогаш направи дар-мар, Каталонците глатко славеа 0-3 а илјадници на стадионот во Мадрид стоечки му аплаудираа на големиот мајстор од ривалскиот клуб.

Додека неговата земја ја газеше Ерменија 9:1, за него синоќа беа побитни првите три букви од глаголот “газеше“, отколку да го гледа историското издание на Италија. Тој и се насука на Инстаграм на неговата бивша, Рафаела Фико на која и го остави следниот коментар: „Мајко мила каков г`з“. Мислиш уште 19 години има, а не 29.

Емануел Мидиеј од Јута Џез на играч од Минесота му измести и врат и памет.

На жабарите им тргна, ама не да им тргна, растур систем прават. Манчини остварува рекорди недостижни и за Трапатони, Липи, Ѕоф. Несреќникот Џанпјеро Вентура веќе никој не го ни збори.

Васко да Гама против Гоиас во бразилското фудбалско првенство. Домаќините поведуваат 1:0 преку некогашниот најголем талент на јужно-американскиот фудбал, Колумбиецот Фреди Гуарин, а Гоиас израмнува дури во 90+7’ минута по еден смешен, бизарен автогол на Освалдо Енрикез.

Во Тел Авив многу интересен меч одиграа Аргентина и Уругвај. Паднаа четири гола и сите четири ги дадоа великани на јужно-американскиот фудбал: Кавани, Суарез, Агуеро и Меси. Оној на Лучо беше некако нај.

Со головите на ѕвездите Агуеро, Меси, Суарез и Кавани, Аргентина и Уругвај одиграа пријателска 2:2. Му се сипаа на тоа малото четворица еден по друг и? Што и, џабе и гурање и паѓање, не е нормален, тоа е тоа.

На селекциите на Ботсвана и Алжир во квалификациите за Куп на нации им се падна судија кој дефинитивно не знае кај тера. Колете се вие, до три фаули во акција толерира, за потоа да свирне непостоечки офсајд.

Иако имаа 9 од 9 во квалификациската група за ЕП 2020 и веќе немаа никакви мотиви за игра, сепак ги најдоа и решија да здробат сè до крај, односно да го завршат циклусот со 10 од 10. Не сме гледале волку моќна и ефикасна Италија до сега.

На 12 меча имаат само едно реми на Олд Трафорд, а сè друго победија. Веќе се на +8 од Лестер и Челси, а на +9 од Сити. Во еден прејак видео приказ, тоа изгледа вака.

Единственото игралиште на планетава каде за да изведеш корнер треба да припазиш како да си на пешачки, се наоѓа кај нас, да кај нас или поточно во близина на Прилеп. Ајде добро, можеби не е единствено, иако ние мислиме дека е.

Цвејген Каназава, јапонски клуб чии навивачи никако не можеле да наполнат автобус за гостување на страна. И што да прават, решиле да врзат кукли, за да изгледаат повеќе на трибина.

Бостон Селтикс после првиот пораз на стартот од новата сезона во НБА, нанижаа неверојатни 10 победи по ред. Синоќа изгубија за „пола кош“ во Сакраменто 100:99, а милиметри ги делеа од продолжување на лудата серија. Маркус Смарт во последна секунда влезе на положување за победа и...

Репрезентацијата на Велс утре вечер на домашен терен игра директен дуел против Словачка за пласман на Европско 2020 година. Кој победи оди на големиот турнир. Во меѓувреме, навивачите на Велс во Азербејџан се спрдаваа со односот на Бејл со Реал Мадрид каде најчесто игра голф и не тренира со првиот тим.

Толисо после осум минути игра, а Гризман после триесет и една минута дадоа по гол за победа на Франција против Албанија во квалификациите за Евро 2020. Мечот се играше на новиот модерен стадион во Тирана „Арена Комбетаре“, кој синоќа го имаше свеченото отворање. За изградбата е вложено 60 милиони евра, ама некои од луѓето задолжени за прскалките ја упрска премиерата.

Свазиленд и Сенегал играа квалификациски натпревар во Купот на Африкански нации на лудо време. Прво се спои небо и земја и не можеше човек да држи рамнотежа на таков ветер, не па топка, а потоа се отвори како за пикник на 1 мај.

Португалците ризикуваа во последното коло против Луксембург на гости да останат без пласман на Евро 2020, затоа што домаќините имаа неколку сериозни шанси за гол при резултат 0-0 и 0-1. На крај Роналдо со себичен потег го реши мечот.

Селекцијата на Косово помина далеку полошо дома, отколку на гостувањето во Англија. Таму 4:3, дома 0:4. а најмногу во игра еден на еден го окрка овој дефанзивец во дуел со Рашфорд.

Во втората четвртина од дербито на 7. коло во АБА лигата меѓу Партизан и Црвена звезда, на делот каде што седеше една од трите фракции навивачи на Партизан дојде до страотна тепачка. Полицијата интервенираше со задоцнување и на крај хаосот заврши после неколку минути.

Сценава на синоќешниот меч меѓу Израел и Полска е настварна. Влетува падобранец на терен, полицаец се стрчува да го фати и место него, му влегува на полскиот дефанзивец Томаш Кедзора. На крајот несреќник е и тој и фудбалерот, бидејќи и двајцата лежеа повредени на терен. Левандовски куртули, а за малку и него ќе му клизнеше. Оф мори мајко, каква циркузијада е ова.

Прво калта ја штопна топката, односно ја одбрани да не влезе во гол, потоа го имаше она “вратена до голман“, па судијата досуди индиректен удар и на крај сите на гол и општ хаос.