Светскиот рекет број 1 последните неколку дена на Австралија Опен влече повреди кои го спречуваат да го игра најдобриот тенис. Попладнево после 3 ипол часа макотрпна игра со 3-1 во сетови го совлада Александар Зверев и ќе игра во полуфинале. Во еден момент од третиот сет Ѓоковиќ го пеплоса рекетот.

Коронавирусот продолжува да влијае на еврокуповите и меѓународните гостувања во Лига на шампиони и Лига Европа. Ако минатата сезона УЕФА смисли да ги собере сите преостанати клубови во осминафиналето на едно место, овојпат планот е поинаков.

Суперѕвездата на ЛА Лејкерс мака мачи со повреда на Ахиловата тетива која наизглед делува лесна и решлива, ама докторите предупредуваат дека во иднина кариерата би можела да му биде доведена во прашање. „Замислете каков притисок на најслабиот дел од телото врши висина од 208 сантиметри и габарит од 115 килограми“

Капитенот на Македонија го образложи статусот на Инстаграм со кој ја нападна ФФМ дека не се грижи и не им помага на македонски клубови, туку важни им се само личните интереси.

Синот на Милко Ѓуровски, веќе 10 години е на Тајланд. Таму се прослави како играч, постигна 93 гола за три различни клуба, а од октомври лани на 35 години стана тренер и седна на клупата на Муангтонг Јунајтед. Екипата под негово водство има одлична серија од неколку победи а играат и добар фудбал.

Шведскиот трофеен клуб АИК од Стокхолм синоќа прослави јубилеј 130 години од своето основање. За овој голем настан, навивачите приредија спектакл во главниот град.

Македонскиот репрезентативец Иван Иве Тричковски веќе неколку години е меѓу најдобрите стрелци во фудбалската лига на Кипар. Тричко и синоќа беше прецизен во триумфот на неговиот АЕК Ларнака над Ахнас 3:1. 10-ти гол досега во лигата за некогашниот центарфор на Вардар, Работнички, Клуб Бриж и Легија Варшава.

Чекај бе, ние мислевме дека сме врвот во ова и го критикувавме Кратово. Па таму барем имаше зелена површина, а ова е како да играш во бара и не можеш ни фор да и дадеш на топката, а не па да ја додадеш. Најјакото е што судијата вели терај, супер е за игра, а копачките им пливаат во вода.

Лариса и АЕК одиграа меч кој ако го чекаш за добивка, ќе ти застане здивот. Прво полувреме завршува 0:2, па домаќините израмнуваат со голови во 70-та и 80-та. Финишот не можеше да биде полуд. АЕК дава гол за 2:3, Лариса добива пенал со ВАР и го промашува во 95-та. Гостите тргнаа во контра и ги дотолчија со конечни 2:4.

Додека правел репортажа кај стадионот „Монументал Исидро Ромеро Карбо“ во Еквадор, новинарот на DirecTV Диего Ординола и камерманот кој го снимал биле ограбени од вооружен крадец кој им ги земал мобилните телефони. А викаат само хулиганите биле проблем на стадиони.

Сите ние што уплаќаме постојано грешиме и правиме утки во прогнозата. На толку голема понуда со типови и коефициенти еднаш да згрешат и тие што го прават билтенот.

Се сеќавате ли на емотивната и топла приказна за Николас, момчето кое ги гледа натпреварите благодарение на мајка му? И покрај сите пречки, го доживеа и најголемиот клупски континентален успех на својот тим и тоа во живо.

Патрик Јуинг имаше еден влез на Ол-стар во 90-те со три чекори кој судиите му го простија, ама тоа повеќе е како егзибиционен натпревар. Леброн синоќа против Денвер тргна самоуверено како воз од кош на кош и се заборави, ама никому ништо, а три ги направи ако не и четири.

На мечот меѓу Пурдју Форт Вејн и Јангстон Стејт имаше забивање какво што не се гледа ни во НБА. Деметрик Хортон, комбо бекот на Пурдју Форт Вејн во еден напад сам ја фрли топката и од табла заби како Трејси Мекгрејди на времето на Ол-Стар забивања.

Манчестер Јунајтед прими гол од ВБА уште во 2' минута, па во 44' израмни на 1-1 и имаше голема шанса брзо да направи пресврт, ама судијата Грег Поусон реши да свирне полувреме кога овие тргнаа во опасна контра пред противничкиот голман.

Голманот на Вест Бромвич, Сем Џонстон до свои 27 години не бранел во Премиер лига каде првпат застана на гол сезонава. И веќе е во Tоп 5 голмани во лигата.

Данска, земјата која го освои последниот Мундијал и ја одбрани светската титула. Додуше ова е во женски ракомет, ама без разлика, чудно и несвојствено е да се избламира вака човек во овој спорт.

Откако минатиот месец направи трансфер од Јапонија во Бугарија, Доријан Бабунски дебитираше за Ботев Враца кој загуби од Берое со гол во судиско. Македонскиот интернационалец се истакна уште на првиот меч за новиот клуб, најпрвин со асистенција, па со акробација која заврши во пречка.

Кристијан Ериксен за една година престој во Серија А научил нешто италијански, ама само зборови. До склапање реченици не е стасан. Можеби новинарот требал да сврти да англиски, ама така па него ќе му се отвореше работа да преведува.

Најзаслужниот што Македонија ќе игра на едно Европско првенство, капитенот Горан Пандев на својот Инстаграм профил напиша долга објава и се закани дека ќе се повлече од македонскиот клупски фудбал ако нешто не се смени.

Луис Суарез престана да гризе, ама сега во Индија почнаа и тоа не рамо или врат како што правеше Уругваецот. Овој е бетер.

Иранскиот фудбалер Надер Мохамади би можел да влезе во Гинисовата книга на рекорди како играч кој фрлал најдолг аут. 23-годишниот Мохамади има специфична техника на изведување аути, со салто напред.

Старите добри другари кои газеа во Милан, а сега се во тренерски води. Синоќа Гатузо (Наполи) го изненади Пирло со 1:0 (Јувентус), што значи снимкава не ќе да е од синоќа.

Најдобриот ракометар во историјата на Македонија, Кире Лазаров ќе биде промовиран за нов предводник на македонската репрезентација.